Audio për 21 Janarin, Prokuroria e Tiranës: Kemi nisur verifikimet

23 Janar 2023, 14:57Kronika TEMA

Audio për 21 Janarin, Prokuroria e Tiranës: Kemi nisur verifikimet

Prokuroria e Tiranës ka reaguar në lidhje me audiopërgjimin e publikuar për 21 janarin, ku 4 protestues humbën jetën në oborrin para Kryeministrisë gjatë tubimit të zhvilluar në vitin 2011.

Në një njoftim zyrtar, Prokuroria e Tiranës bën me dije se do të nisin verifikime, ndërsa sqaron se verifikimet do të futen në dosjen e hetimeve të rihapur në 2021.

Njoftimi: 

Prokuroria pranë Gjykatës së Shkallës së Parë Tiranë është duke kryer veprimet hetimore në lidhje me procedimin penal Nr.285 i vitit 2011, (i rifilluar), aktet e të cilit bëjnë fjalë për ngjarjen e ndodhur më datën 21.01.2011, gjatë së cilës kanë gjetur vdekjen shtetasit Z.V, F.M, A.N dhe H.D.

Në datën 18.04.2012, është vendosur ndarja nga procedimi penal dhe dërgimi për gjykim në Gjykatën e Rrethit Gjyqësor Tiranë, i çështjes së numërtuar 285/21, të viti 2012, i materialeve për të pandehurit N.P akuzuar për veprën penale “Vrasja në rrethana të tjera cilësuese”, e kryer në mënyrë të rrezikshme për jetën e shumë personave, parashikuar nga neni 79 gërma “ë” i K.Penal, me pasojë vdekjen e shtetasit F.M dhe të pandehurit A.Ll, akuzuar për veprën penale “Vrasja në rrethana të tjera cilësuese”, e kryer kundër dy ose më shumë personave”, parashikuar nga neni 79 gërma “dh” i K.Penal, me pasojë vdekjen e shtetasve H.D e Z.V, si dhe plagosjen e shtetasve F.M, E.B dhe S.G.

Ndërkohë që, u vazhduan hetimet në kuadër të procedimit penal nr.285 të vitit 2011, me qëllim për të përcaktuar se cili është personi që kishte vrarë shtetasin A. N dhe plagosur shtetasit A. D, I.Q dhe I.P.

Në funksion të hetimeve të zhvilluara nga ana e policisë gjyqësore u kryen të gjithë veprimet e nevojshme hetimore, por nuk u bë e mundur që të identifikohet se cilët janë personat që kanë vrarë shtetasit A.N dhe H.D, si dhe plagosur shtetasit F.M, S.G, E.B, A.D, I.Q dhe I.P.

Në këto kushte, kur janë kryer të gjitha veprimet e mundshme hetimore dhe autori i veprës penale nuk njihet, me vendim të datës 28.02.2020, prej Prokurorëve të çështjes është vendosur që hetimet të pezullohen duke i kaluar aktet e procedimit penal nr.285, të vitit 2011, për ndjekje të mëtejshme në Drejtorinë Vendore të Policisë Tiranë.

Në vitin 2021 është vendosur rifillimi i hetimeve të pezulluara dhe kryerja e veprimeve hetimore me qëllim zbulimin e autorit të vrasjes së shtetasit A.N dhe H.D, për të cilin Gjykata e Rrethit Gjyqësor Tiranë me vendimin Nr.100, të shpallur në dt.07.02.2013, ka vendosur deklarimin të pafajshëm të pandehurit A. Ll, për kryerjen e veprës penale të “Vrasjes me dashje, të kryer kundër dy ose më shumë personave”, me pasojë të drejtpërdrejtë vdekjen e të ndjerit H.D.

Me kryerjen e veprimeve hetimore të këtij procedimi penal janë ngarkuar Oficerët e Seksionit të Krimeve ndaj Jetës në Drejtorinë Vendore të Policisë Tiranë, të cilët krahas detyrave të urdhëruara prej prokurorëve të ngarkuar me hetimin, do të kryejnë edhe veprimet hetimore të deleguara në lidhje me verifikimin e fakteve të publikuara prej shtetasit A.H (gazetar), fakte të bëra publike prej tij në emisionin “Zona Zero”, më datën 20.01.2023, në televizionin “Top Channel”.

4 Komente

  1. G
    Gjovalini

    Verifikimet duhet t'i beje SPAK jo Prokuroria e Elisabetes se Tropojes

    1. L
      Lilo

      Prokuroria e Tiranes do beka verifikime! Keta jane gallate fare, me mire te merret Bylykbashi me kete pune se jane njelloje me te!

      1. P
        Poseidon

        FME SIGURI ESHTE NDONJE NGA PROKURORET E SALEH KRIMINELIT. SEPSE PER VRASJE DUHET TE JETE SUBJEKT I SPAKUT DHE BKH JO I PROKURORISE SE TIRANES..............ME VJEN KEQ VERTET QE KRIMINELE SI SALI PLEHI VAZHDOJNE TE QETE TA SHKERDHEJNE SHQIPERINE............DHE EDI RAMA VERTETE QE ESHTE PERGJEGJES QE KJO LOJE VAZHDON .................SEPSE PER KETE DUHET TE BERTISTE FORT ...........MEGJITHATE PO TE KETE NJE ZOT E VERTETA DO DALE..............NJE BRAVO E MADHE EDHE PER ARTAN HOXHEN. SEPSEEDHE ATEHERE EDHE TANI VAZHDON E NXNERR TE VERTETEN NE SHESH. EDHE ASNJE TJETER. TI JEPET CMIM EDHE NGA QEVERIA DHE NGA SHOQATA E GAZETAREVE....

        1. I
          Ikir

          O Artan, ke kap karin . Berisha nuk eshte e pergjerimat e tua... ti duhet te shkosh ne burg se oer 11 vite ke fshehur provat...

          Lini një Përgjigje