Te fundit
Flamuri mban fjalimin e parë në Komisionin e Vetting-ut
24 Maj 2017, 21:08Antena
TEMA
Siç është bërë e ditur Flamuri është tani anëtar i Komisionit të Vetting-ut, pas Marrëveshjes Rama-Basha. Në fjalimin e tij të parë Flamuri shpalosi vizionin e tij për Vetting-un.
“Të nderuar anëtarë!
Unë du të them disa fjalë, për këtë punë që më kanë ngarkuar.
Pas tre muajsh betejë, ne arritëm të shmangim ndikimin e Sorosit në reformën në drejtësi dhe t’ua kthejmë drejtësinë shqiptarëve. Sorosi që me tentakulat e tij, po përpiqej të fuste hundët në punët e drejtësisë, tani ka dështuar plotësisht.
Kam fol dhe me atë burrin dhe më ka dhënë mbështetje të plotë, kundër Sorosit në këtë Komision.
Prandaj duhet ta marrim punën me radhë.
E para, dua të dalë përgjegjësia kush e ka ftuar Sorosin në fillim në Shqipëri dhe cili ka qenë misioni i tij.
E dyta, kushdo që ka përfituar bursa nga Sorosi të dalë nga sistemi i drejtësisë dhe politika.
E treta, t’i kërkojmë Presidentit Trump ta ekstradojë Sorosin në Shqipëri dhe t’i bëjmë gjyqin në Sheshin “Skënderbej”, meqë në SHBA ai ka miq dhe nuk e dënojnë.
Unë nuk jam shumë i infomuar për shtatë ligjet, pasi dhe ai burri nuk i kishte lexuar mirë, por kemi besim se marrëveshja Rama-Basha, i ka rregulluar ato ligje dhe kanë zhdukur ndikimin e Sorosit nga ligjet e reformës në drejtësi.
Tani është detyra jonë ta fshijmë me fshesë të hekurt çdo mbeturinë të tij në sistemin e drejtësisë.
-Kaq kisha unë,- tha Flamuri dhe u ul.
Dua përgjigje për gjithë këto shqetësime.
Pas tij u ngrit Sekretarja e Komisionit.
Po të përgjigjem shkurt,- tha ajo, për çdo pyetje tuajën.
I pari që e ka ftuar Sorosin në Shqipëri është Sali Berisha dhe ka marrë prej tij financime për shtatë gazetat e opozitës në vitin 1991. Miqësia e tij ka vazhduar.
Nga skena politike na rezulton se gjysma e kryesisë së PD ka marrë bursa nga Sorosi dhe 30 për qind nga PS.
Dyshja Rama-Basha janë të dy njerëz të Sorosit. Presidenti Trump, mund të takohet nesër me Edi Ramën dhe le t’ia bëjë Edi Rama kërkesën në Bruksel.
Sa u përket shtatë ligjeve ata nuk do të ndryshojnë. E vetmja gjë që mund të pastrojmë tani janë disa gjyqtarë dhe prokurorë, por ata më duket se nuk i ka shkolluar Sorosi, por Kreshniku tek plepat.
Lini një Përgjigje
Më të lexuarat
24 oret e fundit
Javen e fundit
Blog Tema
