Te fundit
Muli diskuton gjithë problemet që mund të vijnë nga emri i Ilir Metaj
19 Prill 2023, 19:05Antena
TEMA
Sot Muli pati një debat të madh me Lelon rreth mënyrës se si duhet ta bëjnë fletën e votimit që Metaj të mos i pengojë.
-Ideja të heqim emrin Ilir dhe të vëmë të Doktorit është ide e mire, tha Muli.
Kështu të paktën demokratët janë më të qartë kë të votojnë.
-Problemi është se Doktorin duhet ta zgjedhim kryetar të Partisë së Lirisë, tha Lelo.
Dhe pastaj do tallen këta të qeverisë, do thonë “Doktori është burri i Monikës.”
-Doktori për ndonjë gjë tjetër është dëgjuar, por për nder i marrin të keqen, tha Muli.
Nuk ja zë goja njeriu ta thotë atë.
Por një zgjidhje duhet ta gjejmë.
Ose t’i heqim siglat fare.
-Hajde dëgjo Ed Ramën pastaj, të thotë sipas popullit “Ju shoftë emri”.
D.m.th që na u zhduk emri fare.
-Po cili është propozimi yt, tha Muli?
-Unë mendoj se duhet të gjemë një zgjidhje të ndërmjetme, tha Lelo.
Të ndërrojmë emrin e koalicionit. Dhe ta quajmë “Koalicioni Berisha”.
Kështu që le të ngelet “Koalicioni Berisha” me kryetar Metën.
Kështu ka kuptim. Këtë nuk na e ndalojnë dot.
E quajnë si të duash koalicionin.
-Si nuk na shkoi mendja më pare, tha Muli.
Kjo qenka zgjidhje fantastike. Dhe e vërtetë.
-U thashë që në fillim, tha Lelo, por nuk më dëgjuat.
Berisha nuk është emër njeriu, është institucion.
E kam thënë dhe tek poezia për te.
Tani na latë dhe pa institucion, dhe pa emër.
-Jo mo emër kemi, po e kemi të keq, tha Muli.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
-Jo mo emër kemi, po e kemi të keq, tha Muli.kjo eshte perla per kete vit. MERO BAZE je gjigand