"Presidenti s'vepron me ushtri"! Ngjela: Nuk i takon Ilir Metës ta diskutojë legjitimitetin e Kuvendit

Në disa deklarata për shtyp përmes zëdhënësit të tij, Presidenti Ilir Meta ka deklaruar se nuk do ta njohë vendimin e Kuvendit duke e konsideruar atë “jokushtetues” pasi “është njëpartiak” dhe “nuk përmban 140 deputetë”.

I ftuar gjatë edicionit qendror të lajmeve në Euronews Albania, së bashku me gazetarin Aleksandër Çipa, Ngjela tha se Presidenti nuk mund të vërë në diskutim ligjshmërinë e procesit apo legjitimitetin kushtetues të Kuvendit, pasi këtë gjë e ka në kompetencë vetëm Gjykata Kushtetuese.

Ngjela ironizoi se kompetencat e Presidentit janë vetëm formale dhe ai nuk mund të dalë mbi Gjykatën Kushtetuese.

“Karakterin normal ose jo të një akti juridik, është apo jo në frymën e Kushtetutës e ka Gjykata Kushtetuese jo Presidenti […] do të ishte shumë i saktë nëse do të thoshte të presim Gjykatën dhe unë do të mbrohem në Gjykatë, kjo do të ishte normale për një President, por ne s’e dëgjuam të fliste kështu,” – tha Ngjela.

“Atje mund t’i paraqesë dyshimet, provat, apo logjikën juridike se nuk ka bërë shkelje,” – vijoi avokati.

Sipas Ngjelës shkeljet e pretenduara nga shumica socialiste duhet të dërgohen më pas në Gjykatën Kushtetuese për t’u shqyrtuar njëherë e mirë pasi “shkeljet e rënda duan si arsyetim vetëm arsyetimin e Gjykatës Kushtetuese”.

“Parlamenti është politik dhe nuk ka ndonjë përgjegjësi të madhe juridike,” – tha Ngjela, – “Herën e parë shumica socialiste nuk e kaloi në parlament pushimin [e Presidentit], këtë herë kam përshtypjen do ta kalojë, por nëse vendimin e shumicës e rrëzon më pas Gjykata Kushtetuese do jetë një vendim i rëndë për ta.”

Gazetari Eno Muja e pyeti avokatin Ngjela nëse përbëjnë shkelje vetëm deklaratat e Presidentit dhe Ngjela u përgjigj se “Presidenti mund të veprojë me deklarata, jo me ushtri”. Ai kujtoi se Presidenti ka bërë thirrje për dhunë.

Kadilli në Korçë: Basha zmadhon hilet e kundërshtarit dhe zbukuron dështimet e veta. PD do një lider që të frymëzojë

19:41 Politika

"PPP-të nisën në kohën e Berishës"! Arben Malaj: Ai po mban peng PD-në, koha që të lërë trashëgiminë

19:26 Politika

Çuni i Fahri Balliut bën "zbulimin" e madh: Ja çfarë fshihet pas lëvizjes së Ramës për të shkarkuar Metën

19:20 Politika

Agron Gjekmarkaj revoltohet me Ramën: Akademisë së Shkencave i duhen intelektualë si puna ime dhe Artan Fuga, jo nipi i Spiros

19:02 Politika

Tahiri vijon betejën me drejtësinë, caktohet relatori i ri i çështjes

18:18 Politika

"2021 filloi me raste të mëdha", Yuri Kim flet pas vizitës në SPAK: Askush nuk është mbi ligjin, të vendosur për t’i dhënë fund pandëshkueshmërisë

17:53 Politika

Sulmoi Bujar Nishanin, ish- deputeti i PD “dush të ftohtë” Bashës: Tipike komuniste, demokratët duhet të bëjnë “urraa” dhe të thërrasin “Basha! Basha! Basha!”

16:43 Politika

“Rihapni dosjen e Faik Murtaj”, djali i të vrarit të 21 janarit: Dosjen e tij ta hetojë SPAK

15:30 Politika

Lulzim Basha: Vëllezër e motra nuk dorëzohem pa mundur Edi Ramën, unë fitova thellë por ai më vodhi votat përmes masakrës zgjedhore

15:19 Politika

Komisioni Hetimor miraton raportin për shkarkimin, Braho: Meta ka rënë moralisht, s'ka qënë asnjëherë President

15:17 Politika