Sondazh i Konrad Adenaur dhe IPIP: 83% e të anketuarëve pro hapjes së dosjeve të Sigurimit

83 përqind e shqiptarëve janë pro hapjes së dosjeve të ish-Sigurimit të Shtetit. Fondacioni “Konrad Agenauer Stiftung” në bashkëpunim me Institutin e të Përndjekurve Politikë kanë zhvilluar një sondazh me opinionin publik, ku 83 për qind e të intervistuarve u shprehën dakort me hapjen e dosjeve. Rezultatet e sondazhit u prezantuan sot në një konferencë për mediat, ku veç organizatorëve të këtij sondazhi, merrnin pjesë edhe përfaqsues nga shoqëria civile. Sondazhi u zhvillua me telefonata të zhvilluara për gjatë periudhës 13-23 janar 2015. Në të u intervistuan 1200 qytetarë mbi 40 vjeç, ose thënë ndryshe që në vitin 1991 ishin 16 vjeç. Po ashtu, qytetarët e intervistuar u pyetën nga organizatorët edhe për profilin biografik, ku rrezultoi se 30 për qind ose 360 prej tyre vinin nga familje të përndjekura apo të diskriminuara politikisht. Sondazhi shtroi 3 pyetje bazë: 1- A duhet të hapen dosjet e Sigurimit të Shtetit; 2- Nëse po a ishin vetëm për hapjen e dosjeve apo edhe për spastrimin e institucioneve publike nga bashkëpuntorët e sigurimit; 3- Nëse bëhet spastrimi i ish-punonjësve dhe bashkëpuntorëve të Sigurimit të Shtetit a duheshin larguar vetëm drejtuesit e lartë të saj apo nëpunësit etë gjitha nivele. Pyetjes nëse duhet të hapen dosjet u përgjigjën pro 83 për qind e të gjithë të anketuarve. Ndërkohë që pro u përgjigjën edhe 84 për qind e të aketuarve që deklaruan se ishin të përndjekur apo të diskriminuar politikë të sistemit të shkuar. Ndërsa pyetjes së dytë nëse duhet të ketë vetëm hapje dosjesh apo edhe spastrim të administratës nga bashkëpuntorët e sigurimit 15 për qind e të pyeturve u përgjigjën se ishin vetëm për hapje dhe 71 për qind edhe për spastrim të administratës. Ndërkohë që sa i përket vetëm kategorisë së të përndjekurve ata u përgjigjën 15 për qind vetëm për hapje dhe 79 për qind edhe për spastrim. Ndërkohë që pyetjes së tretë, asaj për masën e spasrtrimit, 57 për qind e të anketuarve u përgjigjën për spastrim të të gjithë nëpunësve dhe vetëm 35 për qind vetëm të drejtuesve të nivelit të lartë. Tek të anketuarit me prejardhje nga familje ish të përndjekura 61 për qind e tyre u shprehën për spastrim të të gjitha niveleve të administratës, ndërsa 30 për qin vetëm për drejtuesit e lartë. Duke folur në prezantimin e këtyre rezultateve kreu i Insitutit të Përndjekurve Polilitikë, Bilal Kola u shreh se qëllimi i kësaj ankete ishte njohja e opinionit publik mbi domosdoshmërinë e hapjes së dosjeve. “Gjykuam se ishte momenti i duhur se çfarë mendon populli shqiptar dhe të përndjekurit lidhur me një proces i cili në vendet ish-komuniste si Shqipëria e kanë kryer atë që në kohën e shkuar. Sa i përket interesit tonë ne gjykojmë se në fundore i gjithë ky proces edhe pse shikon nga e shkuara është në funksion vetëm të së ardhmes, sepse transparenca e shëndosh dhe i bënë mirë shoqërisë”, – tha Kola.

Ndër të anketuarit, 30% deklaruan se rrjedhin nga familje të përndjekura/diskiminuara politikisht para vitit 1991 (Fig. 4). 1/4 e ish-të përndjekurve deklaruan se e kanë patur familjen në pozita të mira në pushtet ose parti para fillimit të përndjekjes/diskriminimit.  Ndër të gjithë të anketuarit, rreth 12% kanë patur të paktën një të afërm të pushkatuar politikisht (baba, nënë, burrë, grua, vëlla, motër, gjysh, gjyshe, vjehrri, vjehrra, kunat, kunatë, xhaxha, dajë, hallë, ose teze). Rreth 16% kanë qenë vetë ose kanë patur të paktën një të afërm të burgosur politikisht. Rreth 10% kanë qenë vetë ose kanë patur të paktën një të afërm të arratisur. Rreth 21% kanë qenë vetë ose kanë patur të paktën një të afërm të internuar/dëbuar/shpërngulur politikisht. Rreth 18% kanë qenë vetë ose kanë patur të paktën një të afërm të shapllur “kulak” ose “të deklasuar”. Rreth 11% kanë qenë vetë ose kanë patur të paktën një të afërm të përjashtuar nga PPSH-ja.

Opinioni i të anketuarve mbi hapjen e dosjeve të Sigurimit dhe mbi Lustracionin

Rreth 83% e të gjithë të anketuarve mendojnë se dosjet e Sigurimit të Shtetit duhet të hapen. Në veçanti, 84% e të anketuarve me prejardhje nga familje ish-të përndjekura janë pro hapjes së dosjeve të Sigurimit (Fig. 1).

Rreth 71% e të gjithë të anketuarve mendojnë se, nëse bëhet hapja e dosjeve, duhet bërë edhe spastrimi i institucioneve publike nga ish punonjësit & bashkëpuntorët e Sigurimit (edhe për lustracionin). Të të njëjtit mendim janë rreth 79% e të anketuarve me prejardhje nga familje ish-të përndjekura (Fig. 2).

Nëse bëhet lustracioni, 57% e të gjithë të anketuarve janë për spastrimin e të gjithë punonjësve aktualë të institucioneve publike, ndërsa 35% janë vetëm për spastrimin e drejtuesve të lartë të institucioneve aktuale. Tek të anketuarit me prejardhje nga familje ish të përndjekura, këto dy opinione janë në raportin 61% me 30%

Metodologjia

Për këtë sondazh u hartua një pyetësor me 15 pyetje, i cili u administrua me telefonata fikse dhe celulare. Gjithsej u anketuan 1200 banorë nga të gjitha qarqet e Shqipërisë. U anketuan vetëm shtetas, të cilet në Janar të vitit 1991 kanë qenë në moshën 16 vjeç e sipër. Kjo grupmoshë presupozohet të ketë njohuri më të sakta rreth çështjeve për të cilat u krye vrojtimi. Numri i telefonatave fikse e celulare në çdo qark u përcaktua në përpjestim me popullsinë e tyre urbane e rurale. Në përfundim të anketimit dhe hedhjes së të dhënave në bazën e të dhënave, u krye ripeshimi statistikor i kampionit, në mënyrë që ai të përfaqësonte sa më afërsisht popullsinë banuese në Shqipëri nga pikpamja gjeografike, demografike dhe politike.

Maksimumi i marzhit të gabimit statistikor rezultoi +/-3%.

Sondazhi u krye nga Dr. Eduard Zaloshnja, Pacific Institute for Research and Evaluation, Calverton, MD, U.S.A. Sondazhi i parë mbi opinionin e qytetarëve rreth hapjes së dosjeve të Sigurimit të Shtetit dhe Lustracionit dhe në vecanti mbi opinionin e shtresave të ndryshme të ish-të përndjekurve politikë u realizua nga Fondacioni Konrad Adenauer në bashkëpunim me Institutin për Integrimin e Ish të Përndjekurve Politikë në Tiranë, në periudhën 13 – 23 Janar 2015, me një kampion prej 1200 të anketuarish në nivel kombëtar./j.h

Prençi flet për TemA TV/ Kreu i Emergjencave civile qetëson qytetarët: Nuk ka shkak për gjendje te jashtëzakonshme

11:50 Sociale

Përmbytjet, PD shpërndan 200 pako me ushqime: 1500 familje pa asnjë mbështetje

11:01 Sociale

Letra e 15 ish-faturistëve për Llallën, Ramën e Nishanin, se si abuzohej me faturat e energjisë

09:23 Sociale

Rikthehen rreshjet në jug, veriu “pushtohet” nga dëbora

09:06 Sociale

67% e ujit humbet në rrjet, ndërsa 20% e popullsisë nuk furnizohet me ujë

18:18 Sociale

Shpërndahen 500 pako me ushqime për banorët e Novoselës dhe Levanit

10:44 Sociale

Antikorrupsioni i Ramës merr “bekimin” e Kishës Ortodokse

10:32 Sociale

Koloneli i shkarkuar Dritan Demiraj 102 herë jashtë vendit pa leje: Ja datat kur ka udhëtuar

19:42 Sociale

FOTOT/ Shqipëria në gjendje të jashtëzakonshme

18:57 Sociale

Ministria e Mbrojtjes: Deri tani kemi evakuar 222 persona

18:10 Sociale