Te fundit
Kapshticë/ Ndalohet 1 shtetas për kontrabandë, procedohen 2 doganierë për shpërdorim detyre
6 Korrik 2016, 12:30Kronika
TEMA
Antikontrabanda bllokon në segmentin Kapshticë – Korçë një mjet me mallra nga Greqia, të padeklaruar ne Dogane.
Dy doganierë të Doganës së Kapshticës janë procedura penalisht për shpërdorim detyre, pasi lejuan shtetasin Jorgo Liço,të kalonte kontrabandë mallra të ndryshme ushqimore. Vetë shtetasi Jorgo Liço, 48 vjeç, banues në Korçë u arrestua në flagrancë.
Ndalimi i tij u bë pasi, mbrëmjen e së dielës, Grupi i Antikontrabandës, i ndodhur në aksin rrugor Kapshticë – Korçë, ushtroi kontroll në automjetin e shtetasit Jorgo Liço, me targë AA927BH dhe konstatoi një sasi mallrash mbi vlerën e lejuar, të cilat ky shtetas nuk i kishte deklaruar tek autoritetet doganore në Kapshticë. Ndaj tij rëndon vepra penale “Kontrabandë me mallra të tjera”, parashikuar nga Neni 174 i Kodit Penal. Në vijim të hetimeve të kryera lidhur me këtë rast, filloi procedimi penal në gjendje të lirë edhe për shtetasit E.Ç, 37 vjeç, banues në Tiranë, si edhe L. K, 57 vjeç, banues në fshatin Sovjan-Korçë, të dy me detyrë doganierë në Doganën e Kapshticës.
Dyshohet se këta punonjës nuk kanë ushtruar kontroll në automjetin e shtetasit të lartpërmendur, duke shpërdoruar kështu detyrën, parashikuar nga Neni 248 i Kodit Penal. Materialet në ngarkim të shtetasve të mësipërm, i kaluan Prokurorisë të Rrethit Gjyqësor Korçë për veprime të mëtejshme.
Lini një Përgjigje
Më të lexuarat
24 oret e fundit
Javen e fundit
Blog Tema
