Te fundit
Elbasan, sekuestrohen 740 kg duhan, procedim për tregtarët informal
6 Shtator 2015, 12:08Ekonomia
TEMA
Dega e Doganës Elbasan në bashkëpunim me strukturat e Antikondrabandës në Drejtorinë e Përgjithshme të Doganave dhe Crown Agents, të mbështetuar nga Policia e Shtetit, zhvilluan sot në orët e para të mengjesit një operacion në tregun informal të duhanit, ngritur në sheshin pranë kryqezimit të Cërrikut.
Si rezultat i kontrollit të ushtruar u sekuestruan dhe konfiskuan rreth 740 kilogramë duhan i grirë, i ambalazhuar në qese plastike, gati për shitje.
Tregtarët që kishin nxjerrë për shitje sasinë e duhanit të sekuestruar janë fermerë, kryesisht nga Qarku i Elbasanit.
Sasia më e madhe e duhanit të grirë u braktis nga fermerët tregtarë në momentin që mbërritën grupet e kontrollit dhe kryen veprimet për konfiskimin e mallit.
Grupet e përbashkëta të kontrollit në terren kryen të gjitha veprimet e duhura proceduriale për dokumentimin e rasteve të konstatuara dhe ndëshkimin e shkelësve.
Drejtoria e Përgjithshme e Doganës në bashkëpunim me strukturat e tjera ligjore është e vendosur të çojë përpara përgjegjësisë ligjore dhe të ndëshkojë çdo abuzues, me qëllim final luftën kundër informalitetit dhe mbrojtjen e konsumatorit.
Gjithashtu, Drejtoria e Përgjithshme e Doganës përsërit apelin ndaj fermerëve dhe prodhuesve e tregtarëve të duhanit që të regjistrohen në institucionet përkatese, të paguajnë taksat dhe të kryejnë pas kësaj veprimtari të ligjshme të prodhimit e tregtimit të mallrave që paguajne akcizë
4 komente në “Elbasan, sekuestrohen 740 kg duhan, procedim për tregtarët informal”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo ju qofte e paskeni luftuar evazionin.Po shikoni more maunet e Vilma Nushit dhe te Grigor Jotit qe futen nen hunden tuaj me bekimin tuaj ne dogana.Lerini te shkretet te mbajne frymen me buke.Shko e kap ate qe duhet apo ato jane te paprekshem sepse cdo 2 vjet kontribuojne per fushatat tuaja elektorale.
EEEE More Edi Rama e shikon sa punon dogana dhe policia ne Elbasan.Bile kete e ka deklaruar dhe n.drejtori i tatimeve ne takim me tatimoret elbasanas se qenka rrethi me i rregullt, fjalim qe u prit me duartrokitje nga kta te fundit.Vetem Ju z. Kryeminister nuk po dergoni njee flete lavderimi,pika qe sju bie thuaj.
Si gjithmon ligji ne shqiperi godet me te dobtin dhe fukaran. keta fermeret luftojn per mbijetes dhe nxjeri aq pak sa dhe familjen nuk e mbajn dote me buke, turp per kete shtet qe do te tregojn forcen me dobtin gjithmon.
As enver hoxha nuk jua ka sekuestru duhanin fshatareve dhe jo vetem qe i lejonte ta mbillnin e jua mblidhte ne fermentimet e duhanit me lek ne dore por mbyllte edhe njerin sy per fshataret qe e shisnin nen dore ne qytet e ti cohesh e ju heq buken e gojes shtreses me te vujtur te vendit sepse i ke vendos nje aksiz te cmendur 44 mije lek kg per prodhimin vendas aq sa ma leverdi ke te pish marlboro se sa me te dredhur dhe kete e ke bere vetem e vetem per arsye klienteliste per tu mbushur xhepat nushve e dushve por nuk mund te mashtrohet pafundesisht ky popull