FOTOT/ “Endacaku vrasës”, detaje nga shpërthimi i tritolit në shtëpinë e Ilir Koçilja i cili vrau komshiun

27 Shkurt 2024, 11:01Kronika TEMA
FOTOT/ “Endacaku vrasës”, detaje nga shpërthimi i tritolit

Shpërthimi që ndodhi mbrëmjen e kaluar në banesën e një të dyshuari për vrasje ka shkaktuar dëme të konsiderueshme materiale dhe pasiguri te banorët e zonës.

15 orë pas këtij incidenti, dera e shtëpisë ku ndodhi shpërthimi vazhdon të jetë e hapur. E lënë në mëshirë të fatit, si dëshmi e një ngjarjeje kriminale me pasoja të pambyllura ende, ndonëse Ilir Koçilja, që jetonte i vetëm në këtë banesë, është në gjendje arresti.

Ai pret përfundimin e hetimeve për të dalë para gjykatës, ose rezultatin e ekspertizës për të përcaktuar gjendjen e shëndetit mendor për t’u trajtuar në spitalin burg.

Përveç dëmeve në shtëpinë pa njeri të Ilir Koçiljas, 35-vjeçarit të arrestuar për vrasjen e Halil Kokës, janë dëmtuar dhe gjashtë automjete të parkuara në zonë, ndërsa mbi murin e shtëpisë është shkruar “Endacaku vrasës”.

Pas shpërthimit, gjatë orëve të natës, policia ka shoqëruar disa persona, kryesisht në cilësinë e personave që mund të kenë dijeni mbi ngjarjen, ndërsa po punon për kapjen e personit të dyshuar.

Kamerat e sigurisë në zonë, kanë fiksuar një të ri të veshur me të zeza dhe kapele që përshkon rrugën për te banesa e Koçiljas, pak minuta para shpërthimit.

Koçilja vrau me thikë fqinjin e tij, banor i pallatit përballë Halil Koka, pas një konflikti për parkimin e automjetit pranë shtëpisë së tij, por konfliktet mes tyre kanë qenë të vazhdueshme siç deklaroi Koçilja në seancën për caktimin e masës së sigurisë ndaj tij, tre ditë pas vrasjes së 14 shkurtit.

 

 

1 Komente

  1. V
    Vetgjyqesia qe promovon shteti.

    Ky vrasesi endacak eshte me license shteterore mos e prekni....Mbase ka vrare dhe pas burgut shteti e ha nxjere ne rruge te vrase Po mua individin ne punen time kush do me mbroje....vetgjyqesia? Kur shtet nuk vret vrasesit promovon vetgjyqesi....

    Lini një Përgjigje