Te fundit
Alibia e Bashës për humbjen e radhës në Dibër dhe lufta për kreun e PD
16 Gusht 2016, 20:52Politika
TEMA
Ka muaj që në Partinë Demokratike ka trazime dhe përçarje. E thënë më saktë, kjo përçarje ka nisur që kur kryetari aktual Lulzim Basha u emërua në krye të PD pas një aksidenti të të ndjerit Sokol Olldashi.
Përçarje e cila tentohet të amortizohet me të tjera tema dite që krijohen nga aktualitet politik dhe jo vetëm.
Ulëritëse ishte përçarja në ditët e fundit para miratimit të reformës në drejtësi, ku ish-kryetai i PD-së, Eduart Selami doli hapur kundër Bashës duke deklaruar se do e votonte reformën dhe nëse ky i fundit do të bllokonte votat e PD-së. Pas tij vërshuan edhe Bregu&co.
Nën hije qëndron gjithmonë “zemërluani”, presidenti Nishani, i cili në çdo rast që i jepet mundësia nxjerr shpatën e opozitarit për t’i treguar Berishës se ai mund të bëjë më mirë opozitë se Basha.
Të gjithë ata që mund të thonë “pse merreni me PD-në e jo me qeverinë ”, duhet të kuptojnë që pa një opozitë të fortë nuk mund të kemi një qeveri më të mirë.
Ndaj PD-ja duhet parë, analizuar dhe kritikuar se si të jetë më e fortë dhe të mos ketë propozim të vetëm ndaj popullit flirtin me LSI-në. PD-së nuk i shërben askush që i fërkon kokën me akull.
Për të vazhduar analizën, në gjithë këtë zallamahi politike brenda PD-së, politika ka një provëz në Dibër, ku PD ka çuar një deputet kandidat ndërsa PS një kirurg.
Mirëpo Dibra për PD-në është njësia administrative më e keqe që mund të binte të përplasej. Sepse aty është epiqendra e përçarjes së saj.
E si për të mbuluar përçarjen mes vetes, PD ka dalë sot dhe ka sulmuar kryeministrin Rama duke thënë se “ka urdhëruar KQZ të mos regjistrojë disa parti të vogla, koalicion me PD-në”.
Në pamje të parë ngjan si një deklaratë politike rutinë, por që në fakt nuk rezulton të jetë krejt kështu.
PD-ja me këtë deklaratë po paraprin atë që mund t’i ndodhë në Dibër.
Po i paraprin një humbje të mundshme e cila jo vetëm që do konfirmonte votën e 2015-ës, por do lekundte edhe fronin e Bashës.
Nga ana tjetër për ASHE-në (Aleanca për Shqipërinë Europiane) nuk do të ishte dramë, sepse fundja Dibra njihet si bastion i djathtë.
Por pse PD-ja ndjen se mund ta humbasë sërisht Dibrën?
Arsyet janë 3 dhe fare të thjeshta, të artikuluara edhe publikisht.
Së pari, PD-ja mund ta humbasë Dibrën sepse shpresa e saj e afrimit me LSI sot u venit.
Në pamundësi për të ofruar alternativë, PD flirtoi me Metën gjithë verën, por nuk ja doli ta përçajë ASHE-në, të paktën deri sot.
E dyta arsye pse PD-ja e nuhat humbjen është vetë PD-ja si strukturë politike. Përçarja e saj në Dibër është e thellë.
Deri aty sa ish-kryetari i PD në Dibër deklaroi sot se do të hedhë në gjyq mediat që sponsorizohen direkt nga PD për shpifje ndaj tij. Pra përçarja është si gjithmonë aty dhe kundër Bashës.
Arsyeja e tretë është logjika e thjeshtë e votuesve dibranë që shquhen për zgjuarsinë e tyre. A do të votonin Dibranët një kandidat të djathtë kur në pushtetin qëndror qeveris e majta?
A besojnë dibranët se qeveria qëndrore do i japë njëlloj fonde si një kryetari të djathtë e si të majtit?
Në këto 25 vjet nuk ka rezultuar kështu. Minimalisht do jepen fonde sa për të thënë, por asnjëherë sa çdo jepeshin për kandidatin e partisë në pushtet.
PD-ja i di mirë të 3-ja këto që thamë më lart, ndaj sot ajo me anë të deklaratës së saj në dukje rutinë, vetëm sa filloi shfajësimin për humbjen e radhës që ndjen që po i afrohet.
Alibia e Bashës që filloi sot për të thënë se “Rama po na mund me hile”, është strategjia për të shpëtuar fronin e Bashës, i cili rrezikohet nga pro-amerikani Selami dhe presidenti kamikaz, Bujar Nishani. /Lexo.al
6 komente në “Alibia e Bashës për humbjen e radhës në Dibër dhe lufta për kreun e PD”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po fitoj cdo te thoni………….na i vodhi?
Ky basha doli debill krejt ska lidhje me politiken biri saliut.
Ky basha doli debill krejt ska lidhje me politiken biri saliut.
Se si humbi PD ne zgjedhjet e kaluara, kete e dine mire te gjithe. LSI ishte me PS dhe fitorja u realizua me 500 vota me shume, kundrejt nje opozite te percare. Kesaj radhe gjendja ka ndryshuar. LSI nuk eshte edhe aq kompakte me PS, edhe kete e dine te gjithe. LSI mund te hakmerret edhe per lojrat qe beri PS ne Pogradec, Mallakaster e gjetke.
Llogaritjet jane bere sikur PS, LSI dhe PDIU do jene bashke, prandaj, krahu i majte, do marre maksimalen e vet. Nga ana tjeter, PD dhe aleatet jane te bashkuar dhe behen 18 parti. Cdo vote ka rendesi ne nje bashki si ajo e Dibres. Presim rezultatin, por dibranet do kene parasysh te gjithe genjeshtrat e Rame rilindasit, qe jane sa nje mal i tere dhe figuren e Sherefedin Shehut, nje ekonomist klasi, perkundrejt mjekut kirurg me mbiemrin Rama (edhe kjo perzgjedhje eshte bere me qellim). Kush mund ta drejtoje me mire bashkine?
Pastaj, luften midis Nishanit dhe Bashes, nje ceshtje qe u takon anetereve te PD, e zgjidhin ata vete, duke votuar nje anetar nje vote. E, jo si ne pS, ku lindi kjo inisiative, por qe rilindasi Rama e hodhi ne kosh.
Me sa kemi lexuar, eshte Rama, qe po pengon regjistrimin e aleateve te PD dhe po fsheh se Rama tjeter nuk ka plotesuar formularin e dekriminalizimit!
Basha,ka akoma shprese te mesuesi i tji Berisha se do ta ndihmoi ai te jete kryetar partie.E ka kote,Berisha eshte si ai qeni qe ha njerzit e tij fshehuarzi.Ne diber Basha nuk fiton,se edhe ate ka urrejtje per pd-ke.Kjo parti merret me thashetheme,shpifje,akuza pa vend.Del Alibeja ne televizion e shpif per Ramen e per Ministrin e brendshem,kot fare.Sajon genjeshtra,gjera te paverteta,gje qe populli i sheh vete me syte e tij,se nuk jane ashtu siç thote pd-ke.Nuk e kuptoje,kaq budallenj jane keta te pd-ke,sa nuk kuptojne qe po bejne veprime femijesh? Ata do humbasin ne Diber,por qe sote ata e kane pergatitur justifikimin,”votat na i vodhi Edi Rama”.Kane frike nga elektorati i tyre.Po u shpeton shurra.
Basha,ka akoma shprese te mesuesi i tji Berisha se do ta ndihmoi ai te jete kryetar partie.E ka kote,Berisha eshte si ai qeni qe ha njerzit e tij fshehuarzi.Ne diber Basha nuk fiton,se edhe atje ka urrejtje per pd-ke.Kjo parti merret me thashetheme,shpifje,akuza pa vend.Del Alibeja ne televizion e shpif per Ramen e per Ministrin e brendshem,kot fare.Sajon genjeshtra,gjera te paverteta,gje qe populli i sheh vete me syte e tij,se nuk jane ashtu siç thote pd-ke.Nuk e kuptoje,kaq budallenj jane keta te pd-ke,sa nuk kuptojne qe po bejne veprime femijesh? Ata do humbasin ne Diber,por qe sote ata e kane pergatitur justifikimin,”votat na i vodhi Edi Rama”.Kane frike nga elektorati i tyre.Po u shpeton shurra.