"Kur shkarkohet Presidenti?"

Teksa e cilëson si një akt të paprecedentë dhe anti-kushtetues dekretin e Metës për shtyrjen e zgjedhjeve, Partia Socialiste ka njoftuar se të enjten në Kuvend do të nisë procedurat për shkarkimin e Presidentit.

Në studion e Top Talk ka qenë i ftuar Ulsi Manja, që ka folur pikërisht për këtë çështje. Ai u shpreh se Presidenti Meta ka shkelur nenin 90 të Kushtetutës dhe të enjten do të kërko përmes mekanizmit të hetimit Parlamentar të fillohë procedura për shkeljen e nenit 90 të Kushtetutës.

“Një akt i njëanshëm dhe që tregon se Meta është bërë palë me opozitën. Në vlerësimin tim. 

Çdo akt juridik që anashkalon Kushtetutën e vendit nuk çon ujë në qetësimin e situatës politike, por cenojnë rendë stabilitetin e politikës në vend. 

Zgjedhjet nuk janë tagër e partive, por garanci e qytetarëve për të drejtën për të zgjedhur. 

Presidenti mohoi pritshmëritë e ligjshme dhe kushtetuese të njerëzve për të votuar.

 Të enjten, Kuvendi do të zhvillojë një seancë me debat dhe në përfundim të saj do të ketë edhe miratimin e një rezolute, ku Kuvendi do të kërkojë nga organet publike garantimin e zhvillimit të procesit zgjedhor për në 30 qershor. dhe sigurisht do të kërkojë përmes mekanizmit të hetimit Parlamentar të nisë një procedurë për shkeljen e nenit 90 të Kushtetutës”, u shpreh Ulsi Manja.

Por kur shkarkohet Presidenti? “Presidenti i Republikës shkarkohet kur ka shkelur Kushtetuën dhe kur kryen një krim të rëndë. Ne mendojmë se marrja në mënyrë të dhunshme e një kompetence që nuk ta jep Kushtetuta, nuk e di se çfarë mund të shkelë më tepër. Pas zhvillimit të mocionit me debat, rezoluta që do të miratojë Kuvendi do t’i hapë rrugë edhe zbatimit të nenit 112 të rregullores”, sqaron Manja.

I pyetur se a i arrin mazhoranca votat e nevojshme për të shkarkuar Presidentin e Republikës? Ulsi Manja u përgjigj: “Ne si mazhorancë do ta ndërmarrim si veprim, por edhe grupet e tjera Parlamentare nuk kanë arsye përse të mos e votojnë. Nëse qëllimi final është garantimi i rendit Kushtetues dhe i Republikës, besoj se të gjithë do i bashkohen kësaj nisme”, u shpreh Manja.

Por instanca e fundit që deklaron shkarkimin e Presidentit, ose jo, është Gjykata Kushtetuese. Në situatën ku ndodhet sot Gjykata Kushtetuese është jofunksionale, e në studion e Top Talk, Ulsi Manja u pyet se si do të veprohet në këtë rast.

Ai shpjegoi se brenda korrikut, Këshilli i Emërimeve në Drejtësi mund të përfundojë renditjen e kandidatëve për në Gjykatën Kushtetuese.

Astrit Patozi: Qëndrimi i Metës për Bindjen Demokratike jo kushtetues por emocional, kriza një korrje e asaj që kanë mbjellur forcat e vjetra politike

16:48 Politika

A mund ta shpërbëjë Meta Parlamentin? Ulsi Manja: Ai ka marrë anë dhe mund të bëjë çdo gjë, me veprimin e fundit ç'dekretoi vetëveten

16:45 Politika

Të shkarkohet Ilir Meta!

17:28 Politika

Taulant Balla kërkesë Ruçit për mocion me debat: Akti i Metës i paprecedent dhe i pavlefshëm

16:30 Politika

Myslim Murrizi: Ç’dekretimi i zgjedhjeve shpikje alla-shqiptarçe e Metës, s'kam lexuar në asnjë rresht të kushtetutës fjalën "ç'dekretim"

15:38 Politika

KQZ rrëzoi Metën për zgjedhjet, reagon LSI: U vetëngarkuan me përgjegjësi të rëndë penale, do shkojnë në burg për Edi Ramën

15:31 Politika

"Zgjedhjet më 30 qershor", PD mbron Metën dhe sulmon KQZ: Shpërdoruan detyrën, shqiptarët s'kanë për ta pranuar kurrë

15:25 Politika

Detaje nga takimi me ambasadorët, Rama: Për dekretin vendos KQZ dhe Kolegji Zgjedhor, presidenti ka shpikur një nocion të panjohur në histori

15:11 Politika

“Meta hyn që hyn në burg për zhdekretimin e datës së zgjedhjeve, le të zhdekretojë dhe qeverinë aktuale që të përmbushë arsyen penale të burgimit të përjetshëm”

14:57 Politika

KQZ rrëzon Ilir Metën: Akti i presidentit është i pavlefshëm, zgjedhjet do mbahen më 30 qershor

14:23 Politika