Te fundit
Rasti i Thoma Gëllçit, jo vetëm si ilustrim...
27 Shkurt 2025, 13:15Blog
Nga Luan Rama
Edhe pse jo në mënyrën e duhur, pra, pa e vendosur të gjithë ngjarjen në përmasën reale të së vërtetës e për të evidentuar me transparencë përgjegjësinë në rastin e burgosjes së padrejtë të Thoma Gëllçit, Kryeministri e përmendi faktin se Gjykata Europiane e të Drejtave të Njeriut në Strasburg i dha të drejtë ish Drejtorit të Përgjithshëm të RTSH, për të ilistruar në këtë rast pretendimin e tij se po shkelen standardet me arrestimet në burg pa vendim gjykate, dhe jo për të kërkuar ndjesë më e pakta, e mandej edhe për të reflektuar për çfarë maxhoranca ka bërë gabim në korpusin e ligjeve që ka hartuar dhe miratuar, mbi të cilat janë organizuar dhe veprojnë institucionet e drejtësisë.
E ashtuquajtura “Drejtësi e Re” lindi prej një deformimi kushtetues, e paçka se maxhoranca, e më shumë se ajo vetë Kryeministri mburret me autorësinë mbi të, “Drejtësia e Re” vazhdon të mbështetet mbi deformimin kushtetues prej nga lindi.
E keqja e sistemi nuk qëndron vetëm tek SPAK-u apo mënyra se si një prokuror a një tjetër i koncepton fjala vjen masat e sigurisë në funksion të hetimit penal, por tek ligjet mbi të cilat mbështetet veprimtaria e tyre.
Ligjet i ka bërë Kuvendi, imponuar prej fuqisë e arbitraritetit të maxhorancës.
Nëse Vendimi i Gjykatës së Strasburgut thotë se Thoma Gëllçi “u mbajt në paraburgim pa prova të mjaftueshme”, përgjgjësia për këtë më shumë se sa mbi SPAK-un, bie mbi gjykatën që i ka legjitimuar veprimet e SPAK-ut.
SPAK-u është organ i akuzës, ai nuk jep as nuk bën drejtësi. Drejtësinë duhet ta japë gjykata. Por, çfarë ka bërë gjykata në rastin e Thoma Gëllçit? A ka qenë ajo e drejtë me të?
Sipas vendimit të Gjykatës së Strasburgut jo. Atëherë përse nuk i shkohet të vërtetës deri në fund?
Kryeministri me siguri e di që Avokatura e Shtetit është institucion nën varësinë e tij. Sepse Avokati i Shtetit emërohet nga qeveria me propozimin e Kryeministrit.
Mirëpo, a bëri qeveria apo edhe vetë Kryeministri ndonjë analizë të qëndrimit të Avokatit të Shtetit mbi gjithë ecurinë e procesit kundër Thoma Gëllçit? Me siguri jo, se po të ishte bërë, Kryeministri nuk do të përpiqej ta justifikonte siç bëri në fakt pa ia dalë ta justifikojë, teksa po i përgjigjej publikisht avokatit të zotit Gëllçi nga mbledhja e grupit të deputetëve socialistë, të cilët ishin thirrë të dëgjonin Rektorin e Universitetet Bujqësor të Tiranës, për disa arrestime e masa të tjera sigurie, ndaj disa punonjësve të këtij universiteti.
Vetë zoti Gëllçi dhe avokati i tij e kanë thënë që në momentin e parë se është arrestuar padrejtësisht. Ata e kanë denoncuar në rrugë ligjore, por edhe publikisht arbitraritetin e arrestimit. Por nuk i dëgjoi askush.
GJKKO-ja e mbajti në arrest në burg.
Sot bëjmë mirë që i referohemi Vendimit të Gjykatës së Strasburgut, meritën për të cilin në fakt e ka vetë zoti Gëllçi dhe avokati i tij që këmbëngulën deri në fund me bindjen se qe arrestuar padrejtësisht, por kush e “paguan” burgosjen e padrejtë? Kush mban përgjegjësi? Më e pakta, kush duhet të kërkojë ndjesë publikisht?
Shteti që duhej t’ia mbronte lirinë e mohuar Thoma Gëllçit, edhe në Gjykatën e Strasburgut siç dëshmon avokati i zotit Gëllçi, përmes Avokatit të Shtetit këmbënguli për të kundërtën!
Fatkeqësisht, nga mënyra e reagimit, askush nuk po e kupton mesazhin që vjen prej vendimit të Gjykatës të Strasburgut që është Gjykata Europiane e të Drejtave të Njeriut.
Rasti i Thoma Gëllçit nuk mund të përdoret për ilustrim. Ai na vjen si një këmbanë e madhe alarmi për të reflektuar dhe për të ndërhyrë me ligj dhe jo me retorikë, në gjithë kurpusin ligjor mbi të cilin është organizuar dhe funksionon sistemi i “Drejtësisë së Re”. Pa e bërë këtë, rasti i Thoma Gëllçit do të harrohet e të tjerë si ai, do të duhet që drejtësinë e munguar në Shqipëri të shkojnë e ta kërkojnë në Strasburg.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
AVOKAT LESHI JO SHTETI. Kush me shpjegon se per vendimet qe merr gjykata shkon dhe mbron Avokati i Shtetit kur shteti nuk ka lidhje me me ate cfare ben gjykata. Ne se ishte shteti pale duhej te ishte shteti ai qe mbante ne burg, po ja qe s qenka keshtu. Dhe s ka si te jete keshtu kur gjykata eshte e pavarur. Duhej Gjykate te kishte perfaqesuesin e vet ne mbrojtje te vendimit, si dhe gjykata te paguaj detyrimet qe rrjedhin nga gabimet e saj , bile me mire do te ishte gjykatesit nga rrogat e tyre te LARTA e jo taksapaguesi te paguje budalleqet e tyre.
Jeni shumë i saktë në argumentimin tuaj student.
Po i njejte eshte dhe rasti i Vangjush Dakos! Sa muaj beri ne paraburgim per nje akuze qesharake? Me duket afer 12 muaj dhe pastaj i dhane nje denim qesharak sa per te lare gojen dhe mbuluar turpin e tyre. Drejtesi e pa drejte! Ky mund te kete bere abuzime te medha, por per cfare e paraburgosen eshte per te klithur dhe vene duart ne koke.
Ana me dy bythe qenka irituar juridikisht !?
Dhe Luani tani foli....Ore juve ju njihte Enveri ju erdhi hakut...dhe fene jua hoqi e ju squk...
Studenti eshte shume i vemendshem dhe me te drejte e kundershton shkruesin e artikullit Luan Rama.Me siguri qe eshte ish ministri i brendeshem qe kaloi me pas me LSI….
Shteti i te drejtes!Fjale rrugesh dhe "besim"i njerezve qe respektojne ligjin.Besim (se do te behet?) eshte nenshtrimi para padrejtesise.Qe nga fillimi i ketij sllogani,ku shqiptaret besuan gjerat kane shkuar per dreq dhe padrejtesia eshte shtruar kembekryq.A e Dime:1-Si u kethye prona e shtetezuar nga sistemi diktatures?U veprua me nje ligj me te poshter se Reforma Agrare.Si u shkaterua prona shteterore dhe si u be grabitja e saj.2-Perse duhet te funksionoj Ligji i Legalizimit,per pronen e zaptuar?A eshte i drejte Z.L.Rama?3-Po mosndeshkimi i krimeve te ketyre viteve kur do te ndeshkohet? ne Shqiperi Z.Rama pa u ndeshkuargjithe krimet e pushteteve me radhe ku edhe ju keni pjesen tuaj,nuk ka dhe nuk mund te behet drejtesi.
Po cfare flisni?! Strasburgu nuk dha pafajesi per Thoma Gellcin. Foli per menyren si u mbajt ne arrest. Gellci eshte nje hajdut ordiner. Eshte, vec hajdut, edhe imoral, duke shfrytezuar postin e tij. Tenderi, per te cilin u denua, ishte nje hic per cka duhej te denohej. Shkoni pyetni ne RTSH dhe do kuptoni se cfare njeriu eshte! Luan, ke gabuar me kete artikull!