Balla: Nuk ka rritje pagash për deputetët, hoqëm edhe qeratë e shtëpive

Nënkryetari i Grupit Parlamentar socialist Taulant Balla ka mohuar që në seancën e fundit parlamentare për sesionin që sapo u mbyll të jetë miratuar ndonjë ligj apo vendim mbi rritjen e pagave dhe dietave të deputetëve.

“Nuk ka asnje rritje pagash për deputetet. Përkundrazi, të jeni të sigurtë që nuk do ta votonim një gjë të tillë.

Nesër Kuvendi i Shqipërisë do të sqarojë se janë bërë shkurtime, por jo rritje.

Ndër shkurtimet, pas shumë vitesh, hoqëm edhe qeratë e shtëpive për deputetët e qarqeve pranë Tiranës.

Për herë të parë këtë vit deputetët marrin 0 lekë shpërblim për fundvit”, shkruan Balla në Facebook.

Reagimi i Nënkryetarit të Grupit Parlamentar socialist erdhi pasi mediat publikuan se në seancën e së enjtes , Kuvendi miratoi me konsensus projektvendimin “Për trajtimin e deputetëve”, në të cilin parashikohet të shtohen pagat për kryetarët e grupeve parlamentare dhe krerët e komisioneve të përhershme.

Për kryetarët e grupeve të PS, PD dhe LSI, me vendimin e ri do t’i shtohet 15% mbi pagën e deputetit, ndërsa për kryetarin e grupit të PDIU-së shtimi i pagës do të jetë vetëm 5%, pasi ka në grup më pak se dhjetë deputetë.

Po ashtu dhe krerët e komisioneve të përhershme do të kenë një shtesë page me 5%. Shtesa e pagave për krerët e grupeve dhe kryetarët e komisioneve do të ketë një vlerë prej 11 mijë dollarësh në buxhetin e Kuvendit.

Ndërsa për 127 deputetë të tjerë shpërblimi për pjesëmarrje në komisione do të jetë 2 mijë lekë për 12 mbledhje maksimumi në muaj. Për dietat për pjesëmarrjen në komisione parlamentare, Kuvendi ka parashikuar një fond prej 335 mijë dollarësh për 127 deputetë.

Projektvendimi parashikon që 142 mijë dollarë të shkojnë si fonde për të paguar qeranë e deputetëve që ndodhen në qarqe të largëta. Ndërkohë edhe për shpenzimet e transportit do të ketë bonus.

Një fond do të lihet edhe për shkëmbiet dhe dhuratat me homologët e huaj. /gj.k/

Bregu: U kthyem atje ku duhet të jemi, rezoluta të përkthehet në akte ligjore

19:52 Politika

Tropojë/ Familja në hasmëri, vetëm 10 minuta larg gjaksit

19:36 Politika

Kush fiton e kush humb me çmimin e ri të energjisë elektrike?

18:04 Politika

Jozefina Topalli braktisi Bashën në Shkodër, edhe pse ndodhej në qytet për Krishtlindjen

17:52 Politika

Prokuroria bie në gjurmët e parave të vjedhura në Bankën e Shqipërisë

17:48 Politika

Basha: Shkodra, margaritari i bashkëjetesës fetare

17:07 Politika

Krishtlindjet/Meta: Më solidarë dhe më të bashkuar me njëri-tjetrin

17:02 Politika

Kërcënoi Ramën, Apeli liron Bashkim Hoxhën: Isha u dehur, i kërkoj ndjesë

16:49 Politika

Ndërsa deputetët shqiptarë rrisin pagat, deputeti italian i kthen shtetit 75 mijë euro

15:28 Politika

Aksidentohet djali i Vangjush Dakos, në zonën ku banorët i kishin kërkuar të merrte masa

13:05 Politika