Te fundit
Papa Françesku pret në Vatikan Presidentin Bajram Begaj: Duhet të thellojmë marrëdhëniet tona!
2 Dhjetor 2022, 15:26Politika
TEMA
Ati i Shenjtë Papa Françesku priti të premten e 2 dhjetorit në audiencë presidentin e Republikës së Shqipërisë Bajram Begaj.
Sipas njoftimit zyrtar për media të Vatikanit, palët diskutuan për disa çështje.
Presidenti shqiptar u shoqërua nga Zonja e Parë, Armanda Begaj.
Gjatë diskutimeve mes kreut të shtetit dhe Sekretarit të Shtetit të Vatikanit, Kardinalin Pietro Parolin, u shpreh vlerësimi për marrëdhëniet e mira ekzistuese dypalëshe dhe synimi për zhvillimin e mëtejshëm të bashkëpunimit në sektorë me interes të përbashkët.
Parolin shoqërohej nga Mirosław Wachowski, Nënsekretar i Seksionit për Marrëdhëniet me Shtetet dhe Organizatat Ndërkombëtare.
Më tej, u theksua kontributi pozitiv i komunitetit katolik në shoqërinë shqiptare.
“Më pas vëmendja u kthye në rrugën e integrimit të Shqipërisë në Bashkimin Evropian dhe çështje të ndryshme rajonale dhe ndërkombëtare, përfshirë luftën në Ukrainë dhe ndikimin e saj në Ballkanin Perëndimor”, vëren zyra për shtyp e Vatikanit.
Më herët, Ati i Shenjtë u vizitua edhe nga kryebashkiaku i Tiranës, Erion Veliaj.
Kujtojmë që Begaj mirëpriti në Presidencë të enjten e 1 dhjetorit, homologun e tij gjerman Frank-Walter Steinmeier.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
cili nga ata ne foto me papen eshte Bajrami?
Ku eshte Beromi?