Trump flet me superlativa për Kim Jong-un, por kritikohet nga familja e studentit që u torturua nga regjimi komunist

Presidenti i SHBA, Donald Trump, ka falënderuar përsëri Kim Jong-un, duke mbrojtur bisedimet e tij dypalëshe me udhëheqësin e Koresë së Veriut.

Trump tha për Fox News, një avokat i zëshëm i presidentit që Kim ishte “i mprehtë” dhe “një lider i vërtetë”.

“Disa njerëz thonë se nuk duhet ta pëlqej“, tha ai. “Po pse nuk duhet ta pëlqej?”

Takimi i dytë i Trump këtë javë në Vietnam me Kim përfundoi pa marrëveshje.

Presidenti tha gjatë intervistës së transmetuar vonë të enjten se kreu komunist i Koresë së Veriut, “është një personazh, është një personalitet i vërtetë. Ai është shumë i zgjuar”.

Trump është nën kritika para se të lavdërojë udhëheqësin e Koresë së Veriut.

Të enjten, republikanët dhe demokratët e kritikuan Trump për mbrojtjen e tij ndaj Kim për vdekjen e studentit amerikan Otto Warmbier, pas torturave në burgjet e Koresë së Veriut.

Nga ana tjetër familja e studentit reagoi me anë të një deklarate të shkurtër të premten duke dënuar lavdërimin për udhëheqësin e Koresë së Veriut, por nuk përmendi emrin e presidentit Trump.

“Ne kemi qenë të respektueshëm gjatë këtij procesi. Tani duhet të flasim,” shkroi Fred dhe Cindy Warmbier.

“Kim dhe regjimi i tij i keq janë përgjegjës për mizorinë dhe çnjerëzimin e paimagjinueshëm. Nuk mund të kuptoj asnjë justifikim apo lavdërim”, vazhdon më tej deklarata.

Warmbier, një student i Universitetit të Virxhinias, u burgos në Pyongyang në dhjetor të vitit 2015 gjatë një turneu të organizuar, i akuzuar për vjedhjen e një posteri të hotelit.

Autoritetet e Pyongyangit i kthyen 22-vjeçarin në SHBA në një gjendje kome në qershor 2017, dhe ai vdiq disa ditë më vonë në qytetin e tij të lindjes të Cincinnati, Ohajo.

Trump gjithashtu i tha Fox News se donte që Koreja e Veriut të denuklearizohej tërësisht, por Kim dëshironte vetëm zona të caktuara, gjë që ishte e kuptueshme.

“Unë nuk dua të heq dorë nga sanksionet, nëse nuk kemi një program të vërtetë dhe ata nuk janë të gatshëm për këtë dhe e kuptoj këtë plotësisht, me të vërtetë, dua të them se ata kanë kaluar shumë kohë duke e ndërtuar atë“, tha Trump.

Për shefin e Shtëpisë së Bardhë nuk është hera e parë që i del në mbrojtje liderëve që akuzohen nga vendi i tij. Tramp pas takimit me presidentin rus Vladimir Putin në Helsinki në korrik 2018, ai tha se besonte se Rusia u përpoq të ndërhynte në zgjedhjet e vitit 2016, pavarësisht se zyrtarët e inteligjencës amerikane dolën në përfundim ndryshe.

Dhjetorin e kaluar, Trump mbrojti princin e kurorës së Arabisë Saudite, Mohammed bin Salman, pavarësisht bindjes së zyrtarëve të CIA-s se ai urdhëroi vrasjen e tmerrshme të gazetarit amerikan Jamal Khashoggi. (TemA TV)

Britanikët përgatiten për “apokalipsin”: Brexit pa marrëveshje, fillon magazinimi i ushqimeve dhe ilaçeve nga frika

16:45 Bota

NATO thirrje Rusisë: Zbato traktatin për armë bërthamore

15:50 Bota

ANALIZA: Brexit do ta dëmtojë Evropën, ç’mund të bëjmë për të shmangur sadopak pasojat

14:31 Bota

BE ngre alarmin: Kujdes nga sulmet kibernetike gjatë zgjedhjeve europiane

13:42 Bota

Zbulimi i jashtëzakonshëm në Mesdhe, që mund të nxisë skenarët e luftës

11:34 Bota

SHBA ofron 1 milion dollarë shpërblim për informacione rreth djalit të Osama Bin Laden

10:19 Bota

Sërish probleme me avionin qeveritar gjerman

11:13 Bota

Rasti “Bansky”: Arti i rrugës dhe e drejta e autorit

22:05 Bota

Salvini, pro rihapjes së shtëpive publike

21:50 Bota

Amerikanët fillojnë të mësohen me idenë e ngrënies së insekteve

21:35 Bota