Shkencëtari Taulant bën gati zbulimin e ri shkencor për Chloroquine dhe Hydroxychloroquine

Ende pa u shuar jehona e punimit shkencor 103, shkencëtari Taulant ka bërë gati një studim të ri shkencor për përdorimin e  Chloroquine dhe Hydroxychloroquine, kundër COVID-19.

Pas debatit se si duhet të testohen këto dy ilaçe të propozuara për shërimin nga COVID-19, shkencëtari Taulant i ka hyrë punës dhe ka arritur në një përfundim të jashtëzakonshëm.

Nga studimet e tij të thelluara shkencore, ka arritur përfundimin se një ilaç, nëse nuk testohet tek një pacient, nuk është i sigurtë që të shëron.

Në këtë përfundim ai ka arritur fillimisht me intuitë, pastaj me disa eksperimente shkencore.

Një ditë i dhimbte koka dhe provoi hypobrofen. Dhimbja nuk i iku.

Provoi paracetamol, dhimbja i iku.

Nga aty arriti në përfundimin shkencor se nëse nuk e provon ilaçin e duhur, nuk mund t’i besosh atij që të shëron.

Ky studim ka për të tronditur mjekësinë shqiptare, e cila deri më sot nuk ka asnjë protokoll shkencor se si i provon ilaçet që përdor.

Sipas saj, e thotë një mjek që merr këtë ilaç, dhe farmacisti e jep.

Por duhet të një studim shkencor në këtë pikë, që të provojë se ti duhet të marrësh ilaçin e duhur.

Këtu farmacistët janë pa asnjë punim shkencor.

As shoferët e ambulancave nuk kanë shkollimin e duhur dhe mund të të vdesin rrugës.

Studimi pritet të dalë orë pas ore dhe ka për të qenë një shuplakë e fortë për qeverinë, e cila ka marrë përsipër të bëjë testin e disa ilaçeve për Covid-19.

Ky studim do të sanksionojë një herë e përgjithmonë se një ilaç duhet të jetë i testuar me prova shkencore që të shëron, ndryshe ai nuk të shëron.

Dhe kjo do të jetë tragjedi.

Studimin e tij ai ja ka çuar për konsultë dhe doktor Tritan Shehut, doktor Tit Vasilit dhe doktor Tit Vargut.

I pari i ka sugjeruar që për këtë është i nevojshëm një laborator privat, që e njeh Tritani.

I dyti ka sugjeruar që duhet një spital privat që e njeh ai, ndërsa i treti ka sugjeruar se duhet një pajisje Siemens që e ka ai.

Shkencëtari Taulant po mendohet se me kë të bashkëpunojë për të prezantuar përfundimet e këtij studimi, që pritet të trondisë jo vetëm Shqipërinë, por gjithë botën.

Shkencëtari Taulant publikon studimin mbi lëvizjen e lirë gjatë epidemisë

20:22 Antena

Doktori përgëzon shkencëtarin Taulant për studimin e fundit rreth vdekjeve për 1 milion banorë

20:06 Antena

Britania e Madhe kërkon të blejë një studim shkencor ende të papërfunduar nga shkenëctari Taulant

19:43 Antena

Presidenti i Zvicrës falenderon shkencëtarin Taulant për parashikimin e saktë të vdekjeve

19:15 Antena

Shkencëtari Taulant bën publik studimin e ri shkencor për distancimin social

19:54 Antena

Shkencëtari Taulant shpjegon pse deputeti Gjuzi nuk i kupton punimet shkencore

18:36 Antena

Shkencëtari Taulant ofron një zbulim të ri lidhur me dorezat

20:44 Antena

Shkencëtari Taulanti bën bilancin e punimeve shkencore

19:32 Antena

Një tablo sinoptike e COVID-19 nga shkencëtari Taulant

20:08 Antena

Mitingu i 2 marsit dekonspiron pjesmarrësit nga Shkodra

20:01 Antena