INTERVISTA/ Ahmetaj: Vlerësim për Shqipërinë që Rama do dalë vetëm me Merkel në konferencë

Ministri i Zhvillimit Ekonomik, Tregtisë dhe Sipërmarrjes, Arben Ahmetaj, dha një intervistë për televizionin Top Channel, mbi organizimin e Konferencës së Ballkanit Perëndimor, nga Kancelarja gjermane Angela Merkel, në datën 28 gusht në Berlin.

Ministri Ahmetaj tha se kjo koneferencë i ka të gjitha gjasat që të jetë një ndryshim njëherë e përgjithmonë për fatet ekonomike të rajonit, ndërsa shtoi se ajo do të fokusohet në katër pika kryesore: në infrastrukturën rajonale; në infrastrukturën energjitike; në promovimin e ndërmarrjeve të vogla dhe të mesme dhe arsimit profesional; si dhe në turizëm. I pyetur mbi faktin se Kancelarja Merkel do të dalë në konferencën e shtypit së bashku me Presidentin e Komisionit Europian Barroso dhe Kryeministrin Rama, MinistriAhmetaj tha se ky është një vlerësim për Shqipërinë, qeverinë e saj dhe Kryeministrin gjithashtu.

“Besoj që promovimi që Kryeministri Rama i bëri Shqipërisë dhe Ballkanit, si dhe fokusit tek nevoja e bashkëpunimit mes vendeve të Ballkanit, ishte një pikë kthese në marrëdhëniet mes dy vendeve tona, të cilat sot janë në pikën më të mirë”, u shpreh Ahmetaj.

Z. Ministër, Konferenca Ballkanike që do të zhvillohet me Kancelaren Merkel më 28 Gusht në Berlin, krahas aspektit politik merr një rëndësi të veçantë edhe në atë ekonomik. Ju lutem mund të na zbardhni disa detaje se ku do të përqendrohet në rrafshin ekonomik kjo konferencë?

Konferenca në Berlin në datën 28 gusht me Kancelaren Merkel dhe me vendet e rajonit, në prezencën e Komisionit Europian, me vetë Presidentin Barroso, i ka të gjitha gjasat që të jetë një ndryshim njëherë e përgjithmonë për fatet ekonomike të rajonit. Konferenca do të fokusohet në katër pika kryesore: në infrastrukturën rajonale, ku vendet e Ballkanit do të bëjnë propozimet e tyre për projektet për infrastrukturë rrugore, hekurudhore gjithashtu, të cilat do të nisin integrimin e tregut ballkanik brenda vetes dhe në integrim me tregun e Bashkimit Europian. Elementi i dytë i rëndësisë së veçantë është infrastruktura energjetike, për të integruar sektorët energjetikë, dhe infrastrukturën energjetike të vendeve brenda Ballkanit Perëndimor dhe për ta bërë pjesë të tregut europian të energjisë. Shtylla e tretë është promovimi i ndërmarrjeve të vogla dhe të mesme dhe arsimit profesional për të krijuar atë zinxhir të vazhduar të forcë së punë brenda Bashkimit Europian nga vendet e Ballkanit Perëndimor. Shtylla e katërt është turizmi. Ballkani Perëndimor dhe Shqipëria përbëjnë një nga diamantet e mundshëm të turizmit europian dhe jo vetëm dhe do të jetë një nga fokuset e pjesës ekonomike së Konferencës së Berlinit.

Z. Ministër, e veçanta e kësaj konference lidhet me përfundimin e saj, kur zonja Merkel do të dalë në konferencë shtypi për t’i bërë një rezyme gjithë konferencës, së bashku me Presidentin Barroso, por zgjedhja e saj është Kryeministri Edi Rama dhe jo Kryeministrat e tjerë të Ballkanit. Në fakt kemi mësuar se vendet e rajonit kanë shprehur një lloj xhelozie, sidomos Serbia. Pyetja është konkrete: në dijeninë tuaj si pjesë e delegacionit, përse znj. Merkel ka zgjedhur Kryeministrin Rama për konferencën e shtypit?

Jam në dijeni së Kryeministri shqiptar do të jetë i vetmi Kryeministër i Ballkanit që do të flasë në mbyllje të Konferencës së organizuar nga Kancelarja Gjermane Merkel dhe kjo është një ngjarje e veçantë për Shqipërinë, është një vlerësim i drejtpërdrejtë për qeverinë shqiptare, është një vlerësim i drejtpërdrejtë për Kryeministrin, por mbi të gjitha është një vlerësim për vendin tonë. Si një nga të pranishmit në takimin dhe drekën e zhvilluar me Kryeministrit shqiptar dhe Kancelares Merkel, mund të them se ishte një takim ndryshe, i veçantë, tejet miqësor, edhe pse ishte i pari midis të dyve. Besoj që promovimi që Kryeministri Rama i bëri Shqipërisë dhe Ballkanit, si dhe fokusit tek nevoja e bashkëpunimit mes vendeve të Ballkanit, ishte një pikë kthese në marrëdhëniet mes dy vendeve tona, të cilat sot janë në pikën më të mirë. Pra, e theksoj që fakti qe Kryeministri i Shqipërisë do të jetë i vetmi Kryeministër nga Ballkani që do të flasë në përfundim të Konferencës, është një vlerësim i drejtpërdrejtë për vendin tonë, për Qeverinë dhe Kryeministrin.

Z. ministër, përse Gjermania e merr këtë rol dhe jo ndonjë vend tjetër. Cili është interesi i Gjermanisë tek Ballkani Perëndimor dhe organizimi i kësaj konference?

Ballkani Perëndimor merr rëndësi të veçantë në ngjarjet globale qoftë në periferi të Bashkimit Europian apo edhe më tej. Sigurisht që Ballkani tani konceptohet drejtpërsëdrejti pjesë integrale e Europës dhe fakti që Gjermania është prapa të gjithë kësaj iniciative tregon qartësi dhe mbi të gjitha garanci që vendimmarrja do të jetë solide dhe e ekzekutueshme.

Vjedhja e thesarit/ Banka e Shqipërisë, tender për forcimin e sigurisë

16:27 Ekonomia

Skema e re/ Veliaj: Kush paguan të plota sigurimet, përfiton pension më të lartë

16:08 Ekonomia

Çela: E morëm Postën Shqiptare me humbje, rritëm të ardhurat dhe ulëm shpenzimet

17:25 Ekonomia

Reforma Territoriale/ Rama: Projekti për Jugun gati, rritje investimesh

17:42 Ekonomia

Tashi: Kemi raste të tentativave për nxjerrje të parave cash në pikat e kalimit kufitar, nga drejtues bankash

14:51 Ekonomia

E akuzojnë për mungesë të projekteve për Veriun/ Rama: Brenda gushtit nisim rrugën për Vermosh

09:45 Ekonomia

Largimi i Fullanit është i pashmangshëm

16:38 Ekonomia

Rama: Shumë shpejt projekti i integruar Orikum-Llogara

13:32 Ekonomia

Braçe paralajmëron: Nismë për shkarkimin e Fullanit e Këshillit Mbikëqyrës

11:04 Ekonomia

Raporti i BSH për 2013/ Kreditimi u ul me 1.8 %

19:01 Ekonomia