Kreu i Gjykatës Kushtetuese: Prekja e Kushtetutës nuk është tabù

Kryetari i Gjykatës Kushtetuese, Bashkim Dedja, në një intervistë për Top Channel, thotë se për të luftuar korrupsionin duhet, së pari vullnet dhe bashkëveprim, por edhe përsosje të mekanizmave, që duhet ta kontrollojnë, kapin dhe ndëshkojnë këtë fenomen në gjyqësor.

“Korrupsioni është një fenomen shumë i dëmshëm për shoqërinë, në çdo shoqëri demokratike. Sa më i madh të jetë, aq më i dëmshëm është për qytetarët dhe ndikon në mosfunksionimin e shtetit dhe të institucioneve. Natyrisht që, Shqipëria i ka të gjithë mekanizmat e nevojshëm dhe të mundshëm për luftimin e korrupsionit, duke filluar që nga mekanizmat e vëzhgimit, përfshi atë publik, qoftë mekanizmat e kontrollit, qoftë dhe mekanizmat e hetimit, gjykimit, gjurmimit. Të gjitha këto janë mekanizma, që janë në dorë të institucioneve shtetërore për ta luftuar korrupsionin. Sigurisht që korrupsioni në institucionet e drejtësisë është shumë i dëmshëm, sepse vë në dyshim dhënien e drejtësisë dhe të drejtat e liritë e qytetarëve. Gjithashtu, vë në dyshim edhe funskionimin e shtetit. Por, shteti duhet të bëjë përpjekjet maksimale, që ky fenomen të jetë sa më i ulët dhe i pandjeshëm. Unë, natyrisht, nuk mund të flas se çfarë nuk shkon, por këto mekanizma duhet të jenë bashkëveprues dhe duhet të ketë vullnet për ta luftuar atë. Natyrisht që, mekanizmat nuk janë të përsosur dhe gjithmonë ka nevojë për ndryshime dhe përmirësime. Duhet që mekanizmat të përsosen dhe perceptimi për korrupsionin të bjerë, në mënyrë që edhe shteti i së drejtës të marrë vlerësimin që i takon”, tha Bashkim Dedja, kryetar i Gjykatës Kushtetuese.

Pak ditë pas hapjes së debatit dhe diskutimeve për rishikimin e Kushtetutës, zoti Dedja shprehet se nuk është tabù prekja e saj.

“E rëndësishme është që aty, ku do të ndërhyhet, të jetë shumë e studiuar, me qëllim që të mos ndërlikosh situatat, në vend që t’i rregullosh, dhe së dyti t’i shërbejë forcimit të shtetit të së drejtës. Pavarësisht se është ligji themeltar i shtetit, nuk është tabù, që të preket Kushtetuta, por prekja e saj duhet të jetë jashtëzakonisht e kujdesshme, shumë e studiuar dhe, sidomos, të përfshijë komunitetin e juristëve dhe të grupeve të interesit, specialistëve jashtë grupit të interesave, dhe t’i shërbejë një qëllimi madhor”, vijoi më tej zoti Dedja.

Në 20-vjetorin e Gjykatës Kushtetuese, ju keni konstatuar se politika, gjithmonë e më shumë, po e përdor Gjykatën Kushetuese, sa herë ajo ka konflikte mes kampeve. A vijon të ndodhë e njëjta gjë?

“Konfliktet politike shndërrohen në konflikte juridike, të cilat vijnë edhe zgjidhen pranë Gjykatës Kushtetuese. Nuk është detyrë e Gjykatës Kushtetuese, që të kënaqë palët, por të bëjë drejtësi, pavarësisht se kush është pala, pavarësisht se kujt i bëhet qejfi dhe kujt i ngelet hatri. Gjykata Kushtetuese ka si mision të saj ruajtjen dhe mbajtjen e Kushtetutës, ndarjen dhe balancimin e pushteteve, forcimin e shtetit ligjor, respektimin e të drejtave themelore të njeriut. Nuk lidhet me politikën, se kush është sot, apo kush do të vijë nesër. Nuk i shërben momentit, por perspektivës, sepse vendimet e saj, jo vetëm që japin një vlerësim të një rasti konkret, por vlerësojnë edhe impaktin që japin në shoqëri dhe në forcimin e ruajtjen e demokracisë. Njëkohësisht, prek edhe ato elementë, që kanë të bëjnë me politikën e shtetit. Për shembull, po them ‘Marrëveshja e Detit’, që u shfuqizua nga Gjykata Kushtetuese, që kishte të bënte, në fund të fundit, me një çështje politike të shtetit tonë. Pra, është një shpjegim, studim e vendim kompleks, në vendimmarrjen e saj, që nuk ndikohet nga politika, pavarësisht pakënaqësive apo etiketimeve, që mund të bëhen në politikë nga palët. Gjykata Kushtetuese i nënshtrohet vetëm Kushtetutës dhe respekton vetëm aktet e detyrueshme për të”./TCH

FOTO LAJM/ “Armiku” mes nesh

19:21 Politika

Svensson: Suedia, votë pro statusit për Shqipërinë

16:17 Politika

Vodafone bën transparencë: Disa vende kanë akses direkt në rrjetin tonë, mund të përgjojnë pa mandat

18:58 Politika

BBC: Italianët po kalojnë Adriatikun për të kërkuar punë në Shqipëri

18:36 Politika

Bushati: Asnjë nga vendet anëtare të BE nuk ka dhënë sinjale për bllokimin e statusit

17:21 Politika

Vorpsi: Rama përgjegjës për kriminalizimin e administratës

15:27 Politika

Statusi/ Tomasova: Shfaqjet politike në Kuvend, jo ato që pret BE

14:10 Politika

Statusi/ Vasili: Jemi më optimistë se asnjëherë më parë. Jo hetime parlamentare, si karikatorë politikë

13:58 Politika

Nishani niset për Ukrainë, do marrë pjesë në betimin e presidentit

12:03 Politika

Fjalimi ndryshe i Patozit/ “Një SOS për të shpëtuar shtetin”

11:15 Politika