Te fundit
Mbledhje sekrete, kinezët i vënë kusht Spallettit. Çfarë autogoli "Perisic"
29 Janar 2019, 16:47Sport
TEMA
Një pikë në dy ndeshje dhe pakënaqësia e një prej futbollistëve kyç në formacionin zikaltër. Telashet te Interi janë shtuar dhe përballja me Lazion në Kupën e Italisë po afron.
Në “San Siro”, mbrëmjen e të enjtes, zikaltrit kanë shansin të eliminojnë skuadrën e Strakoshës dhe të sigurojnë biletën për në gjysmëfinale.
Nëse kjo nuk do të ndodhë, atëherë stoli i Luciano Spalettit do të lëkundej jo pak dhe mund të merrej edhe një vendim drastik nga krerët e klubit.
Sipas asaj që shkruan “Gazzetta dello Sport”, ditën e martë, në një restorant në Milano, emri i të cilit mbahet sekret, presidenti Zhang, bashkë me Marottan dhe Zanettin, kanë darkuar dhe biseduar rreth të ardhmes së trajnerit zikaltër.
Kushti që i është vënë trajnerit, duke parë ecurinë jo pozitive, ka të bëjë me fitimin e një trofeu: Kupë Italie ose Europa League. Ndryshe, atëherë rrezikohet seriozisht shkarkimi i tij.
Në anën tjetër, ka ngecur situata sa i përket Ivan Perisic. Kroati ka shfaqur pakënaqësinë dhe ka kërkuar shitjen Problemet personale me një pjesë të grupit dhe me trajnerin e shtyjnë kroatin të ndërrojë fanellë, por edhe kampionat.
Administratori Marotta e ka zyrtarizuar këtë divorc brenda në shtëpi, por kjo është kthyer në “bumerang”. Në fakt, edhe ato klube që mund të ishin të interesuara, tashmë e dinë që lojtari dëshiron largimin dhe se Interi nuk mund të shtrëngojë shumë litarin sa i përket kërkesave ekonomike.
Lini një Përgjigje
Më të lexuarat
24 oret e fundit
Javen e fundit
Blog Tema
