Te fundit
Epidemia e COVID-19 shtrenjton ushqimet
10 Prill 2020, 16:36Blog
TEMA
Indeksi i Çmimeve të Konsumit pësoi një rritje të pazakontë, veçanërisht te ushqimet gjatë muajit mars, duke sinjalizuar se shqiptarët mund të mos vuajnë nga Pandemia COVID-19 vetëm papunësi apo pushime të papaguara, por edhe shtrenjtim të jetesës.
Nga Gjergj Erebara
Indeksi i Çmimeve të Konsumit shënoi rritjen më të lartë në dy vjet gjatë muajit Mars, duke reflektuar shtrenjtimin e çmimeve të mallrave ushqimorë, më një kohë që pjesa tjetër e ekonomisë ishte e paralizuar.
IÇK u rrit me 2.1% në terma vjetorë, gati dyfish në krahasim me inflacionin e shkurtit që ishte në masën 1.2%. Çmimet e grupit të ushqimeve u rritën me 5.1% në terma vjetorë, nga 2.2% në shkurt. Të gjitha çmimet e ushqimeve kanë pësuar rritje por rritja ka qenë më e lartë te frutat, 24.3% dhe te zarzavatet, 8.2%.
Shqipëria ka pasur një normë të ulët inflacioni që nga viti 2010, por inflacioni ka qenë në nivele të papërfillshme që nga fillimi i vitit 2019.
Pandemia COVID-19 detyroi shqiptarët të mbyllen në shtëpi duke filluar nga mesi i muajit mars. Pjesa më e madhe e ekonomisë është paralizuar ndërsa vetëm sektori ushqimor duket se vijon si më parë.
Qeveria shqiptare urdhëroi ndalimin e rritjes spekulative të çmimeve si pjesë e masave të gjendjes së katastrofës natyrore ndërsa policia ka njoftuar disa operacione inspektimi. IÇK gjithsesi sugjeron se këto masa nuk kanë qenë shumë efikase.
Lini një Përgjigje
Më të lexuarat
24 oret e fundit
Javen e fundit
Blog Tema
