Te fundit
E përjashtuan nga partia, reagon Rudina Alla: PD nuk ekziston më, tani quhet "Partia Berishiane"
30 Mars 2026, 19:42Politika
TEMA
Rudina Alla, kryetare e Forumit Demokrat të Gruas në Elbasan, u përjashtua nga PD ditën e djeshme, bashkë me 3 zonja të tjera, Doris Madhi, Alesia Balliu e Zheni Gjergji.
Në një lidhje televizive, Alla ka deklaruar se Sali Berisha po e çon partinë drejt greminës. Ajo tha se kupola drejtuese e PD-së dëshiron ta mbajë PD-në në opozitë. Përjashtimet, sipas Allës, vetëm sa dëmtojnë dhe tkurrin më tej partinë, duke e bërë një alternativë jo të besueshme në sytë e qytetarëve.
“Një frymë e re patjetër që nuk mikpritet. Nuk mikpritet nga ajo shpurë që ka 30 vite që drejton PD-në. Çdo njeri që ka një vizion të ri, nuk do të mirëpritet nga këta. I duket sikur do u zënë vendin. Unë jam larguar vetë nga PD. Kam mbi një vit që nuk marr pjesë më në mbledhjet e PD-së. Kjo për shumë arsye. Gjërat janë të akumuluara gjatë viteve. Nëse unë isha kryetare e Forumit të Gruas, kisha dhënë shumë kontribut të madh te PD. Jo vetëm në aspektin financiar, por kisha sakrifikuar edhe familjen dhe punën time. Sepse të ishe drejtuese e Forumit të Gruas dhe të ishe në punë ishte shumë e vështirë, sepse ti do e godisje kundërshtarin. Pra, PD duke më përjashtuar mua dhe 3 zonjat e tjera, thjesht kanë përkeqësuar veten, por nuk kanë fituar diçka. Po e çojnë PD-në duke u tkurrur dhe zvogëluar.
PD nuk ekziston më, por është partia Berishiane do ta quaja unë. Duket sikur PD ka dashur vetë të qëndrojë këtu ku është, në opozitë. Berisha duhet të mendojë para se të marrë një hap për përjashtimin e anëtarëve. Partia nuk është e Berishës, por e anëtarëve. E atyre që e kanë përkrahur në ditë të mira dhe të këqija. Duket sikur Berisha po e çon vetë drejt greminës PD-në”, tha mes të tjerash Alla.
Kjo valë përjashtimesh në PD-në e Elbasanit erdhi vetëm disa ditë pasi Partia Demokratike përjashtoi si këshilltarë të saj në Këshillin Bashkiak të Durrësit Dritan Burgijën dhe Arlind Boshkun, pasi këta të fundit mbështetën lëvizjen e Ervin Salianjit.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tani qe te perjashtuan ty quhet partia Berishiane.Pse deri tani cfare quhej? Kjo parti ka 35 vjet qe eshte prone private e Berishes e ju dilni e na cani trapin vetem kur ju preken interesat tuaja personale.
E ka kuptuar por me mire vone se kurre
e kuptove! ?
Tani e kuptuat juve te PD ..ajo eshte parti e sali kriminelit turp I shqiperise .hajdut kacak palace vrases te gjitja te keqeijat I ka ky plak I shpif antishqiptare.