Te fundit
Vatzke: Bajerni është 50 vjet përpara Dortmundit
13 Shkurt 2015, 15:56Sport
TEMA
“Bajerni është 50 vjet përpara Borusias së Dortmundit”.
Dhe kur këtë e thotë drejtuesi më i lartë i nënkampionëve të Gjermanisë, kjo ndoshta duhet besuar.
Hans-Joakim Vatzke nuk beson se skuadra e tij do ta arrijë nivelin e rivalëve nga Bavaria për një kohë të gjatë, pavaraësisht se Borussia do të luajë për një biletë në 1/8-at e Champions League:
“Arritjet e Bayernit të Mynihut janë të paarritshme nga ne për të paktën 20 vitet e ardhshme, por në terma sportivë ata janë 50 vjet përpara nesh.
Gjithsesi, në kemi arritur mes 8 më të mirëve të Europës për dy sezone rresht dhe unë besoj se një gjë e tillë do të ndodhë edhe këtë herë”.
Me Borusian që mungon në garën për titullin kampion, Bajerni i Mynihut duhet t’i bëjë llogaritë me Volfsburgun që mbetet 8 pikë larg, por me afrimin e Andre Shurles bëhet një kundërshtar që duhet marrë parasysh:
“Volfsburgu ka burime të mëdha financiare. Kur ata i marrin gjërat seriozisht mund të thyejnë çdo kufi. Edhe ne mund t’ia lejojmë vetes një transferim të shtrenjtë si ai i Shurles, por këtë nuk mund ta bëjmë shpesh herë”.
Pozita e trajnerit Jurgen Klop në “Signal Iduna Park” nuk ka qenë aspak komode gjatë këtij sezoni.
Tifozeria shpërtheu pas humbjes me Augsburgun por suksesi 3-0 në transfertën e Freiburg ka rikthyer qetësinë në skuadër.
“Ndaj trajnerit Klop nuk ka pasur asnjëherë ultimatum dhe as që mund ta imagjinoj që ai mund të dorëhiqet. Ne besojmë shumë tek njëri-tjetri”.
1 komente në “Vatzke: Bajerni është 50 vjet përpara Dortmundit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
HIDH PARA DAKU, DHE SHIKO E ARRIN BORUSIA, BYERNIN APO JO.
JU KERKONI REZULTATE, POR PA HEDHUR PARA DHE INVESTIME HARROJENI.
SI ESHTE AJO KENGA SHQIPTARE, VETEM LEKU, VETEM LEKU E HUDH UJIN PERPJET.