Te fundit
Shkëlqim Cani iu dërgon letra falenderimi bizneseve të rregullta
24 Nëntor 2015, 17:54Ekonomia
TEMA
Ministri i Financave Shkëlqim Cani u ka dërguar ditët e fundit letra falenderimi bizneseve që janë identifikuar si taksapagues të rregullt dhe kanë qenë korrekt me legjislacionin.
“Përmes kësaj letre, dëshiroj që t’ju shpreh mirënjohjen e sinqertë në promovimin që po i bëni modelit të ndershëm dhe të rregullt të sipërmarrjes në Shqipëri.
Lufta që qeveria jonë i ka shpallur informalitetit, nuk synon vetëm mbledhjen e sa më shumë kontributeve dhe të ardhurave, por në radhë të parë, kërkon që të krijojë kushtet e konkurrencës së ndershme, ku te gjithë sipërmarrësit trajtohen në mënyrë të barabartë, përpara rregullave dhe ligjit.
Unë dëshiroj, jo vetëm t’ju falenderoj për kontributin që keni dhënë dhe vazhdoni të jepni përmes taksave që paguani, por edhe t’ju inkurajoj që të vazhdoni të respektoni institucionet shtetërore.
Unë jam besimplotë se vetëm duke luftuar informalitetin pa kompromis, ne do të arrijmë të nxisim edhe më shumë zhvillimin ekonomik dhe të krijojmë së bashku një mjedis sa më të përshtatshëm për të bërë biznes”, thuhet në letrën që ministri i financave u ka dërguar bizneseve.
Sipërmarrësit, të vlerësuar, por kërkojnë që taksat t’u kthehen mbrapsht me shërbime.
Sipërmarrësit, që kanë marrë letrën e falenderimit pohojnë se ndihen të vlerësuar, pasi është hera e parë që kontaktohen direkt nga institucionet shtetërore. Ata shpresojnë gjithsesi që ky vlerësim të mos mbetet vetëm në letër, por t’u kthehet mbrapsht si në formën e shërbimeve ashtu dhe më pak kontrolleve në dogana e tatime.
“Ministria mund të krijojë një bazë të dhënash me taksapaguesit e rregullt, apo ata që deklarojnë paga të larta dhe ata të pajisen me karta, që u mundësojnë të marrin shërbime edhe në spitale private, apo të marrin kompensim për arsimimin e fëmijëve”, propozon një nga sipërmarrësit, që ka marrë letër falenderimi nga ministri i financave./ Monitor
6 komente në “Shkëlqim Cani iu dërgon letra falenderimi bizneseve të rregullta”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Flete Lavderimi
Ehh mër Çim
Mër pelivan
Jepi Popullit
Që të mban.
Osht bo biznesi
Për doktor
Osht (bo)si muti
Shalët t’ka mor ?
Veprim per tu pershendetur, mendoj se duhet ti publikoni emrat e ketyre bizneseve te ndershem ne site-in e ministrise se financave dhe ne site te tjere shqiptare qe jane te vizituar.
Keshtu do te tregonit se jeni krah biznesit korrekt
Kinezeri.
Te dashur viktima, ne vampiret ju falenderojme nga zemra per gjakun e dhene deri tani. Ju kujtojme qe na duhet gjak i paster akoma. Eshte turp te vonojme pagesat per Jaguaret e rinj te byrose politike.
Veprim per t’u pershendetur, tregon qytetari dhe moral per qeverine.
Lista e bizneseve te ndershme duhet bere publike, eshte nje publicitet qe e meritojne katerciperisht.
Ne Kosove Administrata Tatimore cdo vit shperndan cmime per 5 kompanite me korrekte qe i perkasin biznesit te madh dhe 5 te vogel duke organizuar ceremoni falenderimi dhe kjo me gjithe mend qe duhet vleresuar.