Miratohet ndryshimi i buxhetit/Cani: Bode të heshtë, tvsh përfundonte në xhepat e bizneseve pranë ish-Qeverisë

Kuvendi i Shqipërisë miratoi  me 76 vota pro aktin normativ të qeverisë për rishikimin e buxhetit 2014, pas rreth 3 orë diskutimesh.

Ky akt synon arritjen e tre objektivave të rëndësishëm. Ai zgjidh përfundimisht çështjen e financimit të paaftësisë me rreth 4.3 miliardë leke; rrit ndjeshëm nivelin e realizimit të projekteve të investimeve publike me financim të brendshëm në masën rreth 8.7 miliardë leke; si dhe ul nivelin e deficitit buxhetor nga 6.6 % e PBB, në 6.3% të PBB.

Ministri i Financave Shkëlqim Cani i bëri apel paraardhësit të tij në këtë post Ridvan Bode që të mos gënjejë qytetarët në lidhje me aktin normativ për ndryshimet në buxhet.

Cani tha se rritja e buxhetit për vitin 2014 nuk i rëndon asnjë qytetari shqiptar, pasi sipas tij, ndryshe nga c’ndodhte me Qeverinë Berisha, tashmë taksat e paguara nga qytetarët shkojnë për buxhetin dhe jo bizneset pranë qeverisë.

“Ish ministri i financave duhet të heshtë, na i kërcënon shqitparët se medemek të gjitha të ardhurat shtesë na qënkërkan paguar nga qytetarët dhe jo nga biznesi.

Tatimi mbi vlerën e shtuar prej 260 milionë dollarësh ka ardhur në të kundërtën, sepse bizneset pranë ish-ministrit dhe ish-kryeministrit nuk i marrin më këto para.

Populli gjithmonë i ka paguar për çdo blerje, por paratë nuk përfundonin në xhepat e buxhetit por të biznesit pranë ish-qeveritarëve. Ka marrë fund kjo kohë dhe këto para kanë përfunduar në buxhetin e shtetit”, tha Cani.  

Duke u ndalur tek shifrat, kreu i Financave tha se janë 3.2 miliardë lekë ose 32 milion dollarë më shumë të ardhuara se programi fillestar, ndërkohë që vetëm si 8-mujor të ardhurat e buxhetit 2014 janë 260 milion dollarë më shumë se të ardhurat e realizuara krahasuar me 8-mujorin e vitit të kaluar, duke shënuar një diferencë shumë të ndjeshme.

“Shuma prej 32 milion dollarësh do të shkojë në dobi të qytetarëve dhe të ekonomisë shqiptare. Me këto që thashë ne nuk kemi arritur majat, por me të duam t’u tregojmë mosbesuesve se modeli ekonomik që kemi zgjedhur është ai i duhuri dhe që siguron rritje të ekonomisë dhe nxjerrje të saj nga kolapsi”, u shpreh ministri Cani sot në Kuvend.

Akti normativ i qeverisë për rishikimin e buxhetit 2014 synon arritjen e tre objektivave të rëndësishëm. Ai zgjidh përfundimisht çështjen e financimit të paaftësisë me rreth 4.3 miliardë leke; rrit ndjeshëm nivelin e realizimit të projekteve të investimeve publike me financim të brendshëm në masën rreth 8.7 miliardë leke; si dhe ul nivelin e deficitit buxhetor nga 6.6 % e PBB, në 6.3% të PBB.

Deklarata e ministrit të Financave u bë në seancën plenare ku po diskutohej akti normativ i Qeverisë për disa ndryshime dhe shtesa në ligjin e buxhetit të vitit 2014. 

Opozita vijon të bojkotojë punimet e Kuvendit, pas incidentit të ndodhur në muajin korrik mes deputetit demokrat Gent Strazimiri dhe deputetëve socialistë, Arben Ndoka dhe Pjerin Ndreu, në mjediset e parlamentit. 

Veliaj: Ndihma ekonomike jo e përhershme. Fund abuzimeve 

Ministri i Mirëqenies Sociale dhe Rinisë Erion Veliaj në fjalën e tij në Kuvend është ndalur tek disa nga arritjet e Qeverisë Rama për periudhën 1 vjeçare nga koha e ardhjes në pushtet.

Duke u ndalur tek disa nga reformat e ndërmarra, si në fushën e pensioneve, apo ato të ndihmës ekonomike Veliaj theksoi se po tentohet ti jepet fund abuzimeve. Veliaj dha një mesazh të qartë për të gjithë ata që përfitojnë ndihmë ekonomike nga shtetit, sipas të cilin fondi nuk është pension i përhershëm. 

“Do të jetë e pandershme që të vazhdojmë të buxhetojmë për ata që abuzojnë. Nëse në vitin e kaluar në 2013, u rrit në mënyrë fiktive numri personave, sot skema ka shkuar në minus 3 për qind.

Pra, nuk bëhet fjalë për të hequr padrejtësisht nga skema njerëz, por ata që paguhen padrejtësisht. Ndaj i bëjë thirrje qytetarëve që të denoncojnë nëse shohin raste abuzimi.

Ndihma ekonomike nuk është pension, pasi është një ndihmë e përkohshme, dhe jo e përhershme. Ndaj shumë persona nuk mund të kenë qenë dakord me këtë reformë. Fal reformës në pensione, e cila hyn në fuqi më 1 janar, ka nisur të jap efektet e saj.”, tha Veliaj. 

Më tej ai shtoi  “më vjen mirë se sjellja e qeverisë sonë, është sjellje tipike e çdo familje dinjitoze të shqiptarëve. Ky ishte një vit i mirë për qeverinë tonë. Ndaj, prioriteti im ka qenë ndaj shtresave në nevojë. Ajo që ka ndodhur sistematikisht në vitet elektorale, që të kishte vonesa të pagesave për invalidët”.

“Ky është viti i parë që nuk ka vonesa. Nga 43 milionë dollarë, 23 janë borxhe të prapambetura për borxhet e pakthyera. Ndaj në këtë vit kemi hapur një fytyrë të re sociale, në marrëdhënie me këto familje në nevojë. Vizita e Papës, misioni kryesor ishte harmonia. Jam i lumtur sot që një pjesë e financave po shkojnë për të rimbursuar Xhaminë e Namazgjasë.

Më vjen mirë në fund që ky komunitet ka një vend ku të falet. Më vjen mirë që një pjesë e financave, do të shkojë për të bërë pagesën e fundit për objektin kryesor të Bektashinjve. Një projekt që e ka nisur i ndjeri Baba Reshati. Në fund fare, koncepti i harmonisë së besimit, po i japim paratë e për të plotësuar kërkesat e tyre, në ato pjesë që janë në nevojë”, theksoi Veliaj.

Nikolla: Regjistrim dixhital për 60 gjimnaze

Një nga sfidat që për shumë dukej skeptike, sipas Ministres së Arsimit dhe Sportit, Lindita Nikolla ishte dhe mbyllja e universiteteve private ‘piramidë’. Duke u ndalur tek buxheti që përfiton sistemi arsimor, Nikolla prezantoi një projekt pilot që do të ndërmerret në 60 gjimnaze të vendit, ku krijimi i regjistrave dixhital do të jetë një nga arritjet themelore. 

“Për herë të parë në universitetet e Shkencave po vijon të regjistrohen maturantë me nivel të mirë. Nuk besonin se universitete private piramidë do mbylleshin, por ne ja dolëm. Shumë skeptikë janë shprehur dhe për projektin e dixhitalizimit të sistemit.

Por me miratimin e buxhetit, do e shohin që e kanë gabim. Plotë 1.2 miliardë lekë po investojmë për dixhitalizimin e shkollave në vend, duke na ndarë kështu nga e shkuara.

Modernizimi i sistemit arsimor, do të pilotohet në 60 shkolla të mesme në vend. Ky buxhet mundëson që 60 shkollat t përfshihen në projekt, me laboratorë të rinj, me tableta për nxënësit, por dhe me pajisje dixhitale të mësuesve, por dhe me plane trajnuese ndaj këtyre të fundit.

Trajnimi i mësuesve dhe nxënësve do të jetë i vazhdueshëm. Finalizimi i këtij projekti do të mundësojë që të kemi një data bazë të saktë për arsimin parauniversitar në vend. Padyshim, ky projekt e afron shkollën tonë me ato të modelit evropian”, tha Nikolla. 

Nga foltorja e Kuvendit, Nikolla deklaroi se Ministrisë së Arsimit iu desh të shlyente një borxh 1 milion euro borxhe sa i takon mosshëlyerjeve të linjave të internetit nëpër shkolla.

“Aktualisht, në sistemin tonë arsimor 12-vjeçar sigurohet një inventar ku 30 për qind e kompjuterëve funksionojnë. Kemi pasur një borxh prej 1 milionë eurosh sa i takon në linjave të internetit. Ndaj, do ju lutesha që të votonit aktin Normativ, duke i dhënë jetë këtij projekti në arsim”, tha ministrja Nikolla.

Kodheli: Kallashnikovi, imazhi i guerilasve

Ministrja e Mbrojtjes, Mimi Kodheli deklaroi në sallën e Kuvendit se rishikimi i buxhetit për sa i përket pjesës së mbrojtjes do i shërbejë pajisjes me armatime të standardeve evropiane të batalionit të këmbësorisë.

“Batalionin e dytë të këmbësorisë e plotësojmë me armatime .Do kemi një njësi që nuk do përdorë kallashnikovin sovjetik imazhin e çdo guerrilasi në botë”, tha ajo.

Shërbimi i transportit/ Haxhinasto: Qytetarët të raportojnë rastet e korrupsionit

17:08 Ekonomia

Rishikimi i buxhetit/ PD: 90 % e shqiptarëve paguajnë më shumë taksa

16:59 Ekonomia

Akti Normativ mbi ndryshimet në Buxhet/ 50% e të ardhurave nga privatizimi shkojnë për uljen e borxhit publik

16:39 Ekonomia

FMN: Ulja e borxhit? Shpenzoni më pak dhe taksoni më pak, ose e kundërta

16:12 Ekonomia

Gjiknuri: Auditim kompanive që nxjerrin naftën nga toka shqiptare

12:57 Ekonomia

Veliaj mbledh inspektorët ruralë: Të rrisim numrin e kontribuesve në skemë

18:17 Ekonomia

Rishikimi i buxhetit/Cani: Do të ulim deficitin, kemi rritje të ekonomisë

13:51 Ekonomia

Haxhinasto pret një delegacion nga Dubai, që shfaq interes për portin e Durrësit

16:11 Ekonomia

Sektori minerar/ Shalsi: Mungesa e transparencës, Shqipëria mund të përjashtohet nga EITI

16:10 Ekonomia

Bejtja: Çmimi i energjisë? Do të jemi në krah të qytetarëve

14:59 Ekonomia