Te fundit

Muli po heton kush e gënjeu Doktorin me videon e qumështit

7 Korrik 2026, 19:33Antena TEMA

Doktori sot postoi një video ku fermerët e Kosovës i derdhin qumështin para Ministrisë së Bujqësisë pasi Albin Kurti urdhëroi mbylljen e një fabrike qumështi të Kosovës. Protestuesit e akuzojnë se kërkon t’i lërë treg të lirë qumështit që vjen nga Serbia.

Doktori e postoi sikur qumështi derdhej në Tiranë.

-Duhet ta gjejmë kush e gënjeu Doktorin i tha Lelos. Kjo është dhe përgjegjësia jote se ti e mbulon shtypin.

-Nuk kam çfarë t’i bëj tha Lelo. Herë pas here ai bën me kokën e vet pa më pyetur mua. I kam tërhequr vërejtje por nuk përmirësohet.

-Mendoj se mund ta kenë bërë ata të Albinit tha Muli. Ndoshta kanë dashur t’i tregojnë se ja çfarë i bën Edi Rama Albin Kurtit. Po përpiqet t’i organizojë dhe këto protesta në Kosovë kundër tij.

-Ndoshta tha Lelo, por ata mund ta kenë bërë duke menduar se ky gjest mund të bëhet vetëm ndaj Edi Ramës, dhe ia kanë postuar videon Doktorit.

-Na duhet ta identifikojmë tha Muli, pasi kjo mund të jetë një përpjekje për ta barazuar Edi Ramën me Albinin, me qëllim që të frenojë ardhjen e protestuesve nga Kosova.

-Duhet të shikojmë dhe ndonjë pistë tjetër tha Lelo. Kam dyshimet e mia për këta drejtuesit e protestës që janë të trembur se po ua marrim protestën. Duan ta paraqesin Doktorin si të rrjedhur që nuk mund të udhëheqë protestën e tyre.

-Edhe kjo duhet hetuar tha Muli. Nëse kjo është e vërtetë atëherë duhet t’u tregojmë vendin që meritojnë. Se kjo përveçse dekurajon shokët tanë nga Kosova, kërkon të denigrojë dhe Doktorin sikur ka rrjedhur.

Lini një Përgjigje

Më të lexuarat

Blog Tema

Powered by Tomorrow.io