Opozita nuk ka kandidat për zgjedhjet e 9 nëntorit në Tiranë. Të paktën jo ajo që konsiderohet opozitë jashtë suazës së Sali Berishës. Ky i fundit po, zgjodhi kandidatin e tij dhe me dëshirë ose jo, tërhoqi në oborrin e PD edhe Adriatik Lapajn dhe Agron Shehajn. I pari, i telendisur me muhabetet e tezes dhe hallës, nuk ka asnjë arsye ta testojë veten elektoralisht në Tiranë. Ndërsa Shehaj, që mendoi se futi në kurth Sali Berishën me kandidaturën e mbështetur masivisht të Ermal Hasimes, u detyrua në fund të futet në vathën e Berishës pa shumë lavdi.

Tashmë në Tiranë konkurrojnë Ogerta Manastirliu dhe Florian Binaj. Me këtë rast, Agron Shehaj do të kursejë dhe lekët për të bërë sondazhe me call center-in e tij, se e ka të qartë rezultatin. Ama ata demokratë apo opozitarë që shpresuan se më në fund po lindte një dritë shprese dhe një kandidat i mundshëm larg imponimit të Berishës do të shfaqej në Tiranë, mbetën të zhgënjyer. Ndoshta shumë prej tyre nuk do të votojnë në 9 nëntor, të tjerë do të votojnë Binajn, por do të ketë nga ata që do priren të shkojnë kah Arlind Qorri — i vetmi që e mbajti fjalën dhe doli kundër establishmentit, edhe pse ideologjia që përfaqëson është e vjetëruar dhe e rrezikshme.

Të vetmit, ndërkohë, që do tkurren dhe më shumë dhe do pezmatohen janë ata qytetarë të Tiranës që presin shpresën e ndryshimit nga opozita, e cila sërish ofron gjellën e ndenjur që gatuhet në kuzhinën e Sali Berishës dhe besnikëve të tij. Këtë herë, një dorë ia dhanë edhe Agron Shehaj e Adriatik Lapaj, duke rrënuar dhe atë pak shpresë e alternativë që pritej të lindte.

Përballja me Sali Berishën dhe berishizmin është mënyra e vetme për të fituar terren në kampin opozitar. Pjesën tjetër Sali Berisha e ka ndërtuar dhe e ruan fort. Me gjasë do ta ketë gjithmonë. E sa për hile, askush nuk e ka mundur dot. Përballja është e vetmja mundësi. Përndryshe, janë më të respektuara në këtë gavetë politike tezet e Adriatikut sesa hileqarët që mendojnë se mund të jenë faktorë në opozitë me të njëjtat mënyra që Sali Berisha e mban peng atë.

Ai është mjeshtri, ju jeni thjesht çirakët që Saliu ju përdor sa herë ka nevojë në raste si këto.

6 Komente

T
Tualet Palla

8 Tetor 2025, 09:57

U më raftë një pikë për ty !!

Përgjigjjuni
a
alma nga tirana

8 Tetor 2025, 10:01

prap ja ke fut po... kot si shkrimi kaluar

Përgjigjjuni
O
Ola

8 Tetor 2025, 10:09

Desada je ass

Përgjigjjuni
B
Bureto

8 Tetor 2025, 10:22

Nuk ke ç'i shton më shkrimit. Keqardhje se pse ndodh kështu, por kësaj nuk kemi ç't'i bëjmë. Mesa duket fundi i maskaradës "opozitare" do shënjohet nga dy mundësi që duam-s'duam lidhen me një person, "monstrën" Sa-leh: E para mundësi varet nga i Plotfuqishmi, me kohën kur ai do vendosë t'i presë "biletën" për tek të shumtët, ku do t'i kërkojë llogari për mëkatet e tij të shumta në Tokë, dhe e dyta vendimi që duhet të merret nga drejtësia këtu në Tokë, për të paktën një nga tre akuzat e rënda të shkruara në motivacionin e "non grata"-s, atë të 'korrupsionit madhor', objekt dhe ekskluzivitet ky i segmentit më të rëndësishëm të Reformës në Drejtësi, SPAK-ut. Që një nga këto të dyja të ndodhin, sigurisht që do na duhet të presim, urojmë jo shumë. Sa? Kjo mbetet për t'u parë.

Përgjigjjuni
Q
Qorri

8 Tetor 2025, 11:16

Desada. Edhe thua se Llapa është ngatërruar me teze e daja, nga ana tjetet thua se një pjesë e demokratëve do votojnë Llapushin.

Përgjigjjuni
V
Vlonjati

8 Tetor 2025, 11:31

Bravo , Desada ! Leri llomotitesit ne llomotitjsn e tyre ... Vazhdo dhe mos u lekund nga formimi dhe origjina jote e djathte! KY realitet , KY tranzicion , KY eststabilshment eshte zgjatim i trntakulave te thertores dhe vorrezes komuniste me figure qendrore Sali Berishen . Keto trajta , kete kuterbim te kesaj vrrome qe s'paska ngordhje , I dallojne Mbase shume Njerez , Po Jane te pakte guximtaret qe ia perplasin turive . Bravo !( Llomotitjet, tentakulave )

Përgjigjjuni