Drama "Babai" ngjitet në Teatrin Eksperimental nën regjinë e regjisorit kosovar Erson Zymberi

Drama “Babai” e autorit francez Florian Zeller, e vlerësuar me shumë çmime ndërkombëtare vjen për herë të parë në skenën shqiptare nën regjinë e regjisorit kosovar Erson Zymberit. Një histori tronditëse dhe njerëzore mbi kujtesën, plakjen dhe dashurinë që mbetet dritë edhe në errësirën e harresës.

Në këtë konceptim të tijin  regjisori Erson Zymberi e sjell tekstin me një qasje vizuale dhe emocionale që zhyt spektatorin në botën e André-s, një burrë që humbet dalëngadalë orientimin, ndërsa vajza e tij, Ana, përpiqet ta mbajë të lidhur me realitetin.

“Shfaqja flet për fragmentimin e jetës, për mendje të turbullta, për dhimbjen njerëzore, për kujdesin që këta persona kanë nevojë dhe natyrisht për dashninë që mungon”, u shpreh regjisori, Erson Zymberi.

Në rolin e André-së, aktori Viktor Zhusti do të sjellë për publikun  një interpretim të fuqishëm dhe të përmbajtur, duke ndërtuar me finesë portretin e një njeriu që humbet kujtesën, por jo dinjitetin.

“Në trajtimin e Erson Zyberit kjo dramë merr një ngjyrë tjetër dhe këndvështrim tjetër, vjen me një vizion të qartë se çfarë ndodh me subkoshiencën e këtyre njerëzve. Drama është një iluzion i mendjes së babait”, tha aktori, Viktor Zhusti.

Krahas tij, Egla Ceno në rolin e vajzës, sjell një figurë plot dhembshuri e forcë të brendshme, një vajzë që përpiqet të mbajë të gjallë dashurinë përballë shuarjes së kujtesës së të atit”.

“Shfaqja është e vendosur në mendjen e babait për mua të gjithë aktorët janë suport në thonjëza i babait. Ka emocione të mëdha, ashtu si në jetën e përditshme ka egërsi për këtë sëmundje”, tha aktorja Egla Ceno.

“Babai” do të ngjitet në skenën e Teatrit Eksperimental këtë fundjavë, nga data 9 deri në datën 12 tetor. - RTSH-

Dy çmime nga Aleksandria: "Pikë Uji" dhe rrëfimi i një kinemaje që po gjen zërin e saj

14:22 Kulturë

Komedia “Komshinjtë”, vihet në skenë në teatrin “Zihni Sako” në Gjirokastër

13:40 Kulturë

“Mid’hat Frashëri, bibliografi më i madh shqiptar”/ Publikohet vëllimi XI për veprën e shkrimtarit, Uran Butka: Ofroi studime të thelluara për autorët e kohës

12:39 Kulturë

Fallaci: Vdekja e një dashnie asht si vdekja e një njeriu të dashtun!

11:45 Kulturë

Konkursi Kombëtar i Poezisë Arbëreshe

11:38 Kulturë

“Brezi i tretë i aktrimit”, libri i kritikut Miho Gjini dëshmon trashëgiminë e skenës

10:37 Kulturë

Fëmijët që nuk shikojnë, akses në shfaqjen me kukulla

09:36 Kulturë

Bibliografia e Mid’hat Frashërit, publikohet vëllimi i XI i kolonës “vepra e zgjedhur e Mid’hat Frashërit”

08:39 Kulturë 1 koment

Dita Botërore e Habitatit

22:42 Kulturë

MUSE-X / Panairi i parë i muzikës dhe arteve kreative vjen në Tiranë

21:38 Kulturë