Dorëzimi i Berishës në gjykatë

Nga Mero Baze

Sali Berisha u dorëzua sot në Gjykatën e Tiranës, pasi provoi të merrte një herë me forcë selinë e Partisë Demokratike. Pas dështimit në seli dhe më pas reagimit të fortë diplomatik të Uashingtonit, i cili vlerësonte se Berisha nuk përfaqëson popullin shqiptar në sulmet ndaj ambasadores së SHBA, ai sot dërgoi letrat e prodhuara në stadium, për t’u certifikuar në gjykatë, dhe për t’u dukur akoma i fortë, dërgoi dy gratë që i kanë mbetur në derë, në selinë e PD, me shpresë që të dukej më i butë.

Dorëzimi i Berishës në gjykatë është një moment i rëndësishëm, që tregon se ai gjeti të gjithë shtigjet e mbyllura nga rrethimi ku ka futur veten me betejën false me Lulzim Bashën, në vend të betejës me SHBA që ka në mendje.

Votimi i vetëthirrur i Berishës ditën e shtunë, është qesharak, pa marrë ende një vendim gjykata për fatet e letrave të stadiumit. Edhe sikur Xhin Xhonin të çosh gjykatës, vështirë se ato letra ti legjitimon njeri, pasi ke një kuorum të paverifikuar nga askush, me një mungesë transparence totale, me gazetarë të nxjerrë jashtë stadiumit për të mos parë as formalisht procesin dhe mbi të gjithë, me një votim unanim për çdo kërkese si me qenë parti e Enver Hoxhës.

Por pavarësisht kësaj, duke mos paragjykuar vendimin, është qesharake të bësh “referendum” të shtunën, kur hedhja poshtë e atyre letrave të stadiumit nga gjykata hedh poshtë gjithçka.

Tani i gjithë procesi i mëpastajmë, përfshi dhe referendumin e vetëshpallur të datës 18, ai do të duhet t’ia nënshtrojë gjykatës. Deri atëhere, Berisha po përpiqet të mbahet duke provokuar selinë me dhunë dhe duke linçuar drejtues të PD që flasin kundër tij, përveç Bashës.

Përpjekja e Berishës për të mbajtur hapur linjën e dhunës mbi PD, duke dërguar herë pas here delegacione si ky i sotmi, tregon se ai po përgatitet të marrë vendim negativ nga gjykata dhe pastaj ta vazhdojë revolucionin me sulme të here pas hershme mbi seli, duke  gënjyer militantët se partia është selia.

Dhe kështu mund ta shtyjë deri nga marsi.

Pastaj kur t’i vijë dita të zgjidhet, do ta shtyjë përsëri se nuk ka marrë selinë dhe letrat nga gjykata, dhe kështu do të vazhdojë.

Nga ana tjetër, Berisha po përpiqet të linçojë drejtues të PD që po guxojnë të kundërshtojnë atë publikisht. Kështu bëri sot me zëdhënësen e PD, duke i përmendur familjarë të saj, për të cilët në fakt duhet të konsultohej më parë me të birin, se mund t’i hapi telashe pa dashje. Minimumi mund t’i humbasë disa dhjetëra hektarë tokë në emër të të tretëve.

Duke linçuar drejtuesit e tjerë të PD që flasin kundër tij, ai po përpiqet ta rrethojë Luzlim Bashën që të jetë zëri i vetëm kundër tij. Por në fakt, kështu po e zgjeron më shpejt se duhet rrethin e njerëzve që po bëjnë betejë personale me të. Ai thjesht po u nxjerr turpin dhe po i bën më trima se ç’duhet.

Ndaj përpjekja e tij për të bërë si i fortë ka marr fund. Sot revolucioni i tij është dorëzuar para gjykatës dhe s’ka shanse ta fitojë. Pas revolucionit është radha e tij.

Përpjekja amerikane për të ndarë Sali Berishën nga populli shqiptar 

18:31 Editorial

Pse e humbi qetësinë Sali Berisha?

18:02 Editorial

Vdekja politike e Sali Berishës

18:10 Editorial

PD e Berishes, si BMW-ja ime pa letra

16:42 Editorial

A do të ketë sukses një kryengritje anti-amerikane në Shqipëri?

18:43 Editorial

SHBA nxorri jashtë ligjit “Foltoren” e Berishës më 11 dhjetor

18:19 Editorial

Paralajmërimi i SHBA, jo vetëm për Berishën, por dhe mbulesat financiare të tij

18:27 Editorial

Sa herë që ai ka pasur pushtet, është sjellur njësoj

20:18 Editorial

Karshilliku ndaj SHBA si alibi për thellimin e ndëshkimit

18:36 Editorial

Për të gjithë ata që duan të “zbojnë” Lulzim Bashën nga PD 

18:06 Editorial