Zbatimi i ligjit antiduhan/Beqaj: Të vendosur për të qenë të suksesshëm

Ministri i Shëndetësisë Ilir Beqaj ka marrë pjesë në një takim të organizuar në lidhje me zbatimin e ligjit antiduhan. Beqaj theksoi se është ende herët për të dhënë informacion për situatën e duhanpirjes, por shtoi se ligji ka vetëm pak kohë që ka hyrë në fuqi dhe duhet kuptuar. 

Beqaj theksoi se ky ligj do të zbatohet në të gjithë vendin.
 
“Në këtë rrugë do të ketë kundërshtime, por ne duam të ndërgjegjësojmë qytetarët që do të këmbëngulim në suksesin e kësaj fushate”, tha Beqaj. 

Përfaqësuesja e shoqërisë civile Kozara Kati theksoi se “ndërgjegjësimi është në interes të qytetarëve duke siguruar një të ardhme per zhvillimin e qëndrueshëm. Ndaj nuk kemi më kohë dhe është turp që shoqeria civile si dhe aktorët si, media, shkollat, qytetarët të veprojnë tani, për të bërë një analizë të domosdoshme”. 

Sipas saj, në vit vdesin mbi 400.000 njerëz në Botë për shkak të problemeve të shkaktuara nga duhani. Në vijim ajo shtoi se kjo është një nismë që duhet të meret me seriozitet pa asnjë arsye politike pasi të gjithë njerëzit preken njësoj nga pirja e duhanit. 

Për herë të parë, ndryshimet që pësoi ligji “Për mbrojtjen e shëndetit nga produktet e duhanit” parashikojnë gjoba edhe për duhanpirësit. Masa e gjobës është 5000 lekë, ndërkohë që objekt i gjobitjes do të jenë edhe administratorët e lokaleve. 

Sipas ligjit të ri, shkelja e nenit të ri ku përcaktohen mjediset ku ndalohet pirja e duhanit, parashikon gjobitjen e subjekteve të tatueshme me 300 000 lekë, 50 000 lekë gjobë për personin përgjegjës në institucionet publike, si dhe 50 000 lekë për administratorin në banesat me bashkëpronësi të detyrueshme. 

Po ashtu, ligji i ri përcakton se pronari ose administratori i mjediseve ku ndalohet duhani është personi përgjegjës për vendosjen në një vend të dukshëm të listës së trupave inspektuese për mbrojtjen e shëndetit nga produktet e duhanit, të shenjave të dukshme që tregojnë se pirja e duhanit në këto mjedise është e ndaluar, si dhe të heqë e të mos lejojë vendosjen e tavllave të duhanit në këto mjedise. 

Shkelja e këtij neni dënohet me 300 000 lekë gjobë për subjektin e tatueshëm dhe 50 000 lekë gjobë për administratorin apo personin e caktuar përgjegjës. 

Nikolla takon drejtuesit e Universiteteve private/Mos kompromentoni cilësinë

13:28 Sociale

OBSH: Çdo 40 sekonda dikush në botë kryen vetëvrasje

19:18 Sociale

MAS mbyll edhe 12 shkolla të arsimit parauniversitar/ Detyrimet ndaj nxënësve

17:10 Sociale

Hapet shkolla e mesme bujqësore në Zadrimë/ Veliaj: Shkollë elitare

16:53 Sociale

Shërbimi i urgjencës mjekësore/ Qeveria përcakton mënyrën e funksionimit dhe rregullat

19:46 Sociale

Miratohet p/ligji për minatorët e nëntokës/ Mosha e pensionit 55 vjeç, kategoritë që përfitojnë dhe procedurat që ndiqen

19:35 Sociale

Xhufi: Janullatos e ka humbur integritetin dhe është bërë element konflikti

10:18 Sociale

Arsimi profesional/ Veliaj mbledh drejtorët: Më shumë regjistrime për këtë vit

17:55 Sociale

Ndërtimet, rrezik për Digën e Liqenit

14:46 Sociale

Veliaj me të rinjtë e FRESSH-it: Me të njëjtën energji do të fitojmë mbi 50 bashki

15:52 Sociale