Nga “reformatorët” tek “reformatori”, një kujtesë e hidhur për Berishën

Nga Mero Baze

Në mes të vitit 1999, në Partinë Demokratike u bë investimi më i madh i mundshëm, kryesisht nga qeveria e majtë në pushtet, për të hequr përfundimisht Berishën nga kreu i saj dhe për ta zëvendësuar me një grup njerëzish që kishin qenë bashkëpunëtorët më të ngushtë të tij. Bëhej fjalë për grupin që në atë kohë qeveria e etiketoi si “reformatorët”, në krye të të cilëve ishte Genc Pollo dhe Tritan Shehu, dhe në përbërje të tyre edhe Nard Ndoka, Valentina Duka, Ferdinand Xhaferi, Enno Bozdo etj.

Ky grup u shtua për një farë kohe me Dashamir Shehin, Albert Brojkën, Ylli Vejsiun dhe disa ish- figura të PD, larguar prej andej më 1997, por kjo gjë zgjati pak, pasi dinjiteti i tyre nuk përputhej me skuthllëkun e “reformatorëve”. Ata që mbijetuan si “reformatorë” kundër Berishës ishin Pollo, Shehu, Ndoka, si parlamentarë dhe garnitura e tyre.

Beteja  e tyre ndaj Berishës ishte e fortë, e paprecedentë më pare në PD dhe herë pas here dhe shumë e ligë dhe e pamëshirshme, ngaqë drejtohej nga Genc Pollo.

Gjëja  e parë që bënë ata, ishte emri i partisë së tyre, e cila u quajt Partia Demokrate dhe anëtarët e saj, quheshin demokratë, ndërsa sigla ishte PD.

Genc Pollo dhe Tritan Shehu, e quanin Berishën kryetar të fraksionit të vulës, ngaqë ai ishte sipas tyre formalisht kryetar i PD, dhe me ndihmën e qeverisë së asaj kohe, në zgjedhjet e 2001, PD-së ju hoq e drejta e përfaqësimit në fletë votimi me siglën PD, dhe kjo sigël ju dha PD. Falë këtij gabimi në fletët e votimit, Pollo mori pesë deputetë në zgjedhjet e vjedhura të 2001, natyrisht duke shtuar dhe votat e grabitura përmes policëve të qeverisë, që në atë kohë punonin më shumë për “demokratët”, se sa për PS.

Fuqia e kësaj partie filloi të shfryhej në zgjedhjet lokale në vitin 2003, ku ata mezi morën 1,5 për qind të votave dhe mbijetuan si grup shantazhi deri në vitin 2005, kur Berisha i thirri në PD, duke i futur në koalicionin e madh të “Megadushkut”, për t’u futur në parlament dhe qeveri.

Edhe pas kësaj, Pollo arriti ta ruajë fraksionin e tij brenda “fraksionit të vulës”, siç e quante Berishën. Edhe pse Pollo i zboi një nga një ata që ju afruan në vitin 2000, ai përsëri nuk i ndau kurrë nga vetja disa tipa tërësisht anti-elektoralë, si Tritan Shehun, Valentina Dukan, Enno Bozdon, Andrea Manon etj.

Për herë të parë në zgjedhjet e 2009, ai u fut në listat e PD, duke “shkrirë” Partinë Demokrate, me premtimin e Berishës, se do t’i ruante përfaqësimin përmes parimit të paritetit brenda PD-së. Dhe Pollo ka qenë ministri më i pavarur i Berishës për këtë shkak, i cili nuk u prek as nga akuzat për abuzime të tmerrshme me tenderat e librave shkollorë, as me përballjen e tij me Olldashin dhe njerëz të Berishës në vendimin e tij të pamëshirshëm për ta fituar vetë tenderin e linjave të internetit në Shqipëri në vitin 2013, apo tenderin e digitalizimit të TVSH.

E solla në kujtesë këtë biografi të shkurtër të “reformatorëve” brenda PD, për të tërhequr vëmendjen në atë që po bën tashmë “reformatori” i ri i PD, Lulzim Basha.

Kushdo që përpiqet të kuptojë kë ka hequr, e kë ka lënë në PD, nuk gjen dot asnjë linjë llogjike dhe as ndonjë mesazh politik, përveç faktit se ndjehet i trimëruar nga “garanti” i tij Edi Rama dhe faktit që ka ringjallur “reformatorët”. Kjo gjë është e qartë dhe kërkon shpjegim. Të vetmit që nuk janë prekur në gjithë linjën e historisë së PD, janë “reformatorët” e vitit 1999, ose ndryshe grupi i Genc Pollos.

Genc Pollo ka marrë një pozicion kyç në Qarkun e Fierit, edhe pse është figura më anti-popullore në PD, që nuk e do askush dhe nuk i sjell PD-së asnjë votë.

Tritan Shehu, një figurinë emblematike si politikan qesharak, udhëheq Qarkun e Gjirokastrës, me të cilin e lidh vetëm miqësia okulte e babit të tij me Enver Hoxhën, për të cilin përflitet se e ka pasur interlokutor me një shërbim perëndimor përmes vëllait të tij në mërgim.

Një tjetër figurinë mediokre, që ka dëshmuar dhe një egërsi të pashoqe kundër PD, është Valentina Duka, e cila tanimë udhëheq Qarkun e Korçës, e përforcuar aty dhe me një tjetër “reformator” anonim, Andrea Mano.

Në listë të sigurtë janë dhe Nard Ndoka dhe Dashamir Shehi, të cilët ju bashkuan këtij grupi në vitin 2000. Edhe pse ishin bashkë, ata nuk janë të njëjtë, sidomos Dashamir Shehi. Ky i fundit ka qenë dhe mbetet një oponent natyral dhe i dinjitetshëm i Berishës.

Pra, i vetmi rregull që kuptohet tek lista e re e “reformatorit” Basha, është mbështetja e listës së re të tij, tek lista e “reformatorëve” të vitit 2000. Ky grupim, realisht është më i investuari kundër PD dhe Berishës dhe më antipatiku brenda PD. Biles dhe ndryshimet e fundit që Basha po bën në logon dhe ngjyrat e PD, duke e ndryshuar domenin e PD nga PD.al ne demokratet.al, është një imitim i logove të tyre.

Fuqia tejet e madhe politike që Basha i ka dhënë këtij grupi në këto lista, ose flet për një marrëveshje të re të heshtur kundër Berishës, ose për një keqkuptim që Basha ka me historinë e PD, duke i adhuruar ata si heronj që ia kanë arritur t’i dalin ballazi Berishës. Nëse është kjo e dyta, duhet ta çojë adhurimin deri në fund, dhe ta shikojmë sa fuqi ka si “reformator”.

Lulzim Basha, në fushatë për të fituar PD-në!

20:21 Editorial

“Garanti” i Bashës dhe "garancia" e Patozit!

20:37 Editorial

Nuk e ka marrë, e ka vjedhur!

19:27 Editorial

Një ushtri që po dezerton pa nisur beteja!

20:21 Editorial

Një listë, që "mbron" Bashën nga PD!

17:48 Editorial

Basha po përballet me gënjeshtrat që prodhoi çadra

20:52 Editorial

LSI përcakton kundërshtarin e saj në fushatë!

21:14 Editorial

Mbi “Vetting”-un e ministrave të rinj!

20:13 Editorial

Paratë nuk ishin për reklamat, por për lajmet. Mos i shisni ato!

19:36 Editorial

Lulzim Basha foli!

20:00 Editorial