Faturimet abuzive të energjisë/ Çela: Vendimi qysh në 2011, nuk u zbatua

Administratori i OSHEE-së, Adrian Çela në një dalje deklaratë për mediat ka sqaruar vendimin për të hequr nga listat rreth 54 mijë abonentë, që ishin faturuar në mënyrë abuzive, dhe që i kanë apelur këto fatura.

Çela sqaroi se ky vendim është marrë nga ERE që në vitin 2010 dhe 2011, por nuk është zbatuar nga askush.

Më pas kreu i OSHEE, hodhi poshtë akuzat e PD për blerje të energjisë me çmim të lartë, duke theksuar se po ta krahasosh me blerjet e një apo dy viteve më parë, OSHEE ka kursyer 22 milion euro.

“Jam sot para jush, për të qartësuar një vendim të fundit të OSHEE-së që i jep fund padrejtësisë ndaj abonenteve në lidhje me mbifaturimet.

Bëhet fjalë për respektimin e një vendimi të ndërmarrë nga ERE në vitin 2010, e theksoj, në vitin 2010, por që nuk u zbatua kurrë, deri në ditët e sotme, ku OSHEE ka marrë zotimin të dëshmojë se kur bëhet fjalë të drejtat e konsumatorit, ne jemi gjithmonë në krah të tyre.

Janë afro 54 mijë raste faturash me emërtim “dëm ekonomik” dhe “energji e pamatur”, të shtrira nga tetori i vitit 2008, deri në prill 2011, me vlerë rreth 4.1 miliardë lekë.

Ky model faturimi është rrëzuar poshtë nga ERE në nëntor 2010, duke i kërkuar operatorit të shpërndarjes të marrë masat.Fatkeqësisht, ndonëse vendimi për të vënë drejtësi për të gjithë këta konsumatorë është marrë 5 vjet më parë, deri më sot nuk ishte ndërmarrë asnjë hap për t’u dhënë abonentëve të drejtën që u takon me ligj.

Sot, OSHEE po bën drejtësi. Po zbaton një vendim që i jep të drejtë konsumatorëve të cilët ndër vite kanë apeluar raste abuzive të faturimit të energjisë elektrike.

Ky vendim i OSHEE nuk është falje detyrimi ndaj askujt. Absolutisht jo. Është vendosje e drejtësisë në vend.Ne çlirojmë nga detyrime të pasakta ata konsumatorë që nuk i kanë paguar këto fatura abuzuese, por i kanë apeluar rastet abuzive të faturimit dhe që sot rezultojnë të kenë patur të drejtë.

OSHEE do të vazhdojë të mbledhë me rreptësi detyrimet e të gjithë atyre që konsumojnë energji.Por, do të jemi të kujdesshëm për të qenë të drejtë me konsumatorët.

Ashtu siç OSHEE kërkon të respektohet kontrata dhe detyrimi i abonentit për të paguar faturën, po ashtu angazhohemi të zbatojmë një për një të drejtën që i takon konsumatorit kur konstatohen raste të abuzimit me faturimet.

U është shpërndarë zyrave të Kujdesit ndaj Klientit në të gjithë vendin urdhri për fshirjen nga sistemi i faturave abuzuese dhe pikat si do të zbatohet vendimi i fundit i OSHEE, kurse në faqen e internetit të kompanisë do të publikohet lista me kontratat që preken nga ky vendim.

Gjithashtu, nuk lë pa harruar thirrjen ndaj konsumatorëve që të lidhin marrëveshje me OSHEE për të paguar me këste detyrimet dhe/ose të përfitojne ulje me 80% të kamatës deri më 28 shkurt.

Pas kësaj date nuk do të ketë më asnjë tolerim.Është shumë e rëndësishme që marrëveshjet të respektohen, në afate dhe pagesa, pasi në të kundërt automatikisht rikthehen në listën e debitorëve dhe do tu pritet energjia elektrike”, tha Cela ./gj.k/ 

Shoqata e Siguruesve 7 milion lekë për përmbytjet. Gati drafti për fatkeqësitë natyrore

21:19 Ekonomia

Telebingo dhe Eurolive dhurojne per te permbyturit

18:04 Ekonomia

Vodafon ndihmon me ushqime dhe veshje të përmbyturit

14:21 Ekonomia

Shitblerja e energjisë në kushte teprice, KESH-OSHEE nxjerrin jashtë loje tregtarët

16:37 Ekonomia

MEI marrëveshje me Shoqatën e Energjisë së Rinovueshme/Çmimi i energjisë 7.4 lekë

12:21 Ekonomia

Prezantimi i Genti Sejkos në BSH/ Meta: I pari Guvernator konsensual

10:39 Ekonomia

Edi Rama në Fier: Pas emergjencës, dëmshpërblim për bagëtitë dhe prodhimet e dëmtuara

19:57 Ekonomia

Shehaj: Rimbursuam gjatë 2014, 9.8 miliardë lekë për biznesin

15:18 Ekonomia

Ahmetaj pret zv.kryeministren e Serbisë. Hidhet hapi i parë në projektet infrastrukturore mes dy vendeve

15:26 Ekonomia

Haxhinasto: Mbyllja e stacionit të trenit në Tiranë, impakt negativ

11:03 Ekonomia