Aeroporti i Vlorës: Porta ajrore e Jugut

28 Nëntor 2023, 11:12Ekonomia TEMA
Aeroporti i Vlorës: Porta ajrore e Jugut

Nga Fatos Çoçoli

Aeroporti Ndërkombëtar i Vlorës pritet të nisë fluturimet në muajt mars ose prill të vitit 2025.

Aeroport i kategorisë më të lartë në Ballkan 

Aeroporti është i kategorisë 4E, një nga kategoritë më të larta në Ballkan, pasi kjo kategori mund të përpunojë edhe avionë transoqeanikë. 

Aeroporti Ndërkombëtar i Vlorës në vitin e parë të operimit do të ketë pasagjerë më shumë nga sa ishte parashikuar ne studimin e tij të leverdisshmërisë. Nga parashikimi në planin e biznesit për vetëm 330 mijë pasagjerë në vitin 2025, me ritmin e rritjes së turizmit në Shqipëri, është e sigurt që Aeroporti i Vlorës do të arrijë të presë për vitin 2025 më shumë se 1 milion pasagjerë!

Aeroporti do të jetë i mbuluar me panele diellore,  duke u marrë masa që të mos krijohen probleme me reflektimet e paneleve gjatë uljes e ngritjes së avionëve  në aeroport. Panelet do të prodhojnë 5.2 megavat energji të rinovueshme, e cila do të shkojë e gjitha për nevojat e aeroportit.

Vlora ka patur aeroport rreth 110 vjet më parë!

Vlora ka patur aeroport në vitin 1914!. Ushtria italiane në Vlorë, në fund të vitit 1914, ngriti një fushë aviacioni për qëlllime ushtarake në Mifol, e cila, përveç avionëve të zakonshëm, përfshinte edhe një bazë hidrovolantësh.

Në nëntor të vitit 1924, qeveria shqiptare e asaj kohe nënshkroi një marrëveshje koncesioni 10 vjeçar me kompaninë gjermane “Lufthansa”. Në bazë të kësaj marrëveshje, u krijua shoqëria ajrore shqiptare me emrin “Adria Aero Lloyd”. Në vitet 40-të të shekullit të kaluar, nga aeroporti i qytetit të Vlorës zhvilloheshin tre linja fluturimesh: Vlorë-Gjirokastër, ku bileta kushtonte 11 franga ari për person, Vlorë-Romë që kushtonte 90 franga ari për person dhe Vlorë-Tiranë 17 franga ari për person, ose 216 euro të sotme.

Vlora-porta ajrore e Jugut

Pista e Aeroportit Ndërkombëtar të Vlorës do të jetë e gjatë 3.2 km me gjerësi 60 metra dhe terminali i pritjes dhe përpunimit të pasagjerëve do të ketë një hapësirë  20 mijë metër katrorë, e mjaftueshme për të përpunuar edhe 3 milionë pasagjerë në vit.

Aeroporti në Akërni ndodhet në një zonë të ulët bregdetare në 2 metra nën nivelin e detit. Prandaj dhe është bërë një punë e madhe inxhinierike nga kompanitë ndërtuese, me ngritje dherash, duke e ngritur pistën dhe aeroportin mbi nivelin e detit. Pista për uljen dhe ngritjen e avionëve po ndërtohet 2.6 metra më e lartë se niveli i detit dhe aeroporti 4 metra më i lartë, ndërsa rruga perimetrale 6 km(rrotull pistës)  është që sot e gatshme për asfaltim. Të gjitha këto vepra përfundojnë brenda verës së vitit 2024. 

Në fillim të vitit 2024 nis ndërtimi i rrjetit të furnizimit me ujë. Po në janar 2024, në bashkëpunim me Aeroportin Ndërkombëtar të Mynihut i cili do ta menaxhojë Aeroportin e Vlorës, fillon çertifikimi ndërkombëtar i Aeroportit Ndërkombëtar të Vlorës.

Krahas punishtes së mirëmbajtjes së avionëve, Aeroporti i Vlorës do të ketë edhe Akademinë  e Pilotëve shqiptarë të aviacionit civil. Deri në fund të verës së vitit 2024, Aeroporti do të ketë të çertifikuar ndërkombëtarisht kontrollorët e tij të trafikut ajror.

Aeroporti Ndërkombëtar i Vlorës do të operohet nga autoritetet portuale të Aeroportit të Mynihut në Gjermani, ndër më të mëdhenjtë e botës.

Shumë shpejt, futja në veprim e aeroportit ndërkombëtar të Vlorës do t’i japë oksigjen të plotë turizmit në jug te vendit, duke thithur turiste te huaj nga plazhet dhe destinacionet turistike te Greqise.  Lajm i mirë për aeroportin e Vlorës dhe gjithë ekonominë shqiptare është që aeroportin e Vlorës do ta menaxhojë autoriteti aeroportual që menaxhon Aeroportin e Mynihut në Gjermani, një ndër më të mëdhenjtë në botë. 

7 Komente

  1. A
    Andreas

    Greqia ka 44 aeroporte dhe 14,000km bregdet. Shqiperia ka 1 aeroport funksional, 1 aeroport qe nuk punon fare dhe 300km bregdet(pjesa me e madhe super e betonizuar). Je i sigurte ku shkruan: "duke thithur turiste te huaj nga plazhet dhe destinacionet turistike te Greqise". Mbahu derman!

    1. S
      Shkodrani

      Ke te drejte, linja bregdetare e Shqiperise ka shume probleme poashtu edhe infrastruktura, por keto jane gjera qe mund te rregullohen dhe do te rregullohen. Psh. une jetij ne Massachussetts qe ka 1500 milje vije bregdetare por une plazhin e bej ne New Hampshire qe ka gjithsej 13 milje por qe eshte shume me e thjeshte dhe ekonomike te arrihet. Puna eshte te menaxhimi dhe thjeshtesia e hyrjes ose (jo shqip) aksesi dhe sherbimet. Nga keto pika Shqiperia po perparon shume mire dhe mendimi im eshte optimist per te ardhmen.

    2. S
      Sidoqofte shume pozitive

      Informacion mbreselenes........investimi me i rendesishem per 50 vjetet e ardhshme ne Vlore, duke pasur parasysh levizjen e madhe ekonomike qe do te sjelle ne shume fusha per gjithe zonen.

      1. N
        Niku

        Kjo eshte "Porta e Jugut", Kukesi "Porta e Veriut". Koha do ta tregoje siç po ndodh me Kukesin, apo me rrjetin hekurudhor, apo me transportin publik ne mbare venden... "fantastik fare"

        1. M
          Manastiri

          Te dhjevsha gr dhe ty ti sje shqiptar ckrrkon ketu teteme

          1. A
            Arbërori

            "Mbahu derman" dhe Andreas nuk shkon. "Derman" vjen nga gjuha Kurde dhe do të thotë "bar" pra diçka që shëron. Së paku gjakprishur do ishte mirë të mësoje më parë, gjuhën e nënës sesa të jepje këshilla. E dyta Greqia ka vërtet 14,000 km bregdet (ku këtu përfshihem mbi 300 ishuj) dhe askush nuk e mohon, bukurinë e tyre (pavarësisht si janë fituar). Po nuk ke pse merr nëpër gojë investimet që po bëhen, në vendin ku ke lindur. Të pëlqen t'i shërbesh si argat, grekërve, udhë e mbarë dhe mos hidh vrer mbi bashkëkombasit e tu.

            1. S
              Shume bukur Vlora...

              Te gjithe duhet te gezohemi per kete Aeroport...Sidomos Vlonjatet dhe shume te tjere qe kane deshire te pushojne ne Vloren e bukur nga natyra dhe plazhin qe ka.. Aqe me mire qe e paska mare menaxhimin Gjermania München .

              Lini një Përgjigje