Në kafenë e sotme me Lelon, Muli kishte temë bisede sulmet që po bëhen ndaj financimit të mitingut hapës të fushatës.
E vetmja gjë që kishte konstatuar ishte se po kërkonin llogari dhe këta të PD së vulës, dhe këta të qeverisë.
-Duhet t’i sulmojmë fort në këtë pike, tha Muli, që ata kanë të njëjtat shqetësime.
-Unë mendoj se nuk ka shumë sens, tha Lelo.
Dihet që të dy janë kundërshtarët tanë dhe natyrisht të dy do sulmojnë.
-Po pse njëri thotë 100 mijë euro e tjetri 200 mijë, tha Muli?
-Po këta të PS merren vetë me atë punë dhe i llogarisin shpenzimet tha Lelo, ndaj thonë 100 mijë.
Këta të PD kanë zakonin tonë të vjetër, i shumëzojmë pak.
Por duhet të gjejmë dikë nga nivelet e dyta ta thotë.
-Zonja Karo e qan këtë, tha Muli, dhe e thirri menjëherë.
Filloi t’ia shpjegonte.
-Do të bëjë Lelo një tekst, ku do krahasojë pse dhe PD dhe Veliaj sulmojnë mitingun hapës për shpenzimet.
-Ua, po pse çfarë u duhet atyre sa shpenzojmë ne, tha zonja Karo.
-Po hë pra, duan të dinë sa lekë merr ti për shembull, tha Muli.
Si mund ta bëjmë ne këtë, të tregojmë të dhëna personale.
-Ua, po kjo është skandal.
Po unë kam pas marrë shume herë më tepër më parë se tani.
Kjo qenka skandal. Ç’punë kanë ata me lekët tona.
Ne mezi i gjejmë ato lekë nga demokratët e ndershëm dhe kursimet e tyre në vite.
Këta duan të fusin hundët aty.
-Po pra, tha Muli. Këtë nuk do ta lejojmë se po e lejuam këtë, do na nxijnë jetën gjithë fushatën për çdo shpenzim.
Kur shkruan ti, ata nuk guxojnë më të hapin gojën, se e dinë që ti s’ke pas problem për lekë kurrë.
-Unë se kam ditë vet asnjëherë sa e kam as rrogën.
Si mund të di sa lekë shpenzohen në një miting, Ky është skandal.
Lini një Përgjigje