Te fundit
Muli në ankth për bisedën e Escobarit me Ilir Metën
12 Prill 2023, 17:57Antena
TEMA
Pas takimit të Escobarit me Ilir Metën, në selinë e SHQUP kishte rënë një heshtje e thellë.
Askush nuk guxonte të pyeste se si kishte shkuar takimi, pasi kishin frikë se merrte vesh Doktori që këta interesohen për një amerikan.
Muli e thirri Lelon jashtë selisë për të diskutuar për këtë çështje.
-Mu duk shumë i nxirë në fytyrë Meta pas takimit, i tha Muli.
-E ka atë ai dreq, nuk e fsheh dot emocionin.
-E pyeta se çfarë diskutuat, por nuk më tregoi.
Janë punë të mëdha këto, tha. Nuk janë për biseda tavolinash.
-Ndoshta ja thotë Doktorit, tha Lelo.
-Jo, në asnjë mënyrë. As guxon t'ia hapë atë muhabet.
Si mund t’i tregojë ai Doktorit se çfarë i kanë thënë amerikanët.
Sikur nuk e di Doktori se çfarë i kanë thënë.
-A mendon se e kanë pyetur ku i gjeni lekët për fushatë, tha Lelo?
-Po le ta pyesin. Dihet që ne na ndihmon populli, tha Muli.
Populli ka besim tek ne, i sjell lekët në seli, ne kemi besim tek Zeni, ai i administron dhe na financon fushatën. Kaq është.
-Po pra po. E kemi arsyetimin, tha Lelo.
Por pyeta se çfarë mund të ketë pyetur ai në takim.
Po mund ta ketë pyetur dhe për kët sloganin tonë: “E ardhmja në duart tuaja”, tha Lelo.
Amerikanët dyshojnë se ky slogan nën siglën e LSI ka kuptim të rrezikshëm, pasi dihet që këta të LSI kanë dorë dhe vjedhin.
-Nuk besoj, tha Muli. Ajo është një thirrje e sinqertë, që u themi qytetareve që jemi në dorën tuaj tani, ndryshe na fshiu Amerika.
Dhe ata do na mbështesin.
-Epo ishalla s'ia ka thënë këtë Escobarit, tha Lelo.
Më të lexuarat
24 oret e fundit
Javen e fundit
Blog Tema
Lini një Përgjigje