Gonxhja: Rritje drastike e numrit të vizitorëve në Apoloni (VIDEO)

Parku Arkeologjik i Apolonisë deri më tani ka mirëpritur rreth 110 mijë vizitorë dhe ky është një lajm i mirë në disa prizme. Prizmi i parë ka të bëjë me aspektin financiar sepse Shqipëria është një ekonomi në rritje e cila ka nevojë për frymëmarrjen e turizmit. Prizmi i dytë ka të bëjë me vëmendjen që po i kushtohet monumenteve të kulturës nga njerëzit e thjeshtë: fakti që po shkojnë t’i vizitojnë do të thotë shumë për kulturën ne ngritje të shqiptarëve.

Shifra u bë publike nga ministri i Turizmit, Kulturës dhe Sportit, Blendi Gonxhja. Interesi për këtë sit arkeologjik dhe pjesë nga më të rëndësishmet e trashëgimisë sonë kulturore, ka ardhur gjithnjë në rritje. Çdo ditë janë me qindra vizitorët vendas dhe të kombësive të ndryshme që shijojnë ato çka ofron ky park arkeologjik.

Larmia e vizitorëve është një këmbanë alarmi për mirë, por dhe për faktin se duhet investuar më shumë në infrastrukturë për të përballuar numrin e lartë të turizmit si dhe për mirëmbajtjen e siteve arkeologjike.

Vizitorët e këtij parku, përveç qytetit antik të Apolonisë dhe monumenteve të tij, mund të shohin edhe objekte të tjera të vendosura në muzeun brenda parkut. Ky muze arkeologjik është ndër më të pasurit e vendit, me objekte unike jo vetëm për Shqipërinë, por edhe përtej saj.

Muzeu është i vendosur në një manastir mesjetar të fundshekullit XII, i cili në vetvete është një kompleks muzeal mes objekteve e monumenteve. Vjetërsia e këtij manastiri vetëm sa e shton kuriozitetin e njerëzve për të..

MAA përbën një nga arteriet më të rëndësishme të Parkut Arkeologjik Kombëtar të Apolonisë jo vetëm për vizitorët, por edhe për studiuesit e arkeologjisë.

Ky muze u hap për herë të parë në vitin 1957. Objektet e tij, rreth 1000 objekte origjinale, janë të ekspozuara kronologjikisht. Ato janë ndër më përfaqësueset, sipas tipologjive dhe tregojnë historinë e Apolonisë nga prehistoria deri në rënien e qytetit dhe braktisjen e tij.

Historia e popullit shqiptar është e lashtë dhe çdo gjë e vjetër që kemi ka vlerën e saj dhe duhet ruajtur, vizituar dhe përkujdesur për të. A.K./TemA

Rijetëzohen hapësirat e lëna pas dore në Korçë: Kampionati i fluturimeve i jep ngjyra ish Fushës së Aviacionit

10:48 Kulturë

Çel punimet “Kuvendi i tretë i studimeve arbëreshe”

09:30 Kulturë

“Musine Kokalari, një yllësi”/ Promovohet libri i Uran Butkës për Musine Kokalarin, stërmbesa A.Kokalari: më frymëzon çdo ditë

08:55 Kulturë 2 komente

Mbrëmje muzikore në Universitetin e Arteve : Strauss ndëthuret me ritme xhaz

08:28 Kulturë

Poezia urbane e një brezi të ri: “Kaos Zherminal” i Elvin Nurit dhe ndjesitë e Tiranës moderne

22:55 Kulturë 1 koment

Të luftosh për Elsa Lilën!

20:33 Kulturë

PIKTURA E DITËS: "Peizazh"- Bukuria e natyrës në telajo nga artisti Minella Tanellari

18:49 Kulturë

“Ideologjia në tekstet shkollore të gjuhës dhe të letërsisë”/ Promovohet në Rektoratin e Tiranës monografia studimore për tekstet shkollore të periudhës së komunizimit

17:40 Kulturë 1 koment

Berat/ Dhurohen libra të rinj për bibliotekat e shkollave

16:52 Kulturë

Pas incidentit që bëri xhiron e Shqipërisë, sopranoja Eva Golemi kthehet sërish në skenë

14:47 Kulturë 4 komente