Te fundit
Gjigantët e çipave Nvidia dhe AMD do t’i paguajnë SHBA-ve 15% të shitjeve të çipave në Kinë
11 Gusht 2025, 22:00Hi-Tech
TEMA
Gjigantët e çipave Nvidia dhe AMD kanë rënë dakord t’i paguajnë qeverisë amerikane 15% të të ardhurave kineze si pjesë e një marrëveshjeje “të paprecedentë” për të siguruar licenca eksporti në Kinë, sipas BBC-së.
SHBA-të kishin ndaluar më parë shitjen e çipave të fuqishëm të përdorur në fusha si inteligjenca artificiale në Kinë nën kontrollet e eksportit që zakonisht lidhen me shqetësimet e sigurisë kombëtare.
Ekspertët e sigurisë, përfshirë disa që shërbyen gjatë mandatit të parë të Presidentit Donald Trump, i shkruan së fundmi administratës duke shprehur “shqetësim të thellë” se çipi H20 i Nvidia ishte “një përshpejtues i fuqishëm” i aftësive të AI të Kinës.
Nvidia i tha BBC-së: “Ne ndjekim rregullat që qeveria amerikane vendos për pjesëmarrjen tonë në tregjet botërore.”
“Ndërsa nuk e kemi dërguar H20 në Kinë për muaj të tërë, shpresojmë që rregullat e kontrollit të eksportit do ta lejojnë Amerikën të konkurrojë në Kinë dhe në mbarë botën.”
Sipas marrëveshjes, Nvidia do t’i paguajë qeverisë amerikane 15% të të ardhurave të saj nga shitjet e çipave H20 në Kinë.
AMD gjithashtu do t’i japë administratës Trump 15% të të ardhurave të gjeneruara nga shitjet e çipit të saj MI308 në Kinë, gjë që u raportua për herë të parë nga Financial Times.
Çipi H20 u zhvillua posaçërisht për tregun kinez pasi kufizimet e eksportit të SHBA-ve u vendosën nga administrata Biden në vitin 2023.
Shitjet e çipit u ndaluan në mënyrë efektive nga qeveria e Trump në prill të këtij viti.
Pekini më parë e ka kritikuar qeverinë amerikane, duke e akuzuar atë për “abuzim me masat e kontrollit të eksportit dhe përfshirje në ngacmime të njëanshme”.
Drejtori ekzekutiv i Nvidia-s, Jensen Huang, ka kaluar muaj duke lobuar te të dyja palët për rifillimin e shitjeve të çipave në Kinë. Ai thuhet se është takuar me Presidentin Donald Trump, javën e kaluar.
“Ose ke një problem sigurie kombëtare ose jo,” tha Deborah Elms, drejtuese e politikës tregtare në Fondacionin Hinrich.
“Nëse ke një pagesë prej 15%, kjo nuk e eliminon në një farë mënyre çështjen e sigurisë kombëtare”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Amerika eshte e "pushtuar" nga kinezet dhe indianet te cilet mbarojne po shkollat ne universitet e fameshme te tij, pjesa me e madhe punesohen ne kompanite amerikane dhe pjesa tjeter kthehet ne kine duke punuar per qeverine e tyre ne dem te Amerikes qe i ka shkolluar. Numri i studenteve kineze duhet te reduktohet ne ne menyre drastike ne te kundert ata jane vete demi. CEO i Nvidia eshte kinez e bir kinez. Ne burse stock i Nvidia eshte shume me i kuotur se Microsoft, Meta, e me rradhe. Godinat e kesaj kompanie duket sikur jane projektuar nga jashtetokesore........