Te fundit

Muli informon Lelon për takimin Meta- Berisha 

18 Prill 2023, 18:50Antena TEMA

Takimi i sotëm mes Doktorit dhe Metës u cilësua historik nga Muli.

Ai vinte dy ditë pas hapjes së fushatës në stadium dhe incidentit që ndodhi me pjesëmarrjen.

Lelo, i cili nuk ishte pjesë e takimit, ishte shumë kurioz për çfarë u bisedua.

Muli filloi t’ia shpjegoj në detaje.

-Meta hyri brenda de Doktori ishte ulur.

Kur hyri Meta lëvizi nga vendi dhe i dha dorën. Kjo ishte shenjë e mirë.

Meta hyri i buzëqeshur dhe bërtiti fitore, fitore.

-Të përshëndes, i tha Doktori.

A, kemi bë një gjë të madhe në stadium. Janë tërbu.

I ke pa si janë tërbu. Janë tërbu nga pjesëmarrja e lartë.

Kanë menduar se nuk do ketë pjesëmarrje.

-E vërtetë, tha Meta. Shumica e njerëzve rrinin jashtë stadiumit.

Gjithë Tirana, gjithë klubet ishin plot me demokratë, se nuk e dinin që kishte vende në stadium dhe e shikonin në klube. Ky ishte problem.

-E di, tha Doktori. Më kanë telefonuar nga çdo qytet i Shqipërisë.

Duam të nisemi në Tiranë më thonin, por s’ka vende në stadium.

Mos u nisni, u thosha. Ka plot demokratë këtu.

Madje dhe kur fola unë donin të hynin brenda në stadium, por dhashë urdhër të mos hyjnë se do dukej sikur vinin për mua.

E rëndësishme ishte që në Facebook-un tim e kanë parë 500 mijë veta.

Ata janë pjesëmarrësit realë.

-Kjo është e vërtetë, tha Meta. Dhe tek Facebook-u im e kanë parë shumë vetë. Ishte fitore e madhe.

Po të mbeldhim aq sa kanë parë në Facebook, na bëhen rreth një milion vota. Do ta shkatërrojmë.

-Lere se kemi bë gjë të madhe, tha Doktori. 

Harrova të të pyes, do kafe?

-Jo jo, se piva. Erdha vetëm të të uroj. Dhe iku.

-Paska qenë bisedë interesante, tha Lelo.

Mund ta kishin bërë dhe në Facebook.

Lini një Përgjigje

Më të lexuarat

Blog Tema

Powered by Tomorrow.io