Vjedhja e thesarit/Avokati: Inventaret u kontrolluan nga zv.guvernatori

Qazim Gjoni, avokati i Mehdi Markut, njërit prej inventarizuesve të parave të Bankës së Shqipërisë, sqaron se inventarizimi në Bankë ka qënë me përzgjedhje dhe raporti është gjetur i rregullt nga Zv.Guvernatori. Në këto kushte, tha Gjoni, klienti i tij nuk ka arsye pse të akuzohet.

 “Marku, ekonomist, financier në BSH, ka qenë në një grup inventarizimi, ngarkuar nga autoritetet e Bankës në vitin 2012.

Ai ka kryer inventarizimin me një grup, në të cilin ka qënë edhe një përfaqësues i jashtëm, i cili ka qënë audit, i caktuar, i zgjedhur nga Banka.

Inventarizimi është bërë në Bankë, me përzgjedhje, jo inventarizim i plotë nga 1-si tek 100-a, por me përzgjedhje dhe janë përzgjedhur ato kuti që ka përcaktuar auditi.

Në rastin konkret, në kutitë e përzgjedhura nuk ka pasur diferenca. Problemi shtrohet se shtetasi që akuzohet se ka kryer vjedhjen, pretendon se e ka realizuar vjedhjen nga viti 2012 e në vazhdim, por ky është një fakt që duhet marrë me dyshim, sepse nuk dihet kur ka ndodhur kjo vjedhje, ku është kryer; nëse është kryer jashtë Bankës apo brenda saj dhe fakti që inventarizuesit dhe inventaret e tyre janë kontrolluar nga Zv.Guvernatori i Bankës sipas ligjit, atëherë këto inventare janë gjetur të rregullta dhe nuk kanë pse të përgjigjen se kanë shpërdoruar detyrën derisa ka qënë një inventarizim jo i plotë, jo për gjithçka, por me përzgjedhje.

Pra, sipas mendimit dhe bindjes sime penale, ata nuk e kanë shpërdoruar detyrën”, tha avokati.

Shtatë punonjësit e Bankës së Shqipërisë, të arrestuar dy ditë më parë për shpërdorim detyre, kanë dalë para gjykatës, për tu njohur me masën e sigurisë.

Seanca ndaj tyre  zhvillohet me dyer të mbyllura pas kërkesës së prokurorit Ramadan Troci, i cili mësohet se ka kërkuar një gjë të tillë  pasi do të paraqesë një sekret shtetëror.

Gentian Jahja, Ilir Dede, Emiljano Lamce, Medi Marku, Medi Molla, Bahri Allushi, Fatbardha Gurthi, anëtarë të komisionit të inventarizimit të BSH për vitet 2013-2014, janë në Gjykatën e Shkallës së Parë Tiranë, për t’u mësuar më masën e sigurisë. Të arrestuar 48 orë më parë nga policia, ata akuzohen për shpërdorim detyre.
 
Në akuzën ndaj tyre, sipas Prokurorisë, shtatë punonjësit e BSH, nuk kanë raportuar për diferenca të parave në 8 arkat e dëmtuara, gjë që ka qenë lehtësisht e verifikueshme, por, ata kanë deklaruar se gjithçka ka qenë në rregull,
 
Kjo ka bërë që të lejohet në këtë mënyrë të vazhdohet me vjedhjen e thesarit të Bankës Qëndrore deri më 21 korrik 2014. 
 
Gjithashtu organi i akuzës, dyshon se vjedhja është kryer në bashkëpunim, pasi 7 punonjësit e BSH kanë firmosur se gjendja në arkën në veprim për vitet 2011-2013 ka qenë në rregull. 

Me parë janë arrestuar dhe ndodhen në paraburgim Ardian Bitraj, Mimoza Bruzi, Klevis Bejta, Lavdim Cani, Dhimitër Davidhi, Lilkana Tusha, Myzejen Belba, Petrit Ramohitaj, Bashkim Xhilaga, Dorian Çollaku.

Për Profesorin!

21:00 Kronika

Itali/ Shqiptari u vra nga një prind pasi tentoi të ndante një sherr mes adoleshentësh

18:39 Kronika

Ndërtimet pa leje/ Policia e Shtetit: Janë evidentuar 313 raste, 315 persona po ndiqen penalisht

15:41 Kronika

Pas dëbimit të tregtarëve nga “Uzina Dinamo”/ Arrestohet drejtori i tregut të ri, po shtonte kapanone pa leje

12:04 Kronika

I morën ryshfet emigrantit për të mos i vënë gjobë, SHKB arreston dy policë rrugorë

09:49 Kronika

Plagosja në Fier, për hakmarrje/ Policia: I plagosuri dhe autori i dyshuar me precedentë

14:42 Kronika

Vijon operacioni në Dukagjin/ Gjykata e Shkodrës vendos arrest me burg për Lekë Thanin

13:42 Kronika

Operacionet kundër ndërtimeve pa leje/ Policia e Shtetit: Kemi arrestuar 25 persona, procedim penal për 232 të tjerë

13:25 Kronika

Viktima e shpërthimit në Vlorë me të shkuar problematike

23:05 Kronika

Fatos Klosi: Përgjimet shtojnë sigurinë

15:58 Kronika