Te fundit
Luli shpjegon pse Rama ka urdhëruar rrahjen e “Kaubojsit”
27 Shtator 2016, 21:01Antena
TEMA
Pas lajmit të konfirmuar se deputeti kaubojs është rrahur nga dy persona në kufirin Shqipëri- Kosovë, Luli ka bërë një deklaratë për shtyp ku akuzon Ministrinë e Brendshme se ka fshehur krimin për qëllime politike dhe shpjegon arsyet e këtij sherri.
“Klika e drogës ka fsheur sot sërish një krim. Një deputet i mazhorancës është rrahur dhe dhunuar në kufirin Shqipëri- Kosovë dhe klika ka heshtur duke fshehur lajmin.
Në asnjë vend në botë, përveç dikaturave tiranike, nuk fshihet një krim.
Kjo ndodh vetëm në Shqipërinë e Edvin Ramës.
Po përse u fsheh krimi ndaj deputetit kaubojs?
Krimi u fsheh se deputeti kaubojs, po i kërkon Edi Ramës shpërblimin për bastin që ka vënë me Ilir Metën për humbjen në Dibër.
Ai u betua publikisht se ishte gati të vinte bast me Ilir Metën, që PS do ta fitonte Dibrën edhe pse LSI po bënte naze.
Pas kësaj ai ka marrë përgëzimet e Ramës dhe u hodh në betejë për ta fituar Dibrën.
Siç dihet, në Dibër u bë masakër elektorale dhe PS fitoi Bashkinë, kurse kaubojsi fitoi bastin me Ilir Metën.
Por pikërisht tani që ai po priste që Meta t’i jepte lekët e bastit, Meta u bë bashkë me Ramën, u mbyllën tre orë në zyrën e Kryeministrisë dhe vendosën të vazhdojnë bashkë, duke ja mohuar bastin kaubojsit.
Pas kësaj, kaubojsi vendosi të protestojë dhe të bëhet “pentito”, duke treguar se si i fituan zgjedhjet në Dibër.
Kjo e shqetësoi shumë klikën dhe më në fund gjetën një mënyrë t’i mbyllin gojën.
Ndërsa ai ishte në Kosovë në një aktivitet artistik, bandat e kartelit të drogës i kanë zënë pritë në doganë dhe e kanë masakruar.
Për të realizuar aktin e tyre kriminal, ata kanë pajtuar dy shtetas të Kosovës, por doracaku i vërtetë është Edi Rama me Ilir Metën.
Partia Demokratike e shikon këtë zhvillim si shumë negativ dhe që dëshmon ato që kemi thënë për terrorin e klikës së drogës në Shqipëri.
Aq shumë e kanë shantazhuar deputetin kaubojs, sa ai po mohon dhe dhunën fizike mbi të.
Kjo është Shqipëria e 2016. Me këtë situatë ne do ta mendojmë mirë a do hyjmë a jo në zgjedhjet në Kolonjë, pasi nëse në Dibër na mundi PS dhe kaubojsi, në Kolonjë nuk duam të na mundë LSI.”
Lini një Përgjigje
Më të lexuarat
24 oret e fundit
Javen e fundit
Blog Tema
