Te fundit
Zv.ministri i Mbrojtjes jep dorëheqjen
6 Korrik 2017, 10:51Politika
TEMA
Zv.ministri i Mbrojtjes, Idlir Peçin, është liruar nga detyra.
Vendimi është marrë në datën 3 korrik në mbledhjen e radhës së Këshillit të ministrave.
“Me propozimin e Kryeministrit, Këshilli i Ministrave vendosi: Z. Idlir Peçi, zëvendësministër i Mbrojtjes, lirohet nga kjo detyrë. Ky vendim hyn në fuqi menjëherë”- thuhet ne vendim.
Ka qenë vetë Peç, i cili ka kërkuar të lirohet nga detyra.
“Për arsye personale dhe profesionale, ju paraqes dorëheqjen time të parevokueshme nga posti i zëvendësministrit të Mbrojtjes.
Do të doja të shfrytëzoja rastin për t’ju falenderuar për besimin tuaj ndaj meje në ushtrimin e detyrave të rëndësishme, fillimisht si zëvendësministër i Drejtësisë dhe më tej si zëvendësministër i Mbrojtjes.
Ju uroj përzemërsisht suksese në mandatin e dytë qeverisës”, thotë ai në kërkesën e tij.
Vendimi
VENDIM Nr. 481, datë 3.7.2017
PËR LIRIM NGA DETYRA
Në mbështetje të nenit 100 të Kushtetutës dhe të pikës 2 të nenit 6 të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
VENDOSI:
Z. Idlir Peçi, zëvendësministër i Mbrojtjes, lirohet nga kjo detyrë. Ky vendim hyn në fuqi menjëherë. Edi Rama
Lini një Përgjigje
Më të lexuarat
24 oret e fundit
Javen e fundit
Blog Tema
