Muli zbulon se si Luli fiku protestën e tifozëve holandezë 

26 Maj 2022, 19:05Antena TEMA

Pas mbarimit ë finales së madhe në Tiranë, Muli priste që më në fund tifozët holandezë të bënin atë që pritej.

Të rrethonin Kryeministrinë, t’i vinin flakën, të rrihnin policinë e Edi Ramës dhe pastaj të shkonin poshtë pallatit të Doktorit e t’i kërkonin falje teta Lilit që i lagu me ujë duke thirrur, “Komandant ti je, b*th*ira jemi ne”.

Por si për çudi nuk ndodhi asgjë.

Tifozët kokulur morën “Rrugën e Elbasanit” dhe shkuan tek stacioni i autobusëve, duke u nisur për Rinas.

Çfarë kishte ndodhur?

Muliz zbuloi sot se e gjitha ishte një skemë bashkëpunimi mes Lulit dhe Edi Ramës:

“Meqë policia e Edi Ramës është e lidhur me trafikun e drogës dhe kontrollon portin e Roterdamit, Luli u ka shitur policëve shqiptare të dhënat e huliganëve të Roterdamit që ishin në stadium.

Policia i ka kontaktuar dhe ka bërë marrëveshje me ta, që në të ardhmen bashkëpunimi mes tyre të jetë institucional dhe të mos i lënë më paratë rrugëve si në rastin e “Toyota Yaris”, ku Taluant Balla dhe Lul Basha humbën 3,5 milion euro.

Huliganët janë ndjerë të kënaqur me pazarin dhe kanë siguruar policinë se do ndihmojnë njëri- tjetrin.

Duke eksportuar krimin e drogës nga Roterdami në Tiranë, Luli kërkon t’i bëjë nder Edi Ramës duke hequr kushtin e Holandës kundër Shqipërisë.

Kështu Holanda do pastrohet nga krimi dhe ai do vijë në Tiranë, kurse ne do vuajmë pazaret e drogës mes Edvin Ramës, Lulit dhe mafias holandeze.

Nga ana tjetër djemtë tanë në Holandë do ngelen pa punë dhe do vuajnë për bukën e gojës, pasi punën do t’ua marrë mafia holandeze.

Ky pazar i ndyrë u bë i gjithë që Edi Rama të dilte faqebardhë në Tiranë dhe të lavdërohej në botë, në kohën kur uragani i opozitës po ngrihet kundër tij dhe kundër gjithë botës, nën drejtimin e Doktorit.

Besëpreri tregoi fytyrën e tij, por ne do të tregojmë tonën”.

1 Komente

  1. N
    Nul Noka

    hahahaha me lot

    Lini një Përgjigje