Te fundit
FOTOT/ U promovua libri i ri i Vojsava Nelos
22 Mars 2024, 08:19Kulturë
TEMA
Në ditën botërore të poezisë, ditën e djeshme është prezantuar libri me poezi i autores Vojsava Nelo “Itaka ime”. Dita botërore e poezisë është shpallur e tillë nga UNESCO në 1999, 25 vite më parë.
Promovimi u mbajt në sallën e Akademisë së Shkencave në bashkëpunim me Bashkinë e Tiranës. Në takim ishin të pranishëm shumë figura të njohura si profesorët Uk Buçpapaj, Josif Papagjoni dhe Ymer Çiraku.
Bashkia Tiranë u përfaqësua nga zonja Majlinda Nana. Protagonistë të eventit dhe të bisedës ishin dhe nxënësit e talentuar të gjimnazit “Faik Konica”. Interpretimi i poezive nga të rinjtë e këtyre gjimnazeve krijoi emocione të veçanta dhe gëzim në sallën “Aleks Buda” në Akademinë e Shkencave.
Autorja Vojsava Nelo është një nga poetet më të mirënjohura shqiptare. Poezia e saj është vlerësuar mjaft nga personalitete të fushës. Poeti ynë Dritëro Agolli thoshte dikur për të: “Një poezi transparente e bukur, me nivel të lartë artistik dhe plot muzikalitet. Krijimtaria e saj në vijim, vërtetoi atë mendim që unë pata në krye, se Vojsava Nelo ishte një poeteshë e vërtetë, origjinale e veçantë. Poezia e saj është një poezi që nuk të lë indifferent, por të bën për vete.”
“Itaka ime” është një vëllim poetik që autorja ia ka kushtuar tërësisht Delvinës, qytetit të saj të lindjes. A.K./TemA
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
duhej ky lajmi sa me e kuptu qe mero tall karin me lexuesit
dhe tallet rendshem, sidomos po te mendosh c'shkruhet per Saven e shkrete.... kur t'a lexoje do t'i shpetoje shurra nga qejfi....