Rama: Në dhjetor nis akreditimi i universiteteve (VIDEO)

Nga muaji dhjetor i këtij viti, universitetet shqiptare, qofshin publike apo private do të kalojnë në proces akreditimi. Kjo u bë e ditur nga Kryeministri Edi Rama gjatë analizës për 300 ditët e para të Qeverisë në fushën e Arsimit dhe Sportit.

Rama theksoi se kjo është faza më e rëndësishëm në reformimin e arsimit por edhe më e rëndësishmja pasi sipas tij do orientojë prindërit dhe nxënësit të dinë ku të investojnë.

“Në dhjetor vjen pjesa më e vështirë, pasi një nga agjencitë më prestigjoze do nisë procesin e akreditimin institucioneve të arsimit të lartë pa dallim shtetëror apo privat me standarde të BE-së, për ti dhënë fund një historie kur të reja dhe të rinj të papunë të disponojnë një diplomë pa asnjë vlerë, për të cilat janë shkrirë paratë e prindërve. Renditja e universiteteve sipas cilësisë do ndihmojë prindërit të dinë se ku po investojnë dhe tregu të dijë ku ti drejtojë sytë. Universitete shtetëror dhe privat që do trajtohen njëlloj”,  theksoi Rama.

Kryeministri Rama ka theksuar rëndësinë e shkëputjes së arsimit nga politika. Në këtë kuadër, Kreu i Qeverisë ka vënë theksin që emërimet në institucionet arsimore nuk duhet të ndikohen nga politika, ndërsa shtoi se edhe vlerësimi i mësuesve duhet të bëhet sipas një standardi.

Duke u ndalur tek reforma e Arsimit të Lartë, kryeministri Rama theksoi se në këtë mënyrë hidhen bazat e revolucionit në arsim, duke u dhënë fund situatës në të cilën u gjend ky sistem në 20 vitet e kaluara.

 “Po drejtojmë brezin e ri drejt bashkimit, dhe po bëjnë një unifikim të kurrikulës me Kosovën. Kemi ndërhyrë në tekstet arsimore, pasi hoqëm 120 libra arsimorë që kishin gabime. Janë hedhur bazat e revolucionit në arsim. Vlerësimi i mësuesve duhet të jetë në një standard. Kemi përgatitur një nga reformat më të rëndësishme për 20 vitet e e ardhshme për të lënë pas katrahurën e krijuar në 20 vitet e kaluara në këtë sistem. Synojmë të reflektohet një qasje e re mbi autonominë financiare dhe administrative të universiteteve. Do të mbyllen ato universitete që nuk do të arrijnë të konkurrojnë më. Do të jenë të gjitha universitete publike me financim shtetëror apo privat, dhe jo më ndarje universitete publike e private”, u shpreh kryeministri Rama.

Sipas Ramës, shumë shpejt do të hiqet nga qarkullimi dhe Alterteksit, i cili ka sjell vetëm kaos dhe rrëmujë në sistem parauniversiar në vend.

“Kemi hyrë në gjithë sistemin kanceroz të librave mësimor. Një sistem kanceroz që ka kaluar me pasoja të tmerrshme në nivelin e arsimit të fëmijëve në gjithë sistemin parauniversiar. Janë hequr rreth 120 libra, me një vendim nga poshtë lartë, në konsultim me gjithë mësuesit. Ndërkohë, revolucioni me tekstet do vazhdojë, pasi dhe Alterteksit do i vi fundi, i cili krijoi kaos në gjithë hapësirën e më të rinjve dhe fëmijëve. Nga na atjetër, ka qenë dhe mbetet objektiv i yni që shkolla mos të jetë vendi ku të provohet cilësia e mësimdhënës, por një hapësirë e komunitare”, tha gjatë fjalës së tij Rama.

Demokratizimi i sistemit arsimor në vend, është cilësuar si një nga prioritetet e 300 ditëve të para të Qeverisë Rama në fushën e arsimit.

“Në këto 300 ditë janë hedhur bazat e një revolucioni në arsimin shqiptar që sapo ka nisur. Që ka si protagonist një skuadër të përkushtuar dhe që drejtohet me pasion dhe largpamësi nga ministrja Lindita Nikolla. Përtej gjithë rezultateve të renditura imtësisht në gjithë kapitujt e këtij raporti publik, do konsiderojë rezultatin kryesore të 300 ditëve shprehjen; për ta demokratizuar shkollën në Shqipëri dhe për të hapur një kapitull ku merita është kriteri kryesor i vlerësimit, në bazë të konkurrencës së vlerave dhe ka ende shumë për të qenë një konkurrencë e shëndetshme. Por ajo që mbetet është se këto 300 ditë mjaftuan që ti jepet mesazhi i qartë se nuk i ndajmë njerëzit në tanët dhe të atyre, por ata janë një kapital njerëzor të cilin do ta trajtojmë me një interes të madh, thjesht nga kontributi i gjithsecilit për shkollën. Këtu besoj nis një rrugëtim, që pastaj nuk kishte si mos të sillte përmes këtij sistemi demoktratizus, përfshirjen e mësuesve në vlerësimin e drejtuesve, një hap i marrë nga Ministrja.”, shtoi Rama.

Ndërkohë, kryeministri Rama u ndal dhe tek marrëveshja mes Shqipëri-Kosovë sa i takon njësimit të kurrikulave, hap sipas të cilit shumë i vlefshëm dhe për brezat e ardhshëm.

“Në kemi hartuar një kornizë të re kurrikulare, të afruar me atë të BE-së. Dhe në këto 300 ditë kemi bërë atë që në këto 20 vite nuk u tentua të realizohen. Kemi arritur një marrëveshje konkrete për të unifikuar kurrikulën me atë kosovare, e cila do ti shërbejë gjeneratës tjetër në rajon. Jo duke rrahur gjoksin e dukë vënë qeleshe në kokë, por në bashkësinë e Evropës së bashkuar”, shtoi Rama.

Por gjatë fjalës së tij, Kreu i Qeverisë nuk ka lënë mënjanë batutat në drejtim të gjetjeve nga Inspektoriati i Ministrisë së Arsimit.

 “Në një raport fantastik të bërë nga Inspektoriati i Ministrisë së Arsimit, lexova një doktoratura në infermieri, që besoj do të gajaste jo gjithë botën njerëzore, por edhe botën e kafshëve: doktoratë në Infermieri “Roli i diplomacisë së vendeve të vogla në sigurinë rajonale” ose doktoratë tjetër në Infermieri “Vlerësimi i performancës në politikën e Shkodrës. Megjithatë, kjo e dyta,, duket shumë më korrekte në krahasim me të parën. Jam shumë kurioz se ku i bën gjilpërat ky doktori i shkencave që ka doktoruar për sigurinë rajonale dhe nuk e di a e ka fjalën për Ballkanin apo për ndonjë rajon të trupit. Gjithsesi, sot jemi para një fakti që është se Shqipëria jonë e vogël ka 20 institucione të arsimit të lartë për 1 milion banorë ose 8 herë më shumë se Britania e Madhe. Sa për të sjellë një shembull, se me herë mundim Gjermaninë, mundim Francën, mundim Amerikën, i mundim të gjithë se kemi arritur në shkallën që kemi doktorë infermierie që merren me sigurinë rajonale”, theksoi Rama.

Ministrja e Arsimit Lindita Nikolla gjatë prezantimit të 300 ditëve qeverisje të këtij institucioni ka theksuar se po ndërtohet një proces anti-korrupsion në arsim. Ministrja Nikolla ka paralajmëruar se do të kalojnë nën lupën e vazhgimt të gjithë dhe nuk do të ketë më as kurse private, as diploma që blihen, as vende pune qe shiten e blihen, dhe as institucione private që nuk janë në respektim të ligjit.

“Arsimi na përket të gjithëve ndaj duhet të jemi të përfshirë për vendimmarrjen në arsim. Dëgjoja këta njerëz se sa orë kanë shpezuar për ta bërë realitet. Për ne kryefjala në këto 300 ditë ka qënë dhe mbete shërbimi për ata që janë dhe që do të vijnë në sistemin tonë arsimor. Kam qënë me peridërit dhe fëmijët nga veriu në jug për të parë nga afër se sa dhe si i shërbehet fëmijëve. Për të parë se si është cilësia në shkollat tona. Në nuk realizojmë reformë në emër të reformave por refoma që duhet të zbatohen.
Në në këto 300 ditë jo vetëm kemi thënë të vërtetat por kemi për të punuar fort për atë që ka shkuar keq. Jam e vendosur të largoj njëherë e mirë polirtikën nga shkolla dhe arsimi. E kam pyetur veten se çfarë do të ndryshojnë në sistemin parashkollor? Ndaj dhe u angazhuam dhe kemi një projekt, një projekt për përgatitjen e edukatoreve.  U angazhuam dhe treguam shenjat e vendosmërisë për të larguar politikën nga shkolla. Unifikuam kornizën kurikulare me atë të Kosovës. Përmirësuam cilësinë e teksteve, 120 tekste shkollore problematikë u hoqën. Mësuesit dhe prindërit zgjodhën tekstet jo të dërguarit e ministrisë. Shkolla jonë ne bazë të kurikulës së re do të nxisë dhe më tej dijen për nxënësit. Ne kemi filluar sipërmarrjen madhore për dixhitalizimin e sistemit arsimor”, tha Nikolla. 

Në vijim ajo shtoi se rezultati që bazohet vetëm në punën e palodhur.

“Në maturën shtetërore ne dëshmuam përgjegjshmëri dhe rezultatet u bazuan në punën e tyre. Shumë prindër na falënderuan për atë që realizuam me maturën shtetërore. Por ne fakt bëmë vetëm detyrën. Ashtu do t’ia bëjmë edhe me maturantët që nuk ia dolën.  Rezultatet e maturës shtetërore do t’i kthejmë në një instrument të rëndësishëm.  E bindur që kemi bërë vetëm detyren dhe në arsimin e lartë. Ne jemi të vendosur për ri ktheyer autoritetin dhe cilësinë universiteteve tona publike dhe private.  Komision i pavarur ka bërë një punë të shkëlqyer,  ka bërë një raport mbi arsimin dhe me pas do të kalojmë në Kuvend ligjin e ri të arsimit të lartë”, shtoi ajo.  
 
“Ne do të ndërtojmë një proces lufte anti korrupsioni në arsim. As kurse private, as diploma false, as vende pune qe shiten e blihen, as institucione private qe nuk jane në respektim të ligjit. Do të ketë dhe ndëshikime ata që do të ndëpresin rrugën tonë. Ka dhe skeptikë por dhe ato janë të shendetshme për demokracinë tonë. Në ditët në vijim do të themi të vërtetat në arsimin e lartë, dhe jemi të vendosur për t’i sjellë dinjitetin arsimit të lartë”, tha Nikolla.

Meta: Vjedhja në Bankën e Shqipërisë u identifikua dhe u denoncua nga vetë banka (VIDEO)

13:31 Sociale

Vjedhja e thesarit/ Braçe: Imazhi i Bankës është cënuar rëndë, tolerancë zero ndaj përgjegjësve (VIDEO)

12:51 Sociale

Analiza e Ministrisë së Zhvillimit Ekonomik/Ahmetaj-vartësve: Ktheni investitorët strategjikë, në realë (VIDEO)

12:40 Sociale

Kapet një prej të dyshuarve të plagosjes së policit në Shkodër (VIDEO)

12:02 Sociale

Territorialja/Peleshi: Do zhvillohet fshati, nuk kufizohen investimet (VIDEO)

12:04 Sociale

Masakër gjatë një grabitje në Maqedoni, 1 i vrarë, 4 të plagosur/ Autorët dyshohet se janë nga Shqipëria (VIDEO)

18:32 Sociale

P/ligji për Policinë e Shtetit/ Garda nuk do të shkrihet, ndryshon emërtim. Miratohet Strategjia e Sigurisë (VIDEO)

15:32 Sociale

Inspektimi Shtetëror Shëndetësor/ Beqaj: Garant për shëndetin publik

15:04 Sociale

Lejoi zaptimin e plazhit publik, procedim penal ndaj kreut të Komunës Shëngjin. Reagon Kaçaj (VIDEO)

12:48 Sociale

Matura Shtetërore/ Nikolli: Gjetëm shkolla private të licencuara, por fiktive. Testet nuk shiten më

11:21 Sociale