Te fundit
Armand Duka hedh në sulm presidentët, Superiorja drejt bojkotit!
22 Janar 2020, 20:47Sport
TEMA
Disa nga presidentët e klubeve të Kategorisë Superiore kanë gjetur akordin për të bojkotuar ndeshjet e radhës në kampionat. Burime pranë Abc News bëjnë të ditur se vendimi është marrë si shenjë revolte për premtimin e pa mbajtur të Qeverisë për paketën financiare sportive.
Kampionati sapo ka rinisur në një kohë që rrezikon ndjeshëm të pezullohet. Sipas burimeve afër presidentëve të futbollit, në një rakordim të plotë të Ligës, pritet që fundjava të rrezikojë të shtyhet, pasi është menduar edhe mekanizmi i bojkotit, në shenjë revolte për premtimin e pa-mbajtur të qeverisë në drejtim të paketës financiare sportive për klubet e futbollit.
Pritet që këto dy ditë të ketë një vendim final nga ana e presidentëve në lidhje me vijimësinë e kampionatit, dhe në këtë pikë, parashikohet që të centralizohet pjesa e të luajturit futboll, deri në një reflektim të palës shtet karshi kërkesës së klubeve të futbollit.
Vendimi është menduar dhe në parim, presidentët e klubeve nuk do të dalin në fushë deri në një refleksion për të ri-parë edhe një herë çështjen e Ligjit të Sponsorizimit dhe amnistinë fiskale ku klubet janë të mbërthyera prej vitesh nga organet tatimore.
Konfirmim zyrtar në lidhje me një bllokim të mundshëm të kampionatit nuk ka ende, por mes presidentëve të klubeve ka një dakordësi që këtë të javë të mos dalin në fushë në ndeshjet e radhës të javës së 19-të të Kategorisë Superiore.
Idenë e bojkotit si një formë presioni për reflektim ka hedhur edhe presidenti Duka, por këtë radhë Liga dhe vetë presidentët kërkojnë të hedhin hapin e parë, duke parë që përgjigja e shtetit nuk ka qenë në pritshmëritë e tyre dhe aspak një premtim i mbajtur../
1 komente në “Armand Duka hedh në sulm presidentët, Superiorja drejt bojkotit!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duhet te paguajne taksaxhijte shqiptare qe te shpupuriset Armando Duka me ata qe lozin futboll. Futbolli sot eshte bisnes dhe taksapaguesit shqiptare nuk kane asnje detyrim te derdhin leke per ta. Eshte turp ne qoftese qeveria u jep qofte dhe nje lek. Le ta bojkotojne apo le ta shkrijne fare. Eshte krim sot te heqesh leke nga buxheti per ata qe duan te bejne qejf. Qeveria te mendoje per shkollat, rruget, driten elektrike, ujesjellesat qe i sherbejne taksapaguesve.