Te fundit
Përse aleatët nuk mund ta shantazhojnë Bashën, për LSI-në?
8 Janar 2018, 20:09Editorial
TEMA
Nga Mero Baze
Përpjekjet e aleatëve të vegjël të Partisë Demokratike për të kushtëzuar PD-në në reformën zgjedhore, në raport me LSI-në, është një temë e bezdisshme, e cila mund të përfundojë me humbjen e tyre. Të pesë partitë e vogla aleate me Partinë Demokratike, nuk mund të kushtëzojnë aleancën PD -LSI nga pozita ideologjike, pasi interesi kryesor i PD-së është ardhja në pushtet, dhe jo formimi i ndonjë të djathte shembullore.
Ka disa arsye që Basha mund të mos i përfillë kërkesat e tyre.
E para dhe kryesorja, ato janë parti që i kanë vënë gjobë rregullisht PD-së vetëm për të qenë fasada e saj, dhe jo për të pasur vota. Simbol i kësaj historie është padyshim Fatmir Mediu, i cili nuk ka dalë asnjëherë si deputet i Partisë Republikane, kryetar i së cilës formalisht është, por si deputet i PD. Kështu dhe të tjerët, kush më shumë e kush më pak, përfshi dhe Dukën, që për herë të parë që u fut në siglën e një partie të madhe, humbi.
Së dyti, në zgjedhjet e fundit, këto parti luajtën një rol negativ në demokracinë e brendshme në PD, dhe shërbyen si zjarrfikës të krizës brenda PD-së. Ato shërbyen si fasadë për të mbuluar spastrimet e Bashës brenda PD-së dhe braktisjen nga PD, duke shitur aleancën me to, si vitalizim i PD. Ata qëndruan në çadër, jo si luftëtarë, apo si militantë që i jepnin tonin, por si mercenarë, që një herë në dy javë kërkonin çmimin e asaj që po bënin, derisa siguruan vendet në lista dhe duke injoruar krizën e brendshme në PD, për interes të tyre.
Në këtë aspekt, Basha i ka përdorur një herë për hallin e vet dhe i ka shpërblyer. Tani nuk është në hall me LSI-në, por në aleancë me të.
E treta, që është dhe me rëndësi, Basha ka interes jetik aleancën me LSI, pasi këto parti kanë provuar parimin, që “shumë parti të vogla, bëjnë një parti të vogël” dhe nuk kanë ndonjë peshë elektorale, kurse LSI është një nga partitë më të strukturuara në vend, me parime të qarta elektorale, jo ideologjike. Kështu që, Partisë Demokratike i duhet LSI-ja, jo vetëm për mandate, por dhe energji elektorale dhe infrastrukturën e organizimit.
Ndaj dhe këto shantazhet e aleatëve të PD-së ndaj PD, lidhur me reformën zgjedhore, duhet të jenë të moderuara, brenda rolit dhe mundësive që ato kanë. Ato mund të kenë fuqi kushtëzuese, vetëm nëse dalin më vete dhe provojnë që së bashku arrijnë të bëhen faktor elektoral. Deri më sot, janë faktor teatral!
6 komente në “Përse aleatët nuk mund ta shantazhojnë Bashën, për LSI-në?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
e KE QARE mERO. aTA DO TA FUNDOSIN pARTINE dEMOKRATIKE. sHIHE NE ZGJEDHJET VENDORE TE 2019.
MJAFT ME TEATRALET , ATA DUHET TI KRYQEZOJE WETINGU.
po PD e fundosur eshte dhe ben mire te rrije atje se vetem pislleqe i ka sjelle ketij vendi, te pakten tani te gjitha partite e qelbura jane ne nje kazan, ti vene kapakun, ta sperkatin njecik dhe te vene nje leter “Kujdes, mbeturina!” Keta vetem lojen e grekut e serbit kane bere gjithe jeten, se te bllokosh reformen ne drejtesi 2 vjet dhe te kercenosh hapjen e negociatave, kete vetem serbie greku e deshirojne se keshtu mbetet e izoluar shqiperia dhe hyn ne BE serbi para nesh. Dhe me kete rast, serbia zgjidh edhe kosoven edhe shqiperine.
LSI-ja,është kthyer nê një morr të ndyrë,
thëthitës, dhe vetëm dëm do i sjellë PD/së.
S’kemi çe duam.
Më mirë pa të.
Partitë e tjera të vogla, kanë qënë besnike të të djathtës.
Duhet të rusjmë sleancën me to.
O Nik, Po Vangjelis Dulis I djathte eshte?!
Po zenia e tokes se te tjereve politike e djathte eshte??
Po dhenia e detit Greqise, politike e djathte eshte?!
Ia ben Fatja rup sup Lulzimes, se ka Klemin te KQZ:):):)