Te fundit
Bilushi i Metës dyshon tek qetësia e Bashës pas zgjedhjeve
8 Maj 2021, 19:42Antena
TEMA
Luli ka postuar sot një foto me gruan e tij nga Dhërmiu. Ndërkohë dhe Karmina po ashtu ka postuar foto nga Dhërmiu. Vetëm Ilir Meta ka postuar foto duke dhënë gjak.
Duke komentuar këtë situatë Bilushi i Metës shkruan:
Të dashur miq!
Qetësia me të cilën Luli dhe Zeni postojnë foto nga Dhërmiu tregon qartë se ata kanë bërë pazar me zgjedhjet dhe duan të më paralizojnë mua.
Është kjo arsyeja që unë i cili premtova se do derdh gjak për zgjedhjet, sot e kam kuptuar që ka qenë gabim dhe vendos atë jap gjakun që do derdhja për zgjedhje për të sëmurët talasemikë.
Është më mirë të shpëtojmë jetë njerëzish duke dhënë gjak, se sa të marrim jetë njerëzish duke derdhur gjak.
Për më tepër në një shoqëri ku kryetari i opozitës humbet zgjedhjet për herë të dytë dhe pastaj thotë “e treta e vërteta” , dmth ta lëmë ta provojë dhe një herë.
Qetësia me të cilin Luli e ka marrë humbjen, fotot e tij nga Dhërmiu dhe mos hapja e garës në PD, tregojnë se unë kam qenë i vetmi njeri i sinqertë në betejën për zgjedhjet ndaj tani më duhet të udhëheq opozitën.
I bëj thirrje Doktorit të mbledhë fëmijët në shtëpi dhe atë të vetin dhe atë që na ka dërguar në parti. Opozita nuk bëhet me rroba banje në Dhërmi por në krye të popullit opozitar.
Populli i 2 marsit po pret kushtrimin dhe unë nuk mund ta zhgënjej. Lul Bashën nuk e mund dot as Bujar Nishani as Bardh Kadilli, bile as Genc Pollo. Ai duhet t’i bindet popullit të 2 marsit dhe të vijë pas meje. Ndryshe do marrë dënimin e merituar.
Lini një Përgjigje
Më të lexuarat
24 oret e fundit
Javen e fundit
Blog Tema
