INTERVISTA/ Kukan: Duhen rezultate në gjyqësor

Shqipëria duhet të dëshmojë rezultate konkrete në gjyqësor në luftën ndaj korrupsionit dhe krimit të organizuar, si edhe në reformën administrative. Eduard Kukan, i cili ka kryesuar delagacionin për Ballkanin në Parlamentin Europian, thotë në nje intervistë për Top Channel se përbërja e re e Parlamentit Europian do të bëjë që të dëgjohen edhe me fort zërat e atyre që janë kundër zgjerimit, ndaj ai kërkon qëndrueshmëri dhe vijim të dialogut mes palëve.

Zoti Kukan, pavarësisht se nuk u arrit deklarata e përbashkët për komitetin me Shqipërinë siç u shprehet në fund të mandatit tuaj, Këshilli i Bashkimit Europian miratoi dhënien e statusit kandidat, çfarë sfidash mbeten për anëtarësimin real të vendit?

Ka ende shumë, por më e rëndësishme është se Shqipëria mori statusin e vendit kandidat. Siç e dimë të gjithë, pati disa shtete anëtare që ishin pak hezituese përpara takimit të Këshillit. Jam i lumtur që u dha statusi kandidat më në fund. Mendoj se Shqipëria e meriton dhe se kjo do të ketë një ndikim pozitiv për të nxitur më tej ambicjen europiane të Shqipërisë. Sidoqoftë, ishte e rëndësishme për Shqipërinë marrja e statusit kandidat dhe tani është e domosdoshme që t’u dëshmohet të gjitha shteteve anëtare se bënë gjënë e duhur. Kjo do të thotë se duhet të vazhdojë procesi i reformave dhe është me rëndësi për Shqipërinë të japë rezultate  në fushën e gjyqësorit, reformës administrative, e në fushën e luftës ndaj korrupsionit dhe krimit të organizuar. Këto do të ishin me të vërtetë dëshmi të forta. Për këtë, do ishte e nevojshme që të vijohet në mënyrë objektive dialogu politik konstruktiv ndërmjet partive politike në vend. Pa këtë, dyshoj se vendi do të avancojë në këtë qasje, sepse të gjithë e mbajnë mend, përfshirë dhe neve në Parlamentin Europian, se kjo ishte arsyeja pse Shqipërisë iu desh të priste për kaq shumë kohë statusin kandidat, për shkak të mungesës së një dialogu të vërtet politik normal.  Për të arritur progres, do të ishte e nevojshme që të vijohej kjo dhe të dëshmohej se është e qëndrueshme dhe se nuk bëhet fjalë vetëm pêr vetëm disa sinjale pozitive, por që kjo funksionon me të vërtetë në Shqipëri. Pa këtë do të ishte e vështirë për shkak të faktit se dhënia e statusit kandidat ndaj Shqipërisë ishte i paqartë deri në ditën e fundit, çfarë do të thotë se Shqipëria do të jetë në fokusin e atyre vendeve anëtare që duan të shohin se progresi në vend rigjallëroi atmosferën politike në Shqipêri dhe se kjo është e qëndrueshme dhe e vazhdueshme dhe kjo, për shkak të situatës, është disi kërkuese për Shqipërinë.

Duke marrë parasysh se nuk do të ketë më një delegacion për Ballkanin me legjislaturën e re, si do të ndikojë drejtimi i PPE-së në delegacionin për Shqipërinë?

Ka vërtet një strukturë tërësisht të ndryshme të delegacioneve dhe kjo do të përbëjë një fokus më të detajuar mbi Shqipërinë, sepse më parë Shqipëria ishte një ndër 5 vendet që mbulonte delegacioni. Tashmë do të ketë delegacion më vete ku do të mbahen takime të veçanta e do të diskutohet konkretisht në mënyrë më të detajuar për zhvillimet në vend. Unë do t’i këshilloja kolegët në Tiranë që ta përdorin këtë mundësi për të provuar se situata ka ndryshuar dhe se ajo është konstruktive në Shqipëri dhe se ky delegacion do të jetë një hapësirë e mirë për të përcjellë këto mesazhe përmes tyre. Jam i bindur se cilado qoftë përbërja e delegacionit, do të jetë në ndihmë të Shqipërisë . Ka eurodeputetë që janë përherë mbështetës për procesin e zgjerimit, por duhet të them se kompozimi i këtij Parlamenti është i ndryshëm nga ai i mëparshmi. Jam i sigurtë se kësaj radhe do të dëgjohen më shpesh zërat e atyre që do të flasin kundër zgjerimit, që do të tentojnë të përdorin çdo gabim nga ana e vendeve kandidate për të thënë se ata kanë të drejtë e se BE duhet të presë më shumë për zgjerimin. Ju nuk duhet të dekurajoheni nga kjo, por ky është realiteti. Nëse ju bëni punën tuaj, kjo do t’i bëjë ata të heshtin, por është e rëndësishme të përgatiteni për këtë. Grupet politike tradicionale janë në dijeni  dhe duan të bashkëpunojnë ngushtë dhe të ruajnë këtë kurs në procesin e zgjerimit të mundshëm të BE-së në të ardhmen, por le të përballojmë realitetin ashtu siç është.

*Përgatiti: Arta Tozaj/ Top Channel 

Historia e trishtë e 22-vjeçarit, zhduket në Greqi njësoj si i ati vite më parë. Shoku i tij gjen vdekjen

15:25 Kronika

Trafiku i heroinës/ Policia franceze arreston 5 shqiptarë, pas 1 viti hetimesh

11:00 Kronika

8 punonjës policie në procedim disiplinor/ U kapën pa kapele, duke fjetur gjumë apo duke konsumuar alkool

12:41 Kronika

Këshilli Ekzekutiv i Konferencës Gjyqësore: Kuvendi dhe Qeveria kanë mjetet ligjore për reformimin e drejtësisë

19:37 Kronika

Shtyhet vendimi për padinë e Ina Ramës

15:48 Kronika

Aksident i rëndë në Shkodër/ Merr flakë autobusi me pushues nga Kosova, dy të plagosur

19:32 Kronika

Shpallen në kërkim 3 punonjës policie kufitare/ Regjistronin fiktivisht hyrje-daljet e mjeteve

15:27 Kronika

Gjykata e Apelit ndryshon masën e sigurisë: Tani Florenc Hoxha do jetë në detyrim paraqitje

12:05 Kronika

Çfarë mendojnë myslimanët shqiptarë për krijimin e kalifatit?

19:27 Kronika

Kërkon të bëjë kallëzim për korrupsion, Prokuroria e lë 40 minuta te dera zyrtarin e MAS (dhe nuk dihet nëse e priti)

15:48 Kronika