Kaos te PSG, Blank rrezikon largimin

Starti i dobët i sezonit që ka bërë Paris Saint Germain, rrezikon të kthehet në një minë me sahat për trajnerit Loren Blank.

Vetëm 2 fitore në 6 ndeshjet e para të kampionatit janë treguesi më i qartë se diçka nuk po shkon në dhomat e zhveshjes.

Pas ndeshjes së Champions League kundër Ajaksit, Zllatan Ibrahimovic u shpreh qartë: Diçka nuk shkon.

Dhe shigjetat drejtohen menjëherë kundër teknikut francez.

Ndarja e klaneve që u konturua që në epokën Anceloti, është bërë më e thellë.

Matuidi dhe Kabaie përfaqësojnë grupin francez, të cilët janë edhe më të pakënaqurit për shkak të minutave të pakta të aktivizimit.

Në këtë linjë, rinovimi i Verrarit bën që Kabaie të shprehë hapur pakënaqësinë, ndërsa Matuidi nuk e ka me sy të mirë rikuperimin e terrenit nga Havier Pastore.

Mes jo francezëve, fërkimi më i madh është ai i Lavecit, i cili shikon Lukas ta parakalojë në hierarkitë e skemave të Blank, ndërsa Kavani mbetet simboli i pakënaqësisë që ekziston në dhomat e zhveshjes pasi bomber uruguajan vazhdon të këmbëngulë se ndihet më komod në qendër të sulmit, aty ku aktualisht luan Zllatan Ibrahimovic.

Pak nga pak zërin po e ngrenë të gjithë dhe Blank rrezikon seriozisht stolin, sepse hapa të tjerë falsë mund t’i kushtojnë rëndë sezonit të parizienëve.

Shifër rekord borxhesh për Realin, 602 milion euro

16:23 Sport

Venger: Do të paguaja sërish 50 milion për Ozil

16:21 Sport

Gvozdenovic: Në “Elbasan Arena”, serbët i pret ferri!

16:59 Sport

Murinjo: Raportet e mia me Ronaldon, inekzistente

15:21 Sport

Krujf dhe Bekenbauer: Barça, gjithmonë më lart se Bajerni

15:03 Sport

Alban Meha rikthehet në stërvitje, por mungon në kombëtare

14:59 Sport

Valon Behrami përjashtohet nga stërvitja te Hamburgu

16:17 Sport

Balak: Ozil nuk duhej të shkonte te Arsenali

15:37 Sport

Ibra: Po, jam unë “Biri i Zotit”!

15:33 Sport

Shqipëria ngjit 25 vende në renditjen e re të FIFA-s

12:35 Sport