Te fundit
Dy dëshmitë që mund të japin të dhëna të reja për fatin e Ervis Martinajt
26 Dhjetor 2022, 19:50Kronika
TEMA
Gazetari Elkier Bushkolaj e ka cilësuar si të dështuar operacionin e sotëm të policisë, në banesën e të shumëkërkuarit, Ervis Martinajt.
Në një intervistë për Euronews Albania, Bushkolaj u shpreh se dy dëshmitë e dhëna së fundmi nga Jeton Lami dhe Klisman Preçi mund të japin të dhëna të reja për fatin e Ervis Marinajt.
“Për hir të së vërtetës, në pamje të parë, nga e gjithë ajo që kemi parë deri më tani, duket sikur Ervis Martinaj u ringjall nga Policia e Shtetit për Krishtlindje.
Kjo është së paku ajo që duket në pamje të parë, por edhe këtë herë besoj se ishte një operacion i dështuar. Kam përshtypjen, këto dëshmitë, e Jeton Lamit, ish-oficerit të Operacionales që ka qenë shoqëruesi i Martinajt, mund të ketë nxjerrë të dhëna të tjera në dritë.
Vetëm pak javë më parë, ka dëshmuar edhe Ylli Brahimi, është një personazh i njohur në zonën e Kurbinit që mbeti i plagosur në atentat në Milot, ku u vra edhe shoku i tij, Klisman Preçi. Kam përshtypjen që këto dy dëshmi mund të kenë sjellë të dhëna të reja sa i takon Ervis Martinajt”, theksoi ai.
Armë me selenciator, predha, fishekë dhe uniforma policie janë gjetur në banesën e të shumë kërkuarit Ervis Martinaj dhe xhaxhallarëve të tij, Faik dhe Rakip Martinaj.
Kontrollet në banesat e tyre u kryen nga Forcat e Lëvizshme Operacionale të Policisë së Shtetit, FNSH dhe RENEA, me urdhër të SPAK.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Super shkrim. Klinsman Preci ne fillim eshte vrare, pastaj ka dhene interviste.
Krime dhe kriminele pa fund. Si krimbat e m…-it.