Te fundit
Letër lexuesve të Temës
24 Shkurt 2026, 20:19Blog
TEMA
Nga Adrian Thano
Im bir më tregoi sot komentet poshtë shkrimit tim këtu në Tema, një opinion i thjeshtë, skeptik ndaj entuziazmit për fjalimin e Kryeministrit në Uashington.
Sharjet nuk më shqetësojnë. Jam mjaftueshëm i bindur në atë që shkruaj. Ajo që më bëri të ndalem ishte diçka tjetër. Te disa kishte zhgënjim të sinqertë: Si ka mundësi që unë, një kritik i Sali Berishës prej gati 30 vitesh, të "shaj" Edi Ramën?!
"Je bërë me Berishën. Rama kaq kishte në dorë kaq bëri" - ishte fryma e reagimeve për fjalimin e brohoritur.
Por ne kemi brohoritur edhe më parë. Brohoritëm dikur në Beograd për një fjalim që dukej po kaq "i fortë". Rezultati? Ata që nuk brohorasin shumë lëvizën të tjera fije. Sot në Hagë gjykohen krerët e UÇK-së.
Brohorasim sa herë Kryeministri “i tërbon grekët” me ndonjë deklaratë në media. Por ndërkohë, çështjet strategjike me Greqinë, vazhdojnë rrugën e tyre, zakonisht jo në favorin tonë
Duhet të mësojmë ta ndajmë emocionin nga realiteti. Fjalimet frymëzojnë, por interesat shtetërore janë të shtrira në kohë dhe kërkojnë shumë më tepër se duartrokitje dhe eufori. Mbrojtja dhe zhvillimi i tyre nuk janë çështje talenti filologjik që Kryeministri e ka me shumicë. Janë çështje force institucionale, strategjie afatgjatë, punë shërbimesh inteligjente, vendimmarrje ekipesh, negociata larg bliceve, derisa shkojnë drejt një produkti final. Ky shtrihet përpara e pas Ramës, nuk ka të bëj vetëm me të.
Pilërisht ky "finali" na mungon ne. Prej 30 e kusur vitesh. Shkurt, na mungojnë rezultatet.
Gjithsesi, e kam thënë dhe e përsëris. Nëse ai fjalim apo vetë Bordi Trump prodhon rezultat konkret, nëse ndikon realisht në çështjen e ish-krerëve të UÇK-së apo në ndonjë interes tjetër madhor kombëtar, do jem i pari që do kërkoj ndjesë për skepticizmin tim.
Deri atëherë, ky skepticizëm nuk është armiqësi. Unë e shoh si përgjegjësi, madje si detyrë publike. Nuk ka si të ketë lidhje me ndonjë pozicion partiak.
Në këtë pikë, ku komentuesit e Temës më përmendin Berishën, - dmth u bëra berishist unë, pse i përmenda Ramës, këtë apo atë, mbi të gjitha korrupsionin - dua të ndalem pak më gjatë, duke shpresuar t'i shkohet në fund këtij leximi para se të nisin "sharjet" për mbiemrin.
Në Shqipëri nuk kemi dy pole politike. Kemi një trup të vetëm me dy koka që ushqehen nga i njëjti stomak ekonomik. Sa më shpejt të kuptohet kjo gjerësisht, aq më mirë do jetë për të gjithë. Madje unë besoj se do jetë mirë edhe për vetë ata që e kanë krijuar këtë sistem.
Ai nuk ka rënë nga qielli. Është vizatuar dhe rivizatuar në 1990 dhe në 2008. Tani është ngjyer mirë me bojën e interesave reciproke. Për të mbijetuar, duhet ushqyer publiku me një përrallë që ka dy autorë, por vetëm një qëllim.
Po e them shkurt: Edi Rama nuk e ka kundërshtar Sali Berishën. E ka ortakun më të madh në biznesin e mbajtjes së pushtetit. Jo rastësisht e ka shndërruar në "gogolin" e tij personal. Sa herë që qeverisja fillon e mban erë, sa herë që skandalet financiare nisin e bëhen të padurueshme, ai nxjerr nga sirtari i kujtesës kolektive fytyrën e "të shkuarës". I thotë atij votuesit që ende beson: "Më shikoni mua, se po nuk isha unë, vjen ky!".
Kështu, frika nga e kaluara bëhet siguracion jete për të tashmen e korruptuar.
Ata e kanë krijuar vetë këtë rreth vicioz ku nuk ka dalje, sepse të dyja kokat e dinë që nëse bie njëra, tjetra nuk ka më arsye ekzistence.
Këtë e dëshmon shumëçka në Shqipërinë e sotme, madje edhe vetë skenat e fundit që na shiten si 'revoltë popullore'. Hidhen molotovë natën, mbi mure të ftohta, në zyra ku nuk ka njeri. Kjo dhunë "estetike" nuk synon të rrëzojë pushtetin, por synon të mbajë gjallë iluzionin e një lufte që nuk ekziston.
Sepse në prapaskenë rregullat e lojës mbeten prej çeliku. Ato kanë të bëjnë me pushtetin real, pushtetin ekonomik. Ky pushtet në Shqipëri nuk është as i majtë, as i djathtë. Është thjesht fitim.
Oligarkia që lindi nën njërën kokë, sot është rritur me tjetrën dhe është bërë oksigjen për të dyja. Janë të njëjtët emra të majmur mirë, të njëjtat financime, leje e licensa që kalojnë në po ato duar. Kjo është simbioza e vërtetë.
Viktimë je ti, jam unë. Edhe vetë ata që vërvitin 'molotovë' (çudi sa shpejt lirohen). Edhe polici që e urdhërojnë të qëndrojë mes flakëve.
Kjo është pjesa më e dhimbshme. Njerëzit si ti, që e duan këtë vend, janë burgosur brenda kësaj narrative më shumë se 30-vjeçare. Ushqehen çdo ditë me urrejtjen për "anën tjetër", pa kuptuar që ato llogore janë gërmuar nga të njëjtët njerëz.
Ata nuk dalin dot përtej gardhit, sepse sistemi u ka instaluar një kujtesë selektive. U kujton krimet e Saliut që të pranojnë vjedhjet e Edit, ose u kujton arrogancën e Edit që të pranojnë marrëzinë e Saliut.
Sistemi mirëmbahet përmes zhurmës. Ndaj në ekrane ditë e natë hidhen e priten shkëndija "revolucioni", akuza për tradhti kombëtare, heqje zvarrë, kusira, tenxhere, e më the të thashë.
Është një lojë e ulët ku populli bën tifo për njërën kokë, ndërkohë që trupi vazhdon i gëlltit të ardhmen e fëmijëve. Kështu do vazhdojmë derisa ta kuptojmë se nuk po zgjedhim mes dy rrugëve, por po rrotullohemi brenda të njëjtit bark.
Sidoqoftë, prova finale që janë një trup i vetëm, do të vijë nëse një i tretë do të arrijë t’i sfidojë seriozisht. Nuk e di nëse do ndodhë apo kur. Por le ta supozojmë. Nëse një forcë e re politike do arrijë të ngrihet vërtetë si frymë, do të shikojmë se si këta "armiq të betuar" do dalin hapur. Do bëhen bashkë.
Nuk është se nuk e kanë bërë. E bëjnë edhe sot duke u rreshtuar në një front të heshtur kundër SPAK-ut. Por këtu po flas për heqjen e maskës.
Do dalin bashkë në një ballkon, në një podium, në një koalicion politik. Hapur. Për të mbrojtur veten nga ndryshimi.
Madje do na thonë pa u skuqur fare se "kështu e kërkon interesi i vendit".
Do t’u besoni edhe atëherë?
80 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Peseri ke gabuar me duket sikur e ka shkruar Lela i Saliut. Ti nuk te zhqënjen por futesh nëpër labirinthet mediatike te mendjes tënde kur opinoni personal ështe rrugë e drejtë pa kthesa dhe pengesa ndaj yt birë te mos mërzitet se po degradon babai. Mosha bënë të sajën por mos e mbyll karrierën me mllefe idioteske kundër qeverisë ...natyrisht Ramës sepse është fare lehtë që te fitosh urrejtje mjafton të dalësh në taracë dhe të shajsh nga nëna çdo kalimtarë pa të patur borxh askush
Zoti Thano; "Po e them shkurt: Edi Rama nuk e ka kundërshtar Sali Berishën. E ka ortakun më të madh në biznesin e mbajtjes së pushtetit. Jo rastësisht e ka shndërruar në "gogolin" e tij personal. Sa herë që qeverisja fillon e mban erë". Zoti Thano, kjo qe thua eshte nje gafe teper e madhe kafenesh, ose te themi me mire, "i biem shkurt e i fusim te gjithe ne nje thes"! Po pse Edi Rama i tha Sali Berishes qe te bente bisnes per te birin ne Gerdec? Ai e keshillonte Argjiten se sa perqind t'u kerkonte bisnesmeneve vendas apo te huaj! Edi Rama e shtyu Saline qe te bente katrauren e 1997? Zoti Thano, Berishen e kthehu ne Gogol te popullit shqiptar ai Spaku qe edhe ti audhuron, mbasi nuk e ka vene para pergjegjesise penale per krimet e llahtareshme qe Ka bere ne keto 35 vjet dhe biles familjarisht! Kam pas respekti per ju, po tashme Jo, mbasi po e ulni veten ne nivelin e kafeneve te militanteve oportuniste!
Nje pyetje per ju Z Enver : Po per ti hequr IMUNITETIN , PS—ka te gjitha mandatet ne kuvend me ne krye Ramen apo kryetaren e kuvend it Spiro-Pali , nuk e ben dot ? Po per te hequr nga puna si pedagoge e Universitetit Shteteror drejtesi hajduten matrapazen non-grata te bijen e kriminelit Argita nuk ka mundesi ? Per me teper nga dora e asaj dalin tere ata juriste te koruptuar me ideollogjine qe mbjell ? A nuk themi SPAK i kapur nga berisha ? Ta pushoj nga puna , pse te pa koruptuarit pushohen kollaj dhe bredhin neper dyert e gjykatave te gjykohen nga keta jurista qe prodhon Argita e kriminelit beriasha duke i instruktuar sipas ideollogjise se babes vete duke pritur nga 7 vjet tu vije radha ne Apel edhe pse e kane fituar te drejten ne shkalle te pare ? Te mos themi per gjyqet e pronave , po vdesin dhe spo arin dita e gjykimit te marin ate qe kane fituar ne shkalle te pare , e plote e plote probleme sociale qe skane te sosur te popullit nga adminitrata e kesaj qeverie ? Eshte bere si loje me kungulleshka kjo periudhe qe pas 90-tes deri me sot ???? Rama ka detyrim te vendos piken mbi I ? Thano me te drejte ka vleresuar situaten nuk e hedh posht Ramen por ben kritika me vend , duam apo sduam ne ...!!!
Mos prit pergjigje nga Enveri/Enveret. Eshte e kote. O jane te paguar, o jane te tredhur/shthurrur nga trute e kokes. Perpiqet Thano me argumenta shume bindese, perpiqesh ti me pyetje shume te sakta qe tregojne hapur qe Thano ka te drejte, do perpiqesha edhe une por rezultati mbetet i njejte: te luash shah me pellumbin, ai do rrezoje gjithe figurat, do leshoje glasat ne fushen e shahut dhe do te largohet me koken lart, i bindur se e ka fituar lojen. Shqiperia ndaj eshte ketu ku eshte, sepse shumica kane tru aq sa pellumbi.
Zotni, imuniteti i hiqet per 5 minuta, por problemi eshte qe Spak nuk ka paraqitur asnjehere kerkese per Saline, mbasi nuk i heton krimet e tij. Ne komentin tim theksoja qe ne asnje menyre nuk mund ti vihet faji Edi Rames per ekzistencen e gogolit Berisha, analisti mbi te gjitha duhet te jete serioz, nese Spak do ta bente detyren e vet me perkushtim patriotik, nuk do kishte Zot qe ta shpetonte Saline e jo me Edi Rama. Pra nese kemi ndershmeri gjerat duhet ti themi ashtu sic jane, mbasi nese deformojme realitetin, i japim nje alibi edhe Spakut!
Nese SPAK do ta bente detyren e vet me perkushtim PATRIOTIK “ gazetari Adrian Thano nuk kishte pse lodhesh te bente kete ANALIZE , uji do te shkonte ne rjedhen e vet Z Enver dhe skish nevoje per gjithe keto komente ??? Mos u trego i nje aneshem se eshte ne demin e ketij populli dhe brezit qe po edukohet ne menyre te pa- moraleshme me te gjitha llojet e veseve , kur ne vend te ketyre veseve primare duhet te jete te edukohet me pune dhe mesim te nivelit te larte ? Mos flasim per shendetesine se ka plot per te thene ? Duhet mobilizim nga te gjithe strukturat pe verteti dhe jo sa me la gojen ! Nuk ja hedh njeri punen posht Rames por duket edhe nje loje e paster , ka te drejte Thano , mos te vij keq ty se me pare na vjen keq ne pensionisteve qe i kemi besuar duke i dhene voten , edhe pse kemi REZERVA ????
Ok, eshte ashtu si doni ju e Zoti Thano, Edi Rames pervec te metave e fajeve te tija qe jane te shumta, ti ngarkojme edhe ate te gogolit, keshtu ta leme rehat ate gogolin mbasi nuk mban me nga pleqeria! Paci jete te gjate e halle me pak!
O @Enver ,si nuk e paske marre veshate qe Sali gerdalla e perserit disa here ne dite para kamerave, duke ju drejtuar Edi Rames me fjalet ` . . . TI JE ARMIKU IM DHE UNE JAM ARMIKU YT. . .?! Dikur thoshte JEMI OPOZITARE, POR VELLEZER !
Kush eshte ky shkruesi?! Nuk me thote gje si emer, pse duhet t'a shaje! Vazhdo jeten o njeri, pasi do kerkoje mend gjetke, por jo nga ti.
vazhdo gjumin bac,vazhdo!!moshën e ke!
Futja pordhes !!!! Te ka hyre vehtja ne qefe! Ti do te besojne njerezit qorrazi... Merr fryme...pusho dhe mendo
I nderuar Thano. Une besoj se ju me mire se kushdo e kuptoni faktin se politika shqiptare eshte blokuar, ndalur ne nje ngrec I cili ka emrin e kriminelit Sali. Vertet mendoni ju se mund te merret serjozisht nje politike e cila I ka vene te gjitha baterite e saj, ne zgjidhjen e ngercit.? As politika, as drejtesia, as ekonomia nuk mund te funksionoje pa u zgjidhur ngerci I ketij feudali te pangopur. Te tjerat qe ju I numuroni mjeshterisht, jane: rrime qe rrime e shkruajme nje karte
Fjale, fjale, fjale papushim, asgje ne thelb! As nendim, as kuptim!
Sakte, bukur, qartë!!
Gabim apo dashakeqësi e qëllimëshme sulmi ndaj këndshikimit të problemeve, fjalimeve,reklamës, realitetit, etj në vendin tonë nga z.Thano. Eshtë për t’u admiruar.
Shabe, ke gjithe te drejten e Zotit t'a admirosh, kush te ndalon?! Per sa me takon nuk me thote asgje si emer por edhe kontribut. Kjo nuk me fajson besoj.
të mos kuptosh është e drejta e njeriut!!kur i ka mundësitë!?quhet injorancë!kur nuk i ka mundësitë!?nuk është faji i tij!!
Ke shume te drejte Thano , mese e vertete ajo qe ke shkruar ? Qe te dale nje i trete besoj se do shume kohe , populli gjithmone i humbur ..!!!
"Qe te dale nje i trete besoj se do shume kohe" është e mundur,por më shumë është e pamundur!!përrveç"big bang",asgjë tjetër nuk ka dalë nga hiçi!!po i bëhet publicitet një kalamani,shqipo nacionalist të lindur në itali dhe që ka shkuar të studiojë në hollandë!!një kalama me trutë e pjerdhur deri në palcë që flet sikur ti kishte prerë kërthizën mithat'hatit,skarcitetit të familjes frashëri!!pra një kalama që megjithëse është lindur në itali,ka pasur të gjitha mundësitë të krijojë një dije sa më të hapur dhe më tolerante,ai sa herë që flet të kujton një banor të Momlit!pra të atij katuni që është aq larg me qytetërimin dhe dijen sa vetëm në mënyrën figurative përdoret!!si ka mundësi të dalë dikush që nuk është i mbrujtur me mentalitetin e ndrydhur fshataresk shqiptar??është e pamundur!nuk them se nuk ka njerëz në shqipëri që mund të jenë të zotë të bëjnë ndryshimin!jo ka boll,por ata nuk kanë asnjë shans të çajnë idiotësinë e këtyre që janë nga Momli!nuk çajnë dot as ata të "lagjes së sipërme" as ata të "lagjes së poshtëme" të Momlit!të dy lagjet bëhen bashkë dhe të masakrojnë!njëlloj si kanë masakruar thanon!!idioti të vret po e kritikove,edhe kur kritika i sjell ujë në vijën e tij!idioti nuk e di që kritika ndreq!ai e sheh kritikën si një thikë në zëmër,pavarsisht se në të vërtetë ti je duke e mbrojtur nga thika në zëmër!!
Mjafton vetem fakti qe zotrote duke qene drejtues i gazetes Dita,shkrimet e tua kritike kunder Rames i boton tek gazeta Tema, tregon ate qe edhe vete e di se sa ka rene lexueshmeria e gazetes Dita qe drejton dhe behet fjale per leximin ne internet,ku je ne kushte te barabarta me Temen !! Konkluzionet i nxjer vete.
Kam nje pyetje ju lutem mos me keqkuptoni: Mos i ka blere Fahri Balliu gazaeten Dita dhe gazeten Sot?
Zotni Thano, përderisa ironizon "talentin filologjik" të Ramës, tregon shumë për talentin tënd. Pastaj, kur shkruan "Nëse Bordi Trump prodhon rezultat konkret...", nuk tregon thjesht skepticizëm, por diçka më shumë. Nuk dëshiron dot ta lexosh se prodhimi më i madh i këtij Bordi për Shqipërinë ishte renditja e Kosovës në një hartë të barabartë me shtetet e tjera dhe kjo për meritë absolute të politikave të Ramës?
Më n fund nje shkrim që nuk te shet dushk për gogla Uaaau
Nuk na vjen mire paralelja midis Edit dhe nje krimineli si Sali Berisha, por druaj se Thano thote ca te verteta qe dhembin. Nje intelektual nacionalist gjate Luftes se dyte boterore i tha misionarit anglez qe i kerkonte te luftonte gjermanet:"Lufta e juaj, nuk eshte lufta jone". Keshtu edhe kauza e Edit me duket se nuk eshte kauza e socialisteve shqiptare qe kemi votuar. Edi flet per projekte zhvillimore, por ne shumicen e tyre nuk ka asnje transparence. Kur puna perfundon del se, ata qe kane perfituar, jane ortaket e Saliut dhe te femijeve te tij, personazhe te lidhur me krimin, figura pa skrupull e pa moral. Gare nuk ka. Komunitetet shkelen me kembe. Ka rruge ku nderhyrja ka filluar para 12-13 vitesh dhe ende jane cope-cope e "punimet" vazhdojne ne komoditetin tenderuesve. Ne fund kisha nje pyetje per ata qe votojne majtas: Ne Partine socialiste a ka ndonje personalitet qe te haptazi te mendoje ndryshe nga Edi? Goje te mbyllura. Mbetet vetem bashkshortja, qe mbasi te mbylli deren me çeles, ti thote: Gabove!
"Kur puna perfundon del se, ata qe kane perfituar, jane ortaket e Saliut dhe te femijeve te tij, personazhe te lidhur me krimin, figura pa skrupull e pa moral. Gare nuk ka". Ok, po Spaku perse nuk i shikon keto? Oh harrova, Saliun dhe familja e tij kane imunitet ...
E ëma e Zeqos zbrit nga thana.
Sinqerishtë të përgëzojë edhe për shkrimin e cituar edhe për këtë parashtrim kaq fisnik dhe të vërtetë. Unë jam dikush i cili mendoja se Sali Berisha është fatkeqsia më e madhe e Shqipërisë por po shikojë me dhimbje se ky fakt po bën që edhe Edi Rama po e rivalizon në këtë kontekst me idenë se sado ti aftohem nuk do ta kalojë. Pamë Gysin që shkërdheu gjithë mitin se Rama qeverisë me bindjet e tija. Pamë Shullazin, Suel Çelën, Troplinët e çdo mafioz të kishte parcelën e tija. Por kur shikojë Zegjinetë dhe çfarë është bërë me AKSHI më vjen për të vjellë. E ruajtëm Ramën si kokën e Zeusit dhe ja ku përfunduam. Për Belën po djeg të ardhmen e Shqipërisë për Erionin gëzuan e hodhën valle. Mallkuar qofshin e mos paçin vend varri..
skaner nolian
Pra, Rama e ka ortak Saliun, dmth se Saliu e ka ortak Ramen. Ja pra, ky eshte thelbi i vetedijes tuaj politiko-mediatike.
E lexova deri ne funde me shpresen se do mesoja ke duhet denuare me pare ,saliun apo edin.??
analizë kirurgjikale qe godet pikrisht aty ku dhemb me shum, logjika e gjymtuar e 'llogoreve' dy binarve qe mbajn te njejtin tren Kjo esht fuqia e fjalës për ta çmontu teatrin e përbashkët te te dyja palve. Kur perdoret fjala me ktë lloj qartësie, ajo s esht më mendim, lsht pasqyr për ate shoqëri atje qe po mbytet n simbiozën Ram-Berish. Respekt nga usa
Analiz e sakte vetem ata qe nuk duan te shohin e te ndegjojne nuk e kuptojne.Te lumte Thano,keshtu vazhdo e shkruaj.Te lumte.
Ju qe shihni dhe keni kuptuar e keni marre ne qafe ate atdheun tone, votuar me 2 gishtat lart ate kermen e Vicidolit me gjithe krimet e llahtareshme, per nja 23 vjet rresht, tani keni 14 vjet qe votoni Piktorin, po per te filozofuar klubeve dhe neper gazeta nuk ua kalon kush!
Pikërisht e keni kuptuar por gabon në zgjidhje.Përderisa Saliu është oksigjen për Ramën atëhere?Mbylle këtë bombël dhe Rama bie.Kush vjen mbas kësaj???????As ju por as unë e të tjerë si unë nuk e dimë.
Fatkeqesisht e sakte , ky eshte realiteti. Respekte !
Respekt maksimal per autorin e shkrimit! Kuraje qytetare, kuraje atdhetare, profesionalizem! Qendrim intelektual ne kete situate ngerci te rende politike! Shembull qe duhet ndjekur prej cilitdo qe pretendon se eshte i angazhuar ne lemine e gazetarise!
Sakte shume sakte mjerishte eshte e vertete…
Shajeni sa te doni, mbrojeni Saliun e Ramen sa te doni, me pages apo pa pages, po e paska qendisur mire Ca te verteta dhembin
ZOTI THANO , UNE JAM NJE NGA ADMIRUESIT E GAZETES DITA , POR PO BEN KOHE QE JAM ZHGENJYER THELLESISHT . DHE JA PSE : SHQIPTARET KA VITE QE NDODHEN NE UDHEKRYQ . NUK KANE OPSION TJETER , VECSE TE ZGJEDHIN NJERIN NGA TE DY , EDI RAMEN DHE BISHEN S.BERISHA , SIPAS PARIMIT TE NJOHUR , NE KEMI ZGJEDHUR TE KEQEN ME TE VOGEL . MOSVOTIMI ESHTE E KEQJA TJETER ME E MADHE ,DUKE UA LENE NE DORE PUSHTETIN MILITANTEVE EKSTREMISTE TE VERBER , SHUMICA E TE CILEVE JANE GJYSME ANALFABETE , TE NDERTHURUR ME KRIMIN E PA NERV KOMBETAR ! A E KE PARASYSH ROLIN E GAZETES KOHA JONE , DERI NE V. 1997-98 ? AJO KA MERITE TE JASHTE ZAKONESHME PER NGRITJEN E POPULLIT DHE NDRYSHIMIN E THELLE TE GJENDJES !
Ja the, por kujt ja the. Ku i hiqet shejtan budallait nga se te kritikosh qeverine apo japesh mendimin e lire nuk je i Saliut. Keta jane qenie me inteligjence emocionale problematike qe jetojne mes adhurimit dhe urrejtjes. Plus e hane propaganden me garuzhde. Duhet te kete dinjtet njeriu qe jete kritik me pushtetin, kushdo qe ta kete ate pushtet.
Z Thano unë i lexoj shkrimet e tua dhe jam shprehur diku se më pëlqejnë .Por kur vjen puna tek baraspeshimi i njërës apo tjetrës figurë e nënveçanti me politikanët që kanë një histori në këto 35 vjetmë duket se kandari mendor dhe drejtë peshimi i njërit pra Saliut dhe Ramës këtu duhet një gjykim pak më objektiv .Të dy janë politikanë dhe kanë rolin e tyre në këto vite tranzicioni .Mirëpo seicili ka merita dhe gabime në jetën politike dhe si drejtues të lartë të shtetit. Pyetja në vijimësi të gjykimit realist është :Kto dy figura mos vallë për opotunitet i vëmë në të njëjtin kandar mos vallë se midis tyre ska ndonjë disnivel të theksuar ??? Mos vallë për hirë të mendimit se opozita ka gjithënjë të drejtë dhe këtu futet edhe Saliu . Kur të kritikojnë në shkrimin tënd nuk nisen thjeshtë se ju kritikoni Ramën dhe harroni Saliun. Jo kjo nuk qëndron sepse kush të ndjek e di që ke qënë kritik i moderuar dhe akoma e ruan këtë senspozitiv Unë e gjykoj ndryshe . Pa i hequr aspak as një presje kritikës për Ramën për shumë dobësi dhe gabime në qeverisje për korrupsionin luftën kundër krimit etj nuk mendoj se krahasimi duhet të bëhet me Saliun . Këto dy figura janë larg nga njëri tjetri si nata me ditën Nuk do tu rokallis kokën ndonjë lexuesi me tërë veprimtarinë e Saliut për 35 vje Ajo dihet.Saliu ka bërë një rrugë të gjatë por plotë krime dhe marje jetë njërësish korrupsion dhe krim të organizuar . Për të cilat.drejtësia po mundohet ti ngulë ndonjë penicilinë nga ato që e di vet ai por deri tani asgjë . Një figurë kontravers .me një fjalë ,Saliu është sinonim i së keqes i anti kombëtarit anti shqipëtarit anti lirisë dhe demokracisë në të gjithë spektrin politik moral shpirtëror e njerëzor . Ska lum ta lajë këtë delenxhi të politikës shqipëtare .Po Rama a mundet të vihet në një peshore me këtë demon të popullit me këtë mostër ? !! Unë them se është e pa pranueshme që të thuash që po mirë dihet që Saliu është i tillë por ja edhe Rama sështë larg , sepse ka korrupsion . E drejtë që ka korrupsion por ska gjak ska vrasje ska plagosje ska shkatërrime dhe në tërësi Shqipëria ecën në korsinë e duhur drejtë BE ( pa i përmëndur arritjet) sepse tashmë dihen Ky paralelizëm i bën komentuesit të humbasin durimin dhe të thonë që Thana ka ndryshuar qëndrim sepse analistët gazetarët politikanët kur marin kompiutrin të shkruajnë duhet të jenë në rregull komod dhe realist në gjykimin apo vlerësimin e drejtuesve Asnjë krahasim nuk është i drejtë e aq më pak ti ballafaqosh këto dy figura .Biles nuk është e mirë që të marësh për ilustrim Saliun dhe Ramën Jo jo kjo të iriton dhe të errëson gjykimin. Saliu duhet të ishte në burg që 20 vjet përpara dhe duhet të ishte harruar si politikan dhe si njeri për tërë ato zullume që ka bërë.Ndërsa Edi Rama ndoshta i ka ardhë koha dhe i ka kaluar që të iki nga drejtimi i qeverisë dhe i PS por jo pa lënë gjurmë pozitive në rrugëtimin e gjatë të drejtimit të qeverisë . Sidoqoftë Thano ju jeni një penë e mirë dhe opinioni di ti vlerësojë penat që shkruajnë jo që zhgarravisin. se sdinë çfarë të shkruajnë.
Pu pu, ky eshte urrejtjesi i analizues i Berishes. Si nuk lodhen, more, fiksimaxhinjte. Hajduti keq, hajdut mire. Ha ha.....
Domethene Z. Thano na thote se tek ne kercejne dy kamber, njeri pjerth, tjetri mer erë. Thano : futja pordhes e gri sallate sa te shkoj dhe ky sahat.
Zoti Thano ju pas 30 vjetësh qenkët bashkuar me partizanët e varianit të ikin të dy dhe Berisha dhe Nano pastaj dhe Berisha dhe Rama po jo i dashur duhet të iki Berisha si patericë e Ramës kte herë pastaj Rama është i detyruar të largohet. Berisha është i shitur plotsisht nga halli që ka po Rama ka blerë dhe pjesën tjetër… Berisha është problemi sepse ai ka infectuar dhe brezin e ri të partisë
Thano mos e vrit mendjen fare … pervec atyre qe thua per qeverine e Edi Rames jane tmerresisht te verteta … ke meriten e madhe qe me kete shkrim u dhe mundesine patronazhisteve te PS te garojne ne menyre publike ne gare me njeri tjetrin perpara “ liderit boteror “ … janenje armate elektorale ne afministraten publike qe nuk bejne asnje lloj pune pervecse ti bejne fresk ketij njeriu qe i ka vene kazmen shqiperise …
idiot mos ndërro pseudonimet!!
Respekt ,por te bindesh Salistet dhe Ramistet eshte detyre e veshtire
Popujt e mirëqeverisur e të lumtur nuk rilindin. Rilindja dhe revolucioni janë zgjidhja e të shtypurve dhe skllevërve; dhe rilindjen e sjellin tiranët. (ANONIM) _____________________ Shprehja më sipër për “rilindjen” si produkt i shtypjes dhe tiranisë tingëllon si një paralajmërim politik për mënyrën se si u ndërtua dhe u zhvillua projekti i “Rilindjes” së Edi Ramës dhe Partisë Socialiste. Në vitin 2013, Rama erdhi në pushtet me premtimin për ta shpëtuar vendin nga qeverisja e Sali Berishës, duke u paraqitur si alternativë morale dhe reformuese, si një epokë e re drejtësie, barazie dhe shteti ligjor. Por historia e këtyre viteve ngre pyetjen thelbësore: a ishte “rilindje” për qytetarët, apo konsolidim pushteti për një grup të vetëm? Përqendrimi i pushtetit në një dorë, kontrolli i fortë mbi administratën, kontrolli dhe propaganda mediatike, mbrojtja publike e zyrtarëve të lartë të akuzuar për korrupsion, refuzimi për të pranuar dorëheqje, tentativat për të ndryshuar rregulla loje kur drejtësia afrohet apo për të lejuar heqjen e imunitetit, janë tipare të autokracisë dhe jo të një “rilindje” demokratike. Rilindja, në kuptimin historik, është çlirim dhe emancipim; kurse këtu kemi një sistem ku pushteti zgjatet, ndërsa llogaridhënia zvogëlohet. Çdo “rilindje” që nis me premtimin për të çliruar popullin nga një e keqe, por përfundon duke prodhuar të njëjtat probleme, arrogancë, korrupsion dhe frikë nga drejtësia, nuk është rilindje, por riciklim pushteti. Kur pushteti identifikohet me një individ të vetëm, kur kritika etiketohet si armiqësi dhe kur përgjegjësia zbehet përballë interesit politik, atëherë termi “rilindje” humbet kuptimin emancipues dhe kthehet në një slogan që justifikon vazhdimësinë e pushtetit. Dhe në këtë pikë, shprehja e mësipërme ngjan më shumë si një diagnozë sesa si metaforë. ________________________ Shënim: Nuk e kuptoj shqetësimin e Thanos për komentet te Gazeta Tema, kur dihet që është gazetë propagande. Mjafton shiko editorialet e Meros që në vend që të flasë për korrupsionin qeveritar, kritikon Spakun, dhe merret përditë me Saliun, dhe herë herë pas here i bën "furça" Ramës dhe rilindjes. Komentuesit te Tema janë kryesisht militantë, duartrokitësa partie, por ka edhe sharësa edhe provokatorë. Të paktë janë ata të paanshëm, etik, e me mendim kritik. Nuk e kuptoj as kërkimim e ndjesës që thotë Thanua për skepticizmin tij për deklaratat e Ramës te bordi i paqes! Ajo ishte simptomë paniku dhe nevoje për të rënë në sy sikur ky ka këllqe dhe është si "babai i kombit" dhe kujdeset për të gjithë e për gjithshka. Kjo në kushtet kur është "lakuriq" para popullit, pra i diskretituar nga korrupsioni galopant i qeverisjes së tij, dhe faktin që është lakuriq brenda vendit, pupaci i tij mediatik e shet sikur ka këllqe jashtë shtetit, në bordin e paqes para Trumpit, pra shet sapunin për djath. Sigurisht atje nuk mund të binte në sy siç bën zakonisht, me formën, pra me çitjane dhe atlete, s'e bënte dot. Duhej diçka përmbajtësore. Çfarë të bënte tjetër ai në bordin e paqes që në realitet ngjante më shumë si bord autokratësh? E vetmja gjë që mund të bënte është lutja që i bëri Trumpit a thua se Trumpi ishte kryediktatori botëror i plotfuqishëm që ndërhyn në gjykata dhe e dikton drejtësinë me urdhër. Pse? Sepse Rama atë mentalitet ka, dhe atë bën me drejtësinë këtu. Bën presione sa mundet, dhe pastaj kur s'ka më nga ia mban, paraqet ndryshime ligjore që mos ta pezullojë askush. Ajo deklaratë është edhe në kontekstin e duhur sepse ishte mes autokratëve te bordi i paqes, dhe me shumë gjasë nuk bën shumë përshtypje atje, s'ia vënë re. Trump nuk e vret mendjen fare për broçkullat dhe mufkat që lëshon Rama nëpër takime ndërkombëtare sepse tashmë e di që është një klloun, që më parë e shante, e quajti fatkeqësi botërore nëse Trump do bëhej president, e tashmë i lëpihej për një shtrëngim dore e një foto madje është gati t'i falë edhe ndonjë copë Shqipërie.
Pra, per ty antikomunist komunisti bandit . me duart te pergjakura deri ne bryla qenka prostitute e virgjer , gjithe e keqja qenka Edi Rama ! Qe Edi ka shume gabime , eshte me se e vertete , poooor kur shohim se doni te na riktheni ne pushtet perbideshin kanibal , kini derdhur me vetedije goten dhe nuk pranojme te degjojme asnje fjale e justifikim , perkundrazi , na provokoni e acaroni nervat ! Pak a shume kete duket se po ben kohet e fundit edhe zoti Thano , qe perpiqet te na binde , pa levizur nga istikami ! Edi Rama duhet te largohet nga politika dhe ate do e largojme ne elektorati i tij , por vete pasi te jete fshire nga politika banditi egersire i katundit Vicidol , qe e ktheu vendin si me 1912 en !
KOMENUESI *KORCA* ME TE LUMTE SA SHKRUAN-bASHKEATDHETARET E VERTETEB TE degjofshin*! *Dhimbie e madhe- POPULL*
Koha do të të jap të drejtë e siç duket nuk do të jetë e largët dita. Bravoo..
Thano , nuk ke ndryshuar aspak ,ngelesh ai që të ka vën në dukje djali .Je i pa fytyrë ,ato që thua i dimë të gjithë por poshtërsia jote qëndron tek hatërmbetja personale me Ramën. Qeveria Rama ka korupsion dhe jam dakort por, hajdutët do përgjigjen ,po shkojnë si e shikoni pas hekurave dhe Rama nuk po i mbron ,përkundrazi i ka lënë dhe dhënë dorë të lirë drejtësisë .Kjo punë do korigjohet por si tja bëjmë me ata që Saliu ka çuar në botën tjetër ? Ti Thano i numëron dot.E di ti Thano sa mijra djem u mungojnë nënave sot në Vlorë e në të gjithë vëndin , sa vrasje ka urdhëruar ai që ti djallëzisht e njëhëson me Ramën ?e di ti shumë mirë por si i kamufluar dhe dinak i lig bën atë për të cilën të shajnë të gjithë .Duhet të kuptosh një gjë për lexuesit ,ata kur bën një kritik pa vënd të kritikojnë ,por kur e shohin dhe nuhasin djallëzin tënde prej qeratai fillojnë e të shajnë .Si përfundim djali ka të drejtë dhe ose korigjohu ose mos shkruaj fare e dëgjo djalin .
Në fakt, ti Thano e ke me sistemin, jo me Ramën e Saliun. Po këtij halli s'ke ç'i bën. Sistemi është kapitalist dhe era e keqe vjen vërdallë në të katër anët...
Zoti Thano, skepticizmi yt për fjalimin e Ramës në Uashington, është një e drejtë tëndja e ligjëshme, dhe kjo nuk të bën domosdo Salihist, sido që edhe ata kanë mbajtur të njëjtin qendrim, por mënyra se si e trajton atë veprim a fjalë të tij atje, është foshnjarake dhe tregon se nuk ke kuptuar asgjë, nga ai takim dhe as nga fjalimi i kryeministrit të Shqiprisë, duke e relativizuar atë, që duhet thënë se, megjithëse nuk pret asgjë për Shqipërinë, së paku qe jo entusiast, por normal dhe brenda kufijve që lejonte eventi. Kjo nuk ka të bëjë as me dyshen Rama-Berish, as me polin e tretë që do të rregullonte, pa skepticizëm, gjithçka në institucionet e "korruptuara" të shtetit. Poli i tretë qe doli 20 vjet më parë doli kallf dhe më i korruptuari nga të gjithë, me zë e figurë. Ah, sikur problemet e botës të rregulloheshin nga një fjalim. Punët e shtetit në perspektivë të zgjidheshin nga një pol i tretë, nga prerja e kokave të të njëjtit gjarpër (edhe pse do të mbeteshim pa koka, punë e madhe), nga një takim, nga një thënje e fortë e udhëheqësve të shteteve...Duhen vite, e dekada të krijosh aleanca... duhet të rrjedhë mjaft ujë... mos e prit të ndodhë sakaq. Pastaj, jo çdo fqinjë është një aleat perspektiv; vëllai me vëllanë janë zënë për një gardh... Forcat politike bëjnë ndryshimin, jo individët që shkojnë e vijnë, por Cezarit i duhet dhënë ajo që i takon; kështu na kanë mësuar që së lashti. Mos u mërzit dhe as mos u shfajëso kot. Djali bën mirë që t'i tregon kritikat, ndonjë ndoshta të duket e ekzagjeruar, por ti je opinionbërës dhe njerëzit ti krahasojnë mendimet e dikujt i thonë Berishist, dikujt patronazhist (jo Ramist), dikujt Enverist etj... Po ty ç'të prishi vazhdo të jesh skepticist, në daç entuzist dhe në daç pesimist. Rogën e merr, shkrimin e bën në daç me porosi, në daç me frymëzim, por edhe kritika do të kesh: molla e pjekur gjuhet me gurë; kështu thonë.
-----------------Adrian-----------------------------------------------------------------------------------------------------------------------------------------më e keqja që mund ti ndodh--------------------------------------------------------------------------------------------------------------një gjeniu-----------------------------------------------------------------------------------------------------------------------------------------është që ta kuptojnë.---------------------------
Shkrim BRILANT. Nga sa pashe disa komente me siper, i bie qe dy Bedelet Rama/Berisha do rrine akoma gjate ne pushtet. Sa keq. Bravo Thano. Shkrim Brilant!
As e kam idenë kush jeni dhe nuk mbaj mend të kem ofenduar kënd këtu te Tema. Nëse mendoj se një opinion është pa lidhje, e shkruaj dhe aq. Pa nevojë për ofendime personale. Por nëse gazetarët e Tema kanë ndonjë databazë komentesh, i ftoj të më korigjojnë.
Joooo Treni ! Tije je provokator i neveritur, qe flet me nje gjuhe qe viell vetem helm , urrejtje e percarje midis shqiptareve dhe grekeve, ti i fryn zjarrit te armiqesise e kofliktit dhe je shume negativ e keqdashes , qe rri gjith diten e naten me laptopin ne gjunje , duke perdorur disa pseudonime . Eshte kjo dhe vetem kjo arsyeja perse une flas kaq ashper ndaj teje , Kete ti edi shume mire edhe pse nuk dukesh njeri me nivel kulturor e arsimor porje je njeri qe te ka lene prapa koha dhe , sherbimet sekrete te hedhin ndonje kocke .
Dua të shprehem edhe unë po ja që e gjeta veten në këtë shkrimin... ( Kështu, frika nga e kaluara bëhet siguracion jete për të tashmen e korruptuar.) ju citoj.
Pra udhehiqemi nga dy koka ne nje trup dhe nje stomak, me nje qellim per te na gelltitur. I gjithe shkrimi rreket per te treguar se Berisha dhe Rama jane dy vellezerit Siameze, me te njejtin mendim e qellim dhe te njejtin rrezik per kete vend. Pra ketu barazohen plotesishte te gjitha prapesite , qe ka sjelle udheheqja e Berishes, qysh nga ardhja e tije me shkaterrimin e gjithe vendit me industri, bujqesi , miniera e cdo gje te ndertuar me djersen e popullit ne kete vend dhe me shkaterrimin e dyte te vitit te mbrapsht 1997, pastaje me vjedhjet galopante te tije e per te vazhduar me krimet shteterore te vrasjeve si dhe shume e shume mynzyra te tjera. Pra jam shume dakord me Z. Thano se edhe ne drejtimin e Rames ka shume per te kritikuar vecanerishte lidhur mekorupsionin, qe nuk se e solli ky si gje te re ; por perseri ketu shikojme ndryshimin e madh per ta luftuar ate sepse jane futur ne burg ministra e zv. Ministra , qe ne kohen e Berishes asnjeri prej tyre nuk e pa pragun e burgut sepse qe te gjithe fitonin me procedure . Pra ne kohen e Berishes burgu ishte vetem per ndonje nepunes te thjeshte dhe ne pergjithesi per popullin fukara. Ky mendoj une se nuk ka te beje me ate njeriun me dy koke ne te njejtin trup e me nje stomak, por eshte ndryshim thelbesor ne krijimin e shtetit te vertet e demokratik per tu bere si gjithe bota. Po, kini te drejte te kritikoni per faktin se ka shume probleme shteterore e politika , qe duhen pare me largpamesi e strategji afatgjata per te arthmen e vendit. Shqiperia e Berishes ishte me e nxira ne bote dhe shqiperia e sotme ka nje tjeter imazh, qe per emigrantet tane kudo qe jane eshte gje e madhe e krenari se u ka ngritur koken larte. Kjo gje eshte merite e pa diskutueshme e Edi Rames. Dhe e fundit, dua te them se si Z. Mero ashtu edhe Ju, jeni pena te forta, ju lexojme me endje e kenaqesi , ju mbeshtesim plotesishte kur kritikoni, por mos devijoni.
Me sa lexova zoti Thano e ke marr seriozisht situaten dhe komentet e patronazhisteve qe qellim kane nje vend pune ne shtet.Zyrat e shtetit te Rames ka kohe qe jane kthyer ne strehe te njerezve pa vlere. Personalisht jetoj prej shume vjetesh jashte dhe mbarevajta e puneve ne Shqiperi nuk me duket cudi,hyj te ata njerez qe mendoj se ai vend nuk behet kurre qe ne 92 kur pashe se kush i zaptoj zyrat e partite politike. Nuk mund ta shikosh seriozisht nje vend si Shqiperia me kryeqytet Tiranen ku njk ka as gualete publoke per te bere shurren,dikur vetem rreth qendres gjendeshin kater a pese te tille, imagjinoni dhe shurren duhet ta besh me mik,diku te kafja nje te njohuri,ose te bmesh diku kafe ose une per te perdirur tualetin,per te tjerat no comment.
Edhe mua me kane pelqyer shkrimet e z.Thano por kohet e fundit se çfar ka ky Thano. Te vejsh shenjen e barazimit midis Berishes dhe Rames eshte sikur te barazosh Henen me Diellin. Po sipas Thanos dhe komentueseve qe e mbeshtesin as per Avni Rustemin nuk duhet te beheshin protesta e letra per t'i bere presion gjykates ne Paris por ja qe paten efektin edhe ato. Ne vend qe te thuhet bravo per ato qendrime qofte ne Bruksel,qofte ne Beograd,Athine apo Amerike sepse ne si vend i vogel fjalen kemi nuk mundet te urdherojme kend siç urdheron presidenti Trump. Edhe te metat apo gabimet duhen thene pa tjeter,jo elozhe por as kritike per çdo gje si te mire si te keqe nuk ka kuptim. Te thuash se opozita hedh ca molotov mbi mure kur nuk ka njerez brenda kjo eshte me shume se dashakeqesi. Po si doni ju dhe disa te tjere qe e artikulojne kte teze,te vriten njerez,keshtu eshte me mire per gazetaret dhe televizionet?!! Nuk ka ndonje gje se dikur mbeshtesje Ramen dhe tani jo.Edhe un dikur mbeshtesja Berishen dhe madje e doja Ate,jo vetem qe e mbeshtesja por, tani as nuk e mbeshtes dhe as nuk e dua sepse e ka tepruar per mendimin tim. Interesa nuk kam pasur dhe nuk kam as me Ramen as me Berishen,problemet e mia i kam zgjidhur dhe i zgjidhe vete. Po te dalin ndonje i ri qe me ben optimist pa dyshim qe ate do mbeshtesja. Por liderat nuk dalin si kerpudhat,ata lindin si te tille dhe duan kohe te rriten. nuk te ben lider as se te mbeshtet perendimi,as se te mbeshtet Amerika duhet te te mbeshtesin populli dhe qe te te mbeshtesin populli duhet t'i ngjallesh Atij shpresen.
Mund ta zgjidhësh dilemën po ta dish se gazetarë idealistë nuk i gjen as në parajsë. Gjobaxhinj apo bythëlëpirës PO!
Unë mendoj që duhet të bësh pak pushim, se ke hyrë në vorbullën e kaosit dhe nuk po del,po të përzihen mendimet.Mere seriozisht këtë.
Penë e fortë E ka qepur mirë, po ne këta jemi Nuk thoshte kot Enveri, jeni ju pa jemi ne Te fundit u shkeputem nga Perandoria Osmane Te fundit nga diktatura komuniste Edhe media ka gjynahet e veta ne ndricimin e mendjes se popullit Sa me shume shkrime tilla
Z.A.Thano: -Besoj se do më lexosh edhe mua,që kam 13 vite që LEXOJ,KOMENTOJ NË DITA dhe që anonimët më shajnë si FSHATAR I POLIAGJENTIT MSH: -DITA po hedh në kosh lexuesit e majt 70 %,duke hedhur poshtë fëmijën bashk me ujin e qelbur. Kjo shifet nga komebmntet në shtyp,TV çdo ditë,PASI I MËNÇMI POPULL THOT ..DUHET MPOSHTUR E KEQA MË E MADHE. -Ndaj,më par duhet eleminuar Sb dhe berishizmi si fatkeqsi Kombëtsre(Shqipëri-Kosovë),duke përkrahur FORCËN E DYTË TË RE IPOZITARE,PA PJESËN E PD BANDË E CILA DUHEJ TË KUSHTE DALË JASHTË KIGJIT,NDËRSA GJYKATA E PAISI ME VULË OPOZITARI,DUKE I BËR KARSHILLËK DASH,ANLISË,BE.! -Dhe e keqa më e madhe është BERISHIZMI DHE DREJTËSIA PLEPISTE 100 % E KAPUR PREJ TIJ 1992,E CILA KA POROSI TË ASGJËSOI PS DHE MË VON SHTETIN.! -E.Rama me reformën e " RE " 2016 në vënd që të vinte VETULLA,NXORI SYT E TIJ,PS.Pasi INSTITUCIONET E DREJTËSISË U BËN ME BERISHIST 90 %.Ky ishte gabimi FATAL I E.RAMËMS. -Por,kjo nuk korigjihet më pasi SPAK(KAPS I PD) po kthehet si GJYKATA E KOSOVËS,Ku nëse në Kosovë po DËNOHEN ME JETË FITUESIT E LIFTËS SË UÇK-NATO..NË SHQPËRI PO DËNOHEN ATA QË KAN PUNUAR MË MIRË,SI ERIONI QË PO DËNOHET PËR SUTJENAT E ARIOLËS DHE B.BALKIKU PËR TENDERA,KU DOLLARËT I KAN MARR FIRMAT DHE JO MINISTRI.! -Në kushtet kur Prekurori SPAK JEP PRETENC PËR BURG 35 VITE,PËR DYSHIME TË ARSYESHME,KALIM KUFIRI,KËRCËNIM DËSHMITSRËSH..KJO ËSHTË MARRZI E NJË PERSEKUTORI MË KEQ SE ARANIT ÇELA, PASI MASËN E DËNIMIT E JEP GJYKATA,KJO TREGON SE SPAK PO DEL MBI GJK,KUVËNDIN,QEVERINË..KUR BURGJET JANË MBUSHUR ME PARABURGIME 65 % MË SHUMË SE NË SHTETET E BE. -NDAJ ËSHTË RASTI QË SKAP TI VIHET FRËRI KAKIT,QË HERË TJETËT TI DREJTOHET KUVËNDIT PËR SHKARKIM MINISTRI. EL News Albania
Thano ka shkruar pak, por jo per te verberit, por per te mencurit qe c’do dite ndigjojne e shikojne skenaret e peshtire te jashteqitjes shqiptare. Qe ps pd pr psd jane pampersat e bytheve te plakura drejt shuarjes te ppsh, kjo jo vetem dihet por dhe eshte vertetuar ne dite e vite me ligjin 7501 e ligje te tjera qe grabisin e tjetersojne pronen, pasurin kombetare e ate private, bile dhe ne menyren me demostrative dhunojn Kushtetuten e hipotekat ne unison aq sa do ti kishin zili edhe eterit e tyre. Pra nje marri e bashkfajsi brenda te njejtes moster, pra te nje muti te ndare ne copa. Nje pyetje qe pret pergjigje, perese hesht drejtesia per mijra viktima te bandave blu-roze? Po per superkorrupsionin e pd ps-es me shoke e shoqe.? Po per vrasesit e shqiptareve prej biznesit te piset, dhe grabitesit e e tjetersimit te pronave private e ato shtetrore me fuqin superkorruptive te pushteteve? Po per sherbimet spitalore e ujin e ndotur dhe ushqimet me presticide qe po ja nxijne e shkurtojne jeten popullit pa dallim, ngjyre, bindjesh apo besimi qofte, qe do t’thote tradheti kombetare, perese hesht e??????? Zgjohuni o popull, servilizmi e besimi i verber dhe nje kocke e gelltutur po ju shkurtojne marrin jeten. Koha s’pret ndotja po ju merr jeten, politika stimulon anarshin, se ujqerit mjergull duan qe ta shqyejne kopen ( popullin)
Thano! Nuk ka dy njerez te barabarte, qofte dhe sikur te jene binjake... Mirupafshim here tjeter. Sot kaq desha te te them.
Shumë analizë e mirë
Lexueshmëria e ditës ka rënë. Dhe dy mendoj se janë arsyet. Së pari, kthimi i baterive drejt qeverisë, veçanërisht drejt kreut të saj. Çdo hap i Ramës shihet me përçmim, edhe kur shumica e gazetarëve me ibtegritet e vlerësojnë. Dhe në ballë të kësaj fushate je vënë ti, Adrian. Dhe më vjen keq vërtet. Së dyti, gazeta po kthehet në 100% politike, nga një gazetë politiko-kulturore. Njerëzit janë ngopur me politikë, lëreni të fryjë pak e kulture.
Ky eshte leximi me brilant i nje grafie qe tregon qarte semundjen e thelle nga e cila vuan ky vend prej 35 vjetesh. Me mire nuk do ta analizonte askush sesa artikullshkruesi. Qarte tregohet se eshte Berisha njera koke e cila filloi shkallmimin e nje shteti dhe vjedhjen e torturen e nje populli, ndersa Rama koka tjeter qe u be mbeshtjetja e Berishes plak qe po binte, duke mbajtur gjalle me gjumashin dhe grabitesin tjeter Basha, e madje duke shtuarvjedhjen e papare, lulezimin e prostitucionit politik, shkaterrimin e thelbit te mire te ketij populli dhe boshatisjen e vendit. Sigurisht te shkruash per keto ndyresira te ketij 35 vjecari nuk mund te dalin rreshtat e nje artikulli si ky, por te pakten mesin se ka njerez qe dine ta lexojne e thone realitetin, pavaresisht te zbutur ne ndonje rast. Gjithesesi faleminderit z. Thano!
Nuk i heq asnje presje ketij shkrimi. Ata jane bashke, veprojne si iu do qejfi sikur Shqiperia te jete prone e tyre. Vazhdojne te ruajne njeri tjetrin per bemat qe kane bere ne vite. 2 milione banore sa kemi ngelur , se 2 milione jane larguar , i mban vetem porti i Durresit dhe OSHE ; sigurisht ne se fondet do te menaxhoheshin sic duhet dhe jo te binin ne duart e makuterise
"Do t’u besoni edhe atëherë?"----- e vë në diskutim o thano??mos vallë mungojnë ata që besojnë akoma në ahmetin e parë mbret nga pidhi i sëmës??mos vallë mungojnë ata që besojnë akoma tek legjendari enver,që na çliroi dhe na çoi në PS 45 vjet më vonë??mos vallë i mungojnë të çmëndurit të viçidollit pas gjithë ndyrësive që ka bërë??mos vallë ka pak që i shkojnë pas këtij të marrit dy metra të lartë??janë të rrallë ata që mendojnë ndryshe,ata që shohin faktet i analizojnë dhe i kritikojnë kur mendojnë se nuk janë ashtu si duhet!!ata që e bëjnë këtë,nuk ju intereson,personi,situata,koha ju intereson jeta e tyre,e njerëzve të tyre,e shtetit të tyre!nuk ju i ntereson e sotmja,por e ardhmia!!thano,idioti është idiot!për të,ndihma ka vlerë nëse e mbështet në gjithçka,nëse e kritikon për gabimet që bën!?nuk ta di për nder,bile harron tërë kohën që e ke mbështetur!!ai të quan armik!dhe ai,idioti,nuk di të sqarojë,të diskutojë!idioti të vret!!prandaj këtë pyetjen tënde "Do t’u besoni edhe atëherë?"nuk do ta kujtojë asnjëherë!e ka harruar që në momentin që e ka lexuar!!të dy shkrimet janë shumë të mira!mos u lodh tu japësh përgjigje idiotëve!!lëri të hanë se kanë nevojë!!
O Thano, sa te paskan djegur opinionet e lexuesve. Nuk sheh ndonje me te mencur se vetja ne ato opinione, por oerpiqesh t'i sqarosh se kush je ti, e kush eshte Rama. Je cinik ne maksimum se ti je i erresires e anarkise, ndersa Rama e ka ngritur nivelin e Shqiperise ne arenen nderkombetare. Kete ashtu si Saliu, edhe ti nuk e sheh, a nuk te pelqen. Niveli i ekonomise eshte rritur, si rezultat edhe mirqenia, ti nuk e pranon, ashtu si Saliu. A ka korrupsion, ka, se ka edhe ne gjithe vendet e zhvilluara e demokratike, andej i provuar me vendime gjykatash, ketu tek ne me dyshime te arsyeshme te prokuroreve, abdej te futin ne burg me vendim gjykatash, ketu per qefin e Dumanit e Banit. Pse nuk ke folur ndonjehere per keto, por te pelqen udhetimi neper mergull e erresire. Dhe pastaj perpiqesh te na shpjegosh se kush je ti. Ne qe japim opinion per shkrimet e tua, s'ka nevoje te na i shpjegosh.
I sakt! Ja the Po kujt ja the?! Partizanlleku na ka mbajt e do na mbaje te groposur.
Kur ne Shqiperi te kete me shume njerez qe jo vetem kane sy te shikojne e veshe te degjojne por edhe MEND te kuptojne , atehere mund te shpresojme te ndryshoje per mire ne vendin tone. Shumica ose jane rehat se punojne ne shtet , ose kane te ardhura te tjera , ata e dine se nga dhe ju duket se jemi mire te gjithe duke pare grataçelat qe nuk japin buke. Njerezve ju ka vdekur nervi per ndryshim dhe ndryshimi eshte te zhduken te gjithe nga mavi e blu qe po e terheqin zvarre kete vend e nuk levizin nga kolltuqet.
Analiza është e saktë dhe plotësisht e logjikshme. Jemi në pritje të Godosë - atij të tretit. që do zhdukë dinosaurët e ujdive për të mos u shkulur nga pushteti. Siç tregojnë bathët, Godoja mund të vijë shumë vite pas ikjes nga kjo dynja e të dyve. MUnd të mbajmë shpresa te Inteligjenca Artificiale. Deri atëherë ajo mund të ketë krijuar ndonjë udhëheqës moralisht të pastër dhe pa ambicje përfitimi përmes pushtetit.
Nuk është veshtire te dallosh ndryshimin e kursit te gazetes Dita.Ju keni kaluar ne mbeshtetje te klanit Veliaj kunder klanit Balluku e si rezultat edhe kunder Rames.Nuk jeni te vetmet media qe keni ndryshuar,perjashto Temen e cila ka nje qendrim te pandryshuar.
Ore trushkulur rrekeni te shpjegoni qe ka te drejte apo jo Thana. Eshte shume thjesht neqoftese Spaku do fuste ne burg Berishen I hiqte alibine Rames apo jo ? Po apo jo me duhet nje pergjigje per kete brilantin me dykoka. Pse nuk ben ky I ashtuquajturi pishkari I drejtesise? Dmth Spaku qenka ne doren e Rames dhe ai me qellim diskrediton forcen e vet politike kaq budalla qenka? Koqet e kandarit duhet ti meshoj fort ketij fakti e keqja me e madhe eshte maloku dhe pa u zhdukur ai shpellar ky vend nuk merr fryme pike cdo pikpamje tjeter qe barazon nje qytetar me nje shpellar ka te beje me ziline. Eshte shume e lehte te kritikohet Rama me drejte sepse e tejkaloi limitin ne kohezgjatjen e pushtetit por harroni nje fakt qe shpellari dha doreheqjen njehere dhe vuri Lulin pra Rama e rriktheu? Llogjikisht duket sikur mbajne njeri tjetrin por barazimi nuk eshte I drejte per nga pesha e fajit dhe pergjegjesise. Njeri qe pati ne dore te vinte nje gur ne formimin e nje shteti dhe zgjodhi te kunderten,kurse tjetri e filloj mbi nje fushe te minuar se te diskutosh se qenkan njesoj ofendon llogjiken sepse te keqija me te medha ketij vendi nuk jam beri Rama por maloku. Tani mund te shkruash dhe hamendesosh shume por ajo qe me trishton eshte pafuqia qe ky pushtet ka ndaj te keqes nuk ka rregulla vendi po rreshket ndaj anarshise dhe kaosit, thashemnaja eshte ushqimi shpirteror kenaqesia me madhe egzagjerimi sikur ketu para ketyre nuk vidhte njeri cdo gje ishte perfekte dhe papritur hajduti dhe vrasesi eshte kundershtari mi I forte I qeverisjes. Fjalimi I Rames nuk do ngrej asnje peshe ne llogjiken juridike ishte thjesht nje trokitje per te degjuar por ama e tha nje fjale kur askush nuk e ka thene me pare. Kjo duhet vleresuar pastaj behet gje apo jo tja leme kohes dhe te ngresh nje narrative mbi kete takim duke bere te njejte dy realitete kreje te ndryshme nuk shkon.
Dallimi i madh mes DITA te Thanos e TemA te Bazes - te gazeta e Thanos komentet c'faredo qofshin pro a kunder qeverise vonohen ca teknikisht por nuk censurohen, ndersa te gazeta e Bazes komentet anti qeveri nuk vonohen fare te censurohen qe ne fillim.