Riaktivizim hetimeve për 21 Janarin?

Katër vjet nga vrasja e 4 protestuesve të 21 janarit, po nga ajo godinë nga ku plumbat e Gardës së Republikës i morën jetën Ziver Veizit, Aleks Nikës, Hekuran Dedës dhe Faik Myrtajt dolën familjarët e tyre së bashku me Kryeministrin Rama, për t’iu drejtuar bulevardit ku vendosen lule në 4 pllakatat perkujtimore.

Ndërsa tek Kryeministri Rama ky 21 janar i dytë që ai përkujton si Kryeministër i vendit, pesha e përgjegjësisë për të realizuar drejtësi të ritheksuar nga familjarët vijon të jetë e rëndë. Vendosjes së luleve në bulevardin, i cili u përgjak 4 vite më parë, i parapriu një takim në Kryeministri me familjarerët e 4 të vrarëve.

Mark Nika, xhaxhai i Aleks Nikës tregon se çfarë u bisedua me kreun e ekzekutivit shqiptar.

“Do të riaktivizohen hetimet në përputhje me legjislacionin tonë, për ta cuar çështjen deri në fund“, thotë Mark Nika

Odisea e hetimit te “21 janarit”

“Pas 23 qershorit, do të jetë thjesht dhe vetëm kryetari i Partisë Demokratike, përballë një procesi publik transparence për shkeljet e Kushtetutës dhe të ligjit me pasojë humbje jetësh, familjet e katër dëshmorëve të 21 janarit nuk duhet ta vuajnë sot përfundimin vrastar të një gjyqi që në të vërtetë nuk ka filluar akoma. I siguroj 4 familjet, sic siguroj edhe vrasësit e sotëm të drejtësisë, se 21 janari është nga ato ngjarje që historia mëson se as nuk harrohen pa u gjykuar drejtësisht dhe as nuk mbyllen duke u gjykuar padrejtësisht“.

Kështu deklaroi kryeministri Rama,me 7 shkurt të vitit 2013, në kohën kur PS ishte në opozitë 2 vite më parë. 21 janari mbetet një çështje e rëndësishme për PS, e cila e quan atë një krim shtetëror me urdhëruesit ende të pandëshkuar. Megjithëse tani në pushtet, për të majtën zbardhja deri në fund e kësaj ngjarje tronditëse për demokracinë shqiptare vijon të jetë e vështirë.

Për këtë ngjarje janë dënuar nga Gjykata e Apelit, për vrasje nga pakujdesia, ish-komandanti i Gardës Ndrea Prendi me 1 vit burg, gardisti Agim Llupo 3 vjet që përkuan me kohën e paraburgimit dhe u shpall i pafajshëm, Margarit Kume ish-shoferi komandantit të Gardës. Por, Prokuroria e ka ankimuar cështjen në Gjykatën e Lartë, duke këmbëngulur se ata kanë konsumuar veprën e vrasjes me dashje. Gjykata e Lartë ka hedhur shortin më 28.10.2013, më anë të të cilit është caktuar relator gjyqtari Edmod Islamaj. Pavarsisht se ka kaluar 1 vit nga hedhja e shortit, kjo gjykatë nuk e ka caktuar ende datën e gjykimit, duke shënuar një tjetër skandal të drejtësisë shqiptare në çështjen e 21 janarit./TCH

Gjakmarrja, 25 vite burg për 2 vëllezërit Llani nga Mamurrasi

14:35 Kronika

Vrau gruan, Gjykata vendos arrest me burg për Arben Muho

12:37 Kronika

Ngacmonte seksualisht 62- vjeçaren, arrestohet 63-vjeçari

11:39 Kronika

“Ne nuk harrojmë”- Protestë për vrasjet e 21 janarit

11:17 Kronika

Aksidentet/ Tahiri: Jo vetëm sanksione, por dhe edukim. Rregullat janë për sigurinë, nuk kufizojnë lirinë

11:06 Kronika

Belgjika: Asnjë rrezik për kthimin e vizave për Shqipërinë

10:28 Kronika

Della Rocca: Shqipëria dhe Kosova mund të shërbejnë si vend transit për terroristët. Celulat e tyre do t’i dëbojmë nga Italia

10:11 Kronika

Dy vëllezërit elbasanas të vrarë në Roterdam, lidhje me Amerikën Latine

10:06 Kronika

Ngjela: Rama e braktisi 21 janarin, kjo mazhorancë nuk ka asgjë në dorë pasi prokurori është i Saliut

09:59 Kronika

INTERVISTA/ Motra e Ziver Veizit: Qeveria i ka ndihmuar fëmijët e Ziverit, por ne duam drejtësi, jo lëmoshë

09:25 Kronika